1 Timoteo 5:25 - Lalang Hu Dios

²⁵ Iling daan ha amin mga etaw ha tagkaahà taw en iman sa maayad ha buhat dan, ba sa duma daw taw en kaahà asem.

1 Timoteo 5:25 Referans Kwoze

Lucas 11:33

“Hurà etaw ha tagtutud hu sulù ha bà din dà igheles daw agpalangkebi hu bakag, ba saena iluntud din gayed duun hu ugsakà ha matangkaw ta daw mailawan sa seled taena ha balay.

1 Timoteo 3:7

Kinahanglan saena matahuran daan hu kenà pa mga tumutuu ta daw harì makabuhat hu mga salawayen na mahulug paman duun hu lit-ag hi Satanas.

Mga Buhat 22:12

“Amin diyà etaw ha tagngaranan ki Ananias ha matinumanen gayed hu Kasuguan daw nadayè hu alan ha mga Judio ha tagtimà diyà.

Mga Buhat 10:22

Tuminubag sidan, “Sinugù kay dini hu kapitan hu sundalu ha si Cornelio sa matareng daw masinimbahen hu Dios daw tinahud daan hu alan ha mga Judio. Inikagiyan haena hu balinsuguen hu Dios ha paelegan ka kandin ta daw mapalimanan din sa ag-ikagiyen nu.”

Mga Buhat 9:36

Diyà ta Jope amin bahi ha tumutuu ha tagngaranan ki Tabita, Dorcas haini duun hu Griego ha inikagiyan ha tagkahulugan hu Madagway. Sigi dà gayed maayad sa mga buhat din daw agbuligan din daan sa taglised.

Mateo 5:16

Aman ipasiga gayed sa sulù nuy ta daw maahà hu mga etaw ha maayad sa mga buhat nuy dayun madayè dan sa Dios ha Amay nuy diyà ta langit.

Filipos 1:11

ta mamunga kaw gayed hu matareng ha buhat pinaagi ki Cristo Jesus daw madayè gayed sa Dios.

Impadayag 14:13

Dayun napaliman ku sa lageng ha napuun diyà ta langit ha tagyanaen, “Isulat nu haini, ‘Malipayen gayed sa mga minatay ha mga tumutuu hu Ginuu.’” Tuminubag sa Balaan ha Ispiritu hu kagi din, “Laus gayed ha malipayen sidan ta makahimlay en sidan hu mga buluhaten dan daw agbalesan en sidan hu maayad ha binuhat dan.”