2 Tesalonica 3:1 - Lalang Hu Dios

¹ Iman mga suled, i-ampu kay gayed inyu ha sa lalang hu Ginuu laus dà makalekep dini ta kalibutan daw dawaten haena hu mga etaw iling hu pagdawat nuy duun su diyan kay pa ta inyu.

2 Tesalonica 3:1 Referans Kwoze

1 Tesalonica 5:25

Mga suled, iampù kay daan inyu.

Colosas 4:3

Iampù kay daan inyu ha himuwen hu Dios sa paagi ha makapadayag day sa inlilung su anay mahitenged ki Cristo ta iyan haena hinengdan ha naprisu a iman.

1 Corinto 16:9

ta madakel pa sa agkabayà agpaliliman hu lalang hu Dios dini bisan ku madakel daan sa agkuntra kanak.

1 Tesalonica 1:8

Sa lalang hu Ginuu migsugud diyan ta inyu daw nakalekep diyan ta Macedonia daw diyà ta Acaya. Ba kenà duun dà taena ta sa pagsalig nuy duun hu Dios napaliman pa gayed duun hu bisan hindu. Aman hurà en kinahanglana ha tultulan day pa sidan mahitenged inyu

Mga Buhat 19:20

Pinaagi taena nakalekep sa lalang hu Dios daw migdakelà gayed sa nangakatuu.

1 Tesalonica 5:17

daw harì kaw tagluya hu pag-ampù.

Mga Buhat 12:24

Sa lalang hu Dios nakalekep gayed daw migdakel sa mga tumutuu.

2 Timoteo 2:9

daw pinaagi taena tag-antus a hu mga malegen daw naprisu a pa iling hu makasasalà. Ba sa lalang hu Dios harì gayed agkaprisu.

1 Tesalonica 4:1

Mga suled, tinudluan day en inyu hu batasan ha igkabayà-bayà hu Dios ha iyan en tagbuhaten nuy iman. Ba tumenged ta nakigsabuwa kuy en ki Jesus ha Ginuu taw hangyuen day inyu ha ipaiseg nuy pa gayed haena.

1 Tesalonica 2:13

Sigi day daan tagpasalamatan sa Dios ta su magsangyaw kay diyan hu lalang din dinawat nuy gayed haena kenà ta lalang dà hu etaw ba kandin gayed hu Dios, daw saena ha lalang hu Dios iyan pakapabis-ay sinyu sa nakatuu en.

1 Tesalonica 2:1

Mga suled, natun-an nuy ha sa pagdiyan day ta inyu amin din gayed bunga.

1 Tesalonica 1:5

ta su masangyawan day inyu hu Maayad ha Tultulanen kenà pinaagi dà hu kanay ha mga lalang ta ginaheman daan hu Balaan ha Ispiritu daw pinaagi taena natun-an nuy ha kamatuuran gayed haena. Su diyan kay pa ta inyu natun-an nuy en sa batasan day ha iyan makapaayad inyu.

2 Corinto 1:11

Ba kinahanglan ha buligan kay inyu pinaagi hu mga pag-ampù nuy. Ta ku madakel inyu sa mag-ampù ha malibri kay buligan kay gayed hu Dios daw madakel daan sa magpasalamat diyà ta kandin tumenged hu panalangin din kanay.

Roma 15:30

Mga suled, pinaagi ki Cristo Jesus ha Ginuu taw daw hu pagpalanggà ha in-ila hu Balaan ha Ispiritu aghangyuen ku inyu ha makigsabuwa kaw kanak pinaagi hu pag-ampù nuy kanak duun hu Dios.

Mga Buhat 6:7

Aman nakalekep sa lalang hu Dios daw migdakel gayed sa mga tumutuu diyà ta Jerusalem daw madakel daan sa mga sinaligan hu paghalad ha tuminuu ki Jesus.

Mateo 9:38

Aman humangyù kaw duun hu Dios ha suguen din sa mamanlegtay taini ha uma din.”

Lucas 10:2

Dayun inikagiyan din sidan, “Maluag gayed sa legtayen daw napanday en nahinug ba atiyuay dà sa agpamanlegtay duun. Aman humangyù kaw duun hu Dios ha suguen din sa mga mamanlegtay taini ha uma din.

2 Corinto 13:11

Mga suled ku, iyan dà haini. Paniguru kaw ha mahimpit kaw gayed daw tumanen nuy sa salambagan ku inyu. Magsabuwa kaw hu henà-henà nuy ta daw magmalinawen sa pagdapità nuy. Ku buhaten nuy haini sa Dios ha iyan puunaan hu pagpalanggà daw kalinaw magduma inyu.