1 Tesalonica 5:24 - Lalang Hu Dios

²⁴ Sa Dios ha iyan mighimu inyu ha tumutuu buhaten din haena ta kasaligan gayed.

1 Tesalonica 5:24 Referans Kwoze

2 Tesalonica 3:3

Ba sa Ginuu agkasaligan gayed ha iyan makapabis-ay daw magbantay inyu ta daw harì kaw madaeg hi Satanas.

1 Corinto 1:9

Kasaligan gayed sa Dios ha iyan mighimu inyu ha tumutuu ta daw amin nuy pagdapità hu Batà din ha si Cristo Jesus ha Ginuu taw.

1 Pedro 5:10

Ku mapengahan sa mababà ha mga alantusen sa Dios maghimpit inyu daw makapalig-en hu pagtuu nuy ta daw harì kaw madaeg hu bisan inu, ta sa Dios tag-ila hu grasya daw iyan mighimu inyu ha tumutuu ta daw makaambit kaw duun hu hurà din katapusan ha pagkagamhanan hi Cristo.

2 Timoteo 2:13

Bisan ku kenà kuy matinumanen ba sa Dios harì gayed agkabalhin ta saena kenà biduen.

Juan 3:33

Ba bisan sin-u sa agdawat taena makatuen gayed ha kamatuuran sa lalang hu Dios.

2 Pedro 1:3

Pinaagi hu gahem hu Dios nadawat taw sa alan ha kinahanglanen taw ta daw sa pamatasan taw iyan sa agkabayaan din. Nabaluy haena ta nakilala taw en sa Dios ha iyan mighimu kanuy ha tumutuu ta daw makaambit kuy hu pagkamatareng daw hu pagkagamhanan din.

Tito 1:2

daw mahinam dan daan sa kinabuhì ha hurà din katapusan ha insaad kanuy hu Dios su hurà pa tanghagaa sa kalibutan. Sa Dios ha Manluluwas taw harì gayed tagbidù, aman duun hu natugun ha panahun impadayag din haena pinaagi hu pagpanunultul ku hu lalang ha insalig din kanak.

Impadayag 17:14

Dayun sabaen dan su Nati ha Karniru, ba madaeg din sidan ta saena ha Nati iyan Magbabayà hu alan ha mga magbabayà daw Harì hu alan ha mga harì. Sa duma din iyan sa mga hinimu hu Dios ha tumutuu ha pinilì din daw matinumanen daan kandin.”

1 Tesalonica 2:12

pigdasig daw pigsambagan day ta daw sa batasan nuy mabayà-bayaan gayed hu Dios ha iyan mighimu inyu ha tumutuu ta daw maharian kaw kandin daw makaambit kaw daan asem hu pagkagamhanan din.

2 Timoteo 1:9

ta sa Dios iyan migluwas kanit daw pinilì ki daan kandin ha suluguen din kenà tumenged hu mga binuhat ta ha maayad ba tumenged hu kandin ha katuyuan daw grasya. Su hurà pa tanghagaa sa kalibutan daan din en nahenà-henà ha iila din kanit sa grasya pinaagi ki Cristo Jesus.

1 Corinto 10:13

Bisan inu sa pagsulay ha makauma diyan ta inyu harì kaw en taena mabag-uwan. Sa Dios agkasaligan gayed daw harì din itugut ha panulayen kaw labaw pa dì hu maantus nuy, ta ku sulayan kaw hu Dios iyan tag-ila inyu hu bis-ay hu pag-antus taena ta daw harì kaw makasalà.

Mateo 24:35

Mahanaw pa sa langit daw sa kalibutan ba sa mga lalang ku harì gayed mahanaw.

Galacia 1:15

Ba tumenged hu grasya hu Dios pinilì a kandin ha suluguen din bisan su hurà a pa ibatà.

Roma 8:30

Saena ha daan din en pinilì ha mabuhat ha mga batà din hinimu din sidan ha tumutuu daw binuhat din daan ha matareng gayed ta daw madayè daan sidan ku malugay.

Juan 1:17

Pinaagi ki Moises in-ila hu Dios sa Kasuguan, ba pinaagi ki Cristo Jesus inilahan kuy kandin hu grasya daw natun-an taw daan diyà ta kandin sa kamatuuran.

Roma 9:24

Saini iyan kuy en sa hinimu din ha tumutuu kenà iyan dà sa mga Judio ba lagkes en daan sa kenà Judio

2 Tesalonica 2:14

Binuhat kaw kandin ha mga etaw din pinaagi hu Maayad ha Tultulanen ha insangyaw day inyu ta daw makaambit kaw hu pagkagamhanan hi Cristo Jesus ha Ginuu taw.