2 Pedro 1:10 - Lalang Hu Dios

¹⁰ Aman mga suled, buhata nuy gayed sa taman ha mahimu nuy ta daw maahà ha pinilì kaw gayed hu Dios ha iyan mighimu inyu ha tumutuu. Ta ku buhaten nuy haini harì kaw gayed malaag

2 Pedro 1:10 Referans Kwoze

2 Pedro 3:17

Aman pinalanggà ku ha mga suled, tumenged ta natun-an nuy en haini magbantay kaw gayed ha harì kaw mauwit hu mga bidù taini ha mga masinupaken ha manunudlù daw harì kaw malaag duun hu laus ha pagtuu.

Hebreo 6:11

Sa agkabayaan day iyan sa kada sabuwa inyu maniguru gayed hu pagtrabahu taman ha matuman sa taghinamen nuy.

2 Pedro 1:5

Aman siguruwi nuy ha duun hu pagtuu nuy makaisab sa maayad daw sa pagkamasinabuten,

2 Timoteo 2:19

Ba henhenaa ha sa kamatuuran harì gayed tagkahalin-halin ta saena nakasulat en duun hu lalang hu Dios ha tagyanaen, “Sa Ginuu natun-an din sa alan ha mga sakup din” daw inikagi daan, “Sa tag-ikagi ha tumutuu hu Ginuu kinahanglan ha umendà pagbuhat hu madaet.”

Impadayag 22:14

Malipayen gayed sa mga etaw ha nahenawan en sa salà dan ta tumenged taena amin dan katenged ha makakaen hu bunga ku kayu ha pakaila hu kinabuhì daw makaseled daan sidan duun hu pultahan taena ha banuwa.

1 Pedro 1:5

Tumenged hu pagtuu taw tagbantayan kuy hu Dios pinaagi hu gahem din hangtud ha madayag sa katumanan hu kaluwasan taw duun hu hudiyan ha panahun.

1 Pedro 1:2

Daan kaw en pinilì hu Dios ha Amay taw ta daw mabuhat kaw ha mga etaw din pinaagi hu Balaan ha Ispiritu daw magmatinumanen kaw ki Cristo Jesus daw mahimpit kaw daan pinaagi hu langesa din. Sa Dios mag-ila gayed inyu hu grasya daw kalinaw.

Hebreo 6:19

Malig-en gayed sa paghinam taw taena ha insaad hu Dios tumenged ta si Jesus uminuna en duun hu atubangan hu Dios para kanuy dayun nabuhat ha iyan tungkay labaw ha sinaligan taw hu hurà din katapusan iling ki Melchizedek su anay.

Mateo 22:14

“Madakel sa inimbita hu Dios ba atiyuay dà sa pinilì.”

Roma 11:29

Ta harì gayed tagkahalin-halin sa henà-henà hu Dios mahitenged hu pinilì din ha mga etaw ha iyan agpanalanginan din.

Santiago 2:10

Ta ku masupak nuy sa bisan sabuwa dà duun hu Kasuguan naamin nuy en nasupak sa Kasuguan.

2 Pedro 1:3

Pinaagi hu gahem hu Dios nadawat taw sa alan ha kinahanglanen taw ta daw sa pamatasan taw iyan sa agkabayaan din. Nabaluy haena ta nakilala taw en sa Dios ha iyan mighimu kanuy ha tumutuu ta daw makaambit kuy hu pagkamatareng daw hu pagkagamhanan din.

2 Pedro 3:14

Aman pinalanggà ku ha mga suled, tumenged ta taghinamen nuy pa haena sa panahun buhaten nuy gayed sa taman ha mahimu nuy ta daw hurà gayed madaet diyan ta inyu daw hurà daan ikasaway inyu duun hu atubangan hu Dios daw malinawen daan sa pakigdapità nuy kandin.

Judas 1:24

Sa Dios magbantay inyu ta daw harì kaw mahulug duun hu salà daw ku ipaatubang kaw kandin asem malipayen kaw gayed ta hurà ikasaway inyu.