1 Tesalonica 5:14 - Lalang Hu Dios

¹⁴ Mga suled, aghangyuen day daan inyu ha sambagan nuy sa mga pugulen ha magtrabahu en sidan, dasigen nuy sa agluyahan daw buligan daan sa maluya pa hu pagtuu. Magpailub kaw duun hu alan ha mga etaw.

1 Tesalonica 5:14 Referans Kwoze

2 Timoteo 4:2

isangyaw sa lalang hu Dios daw andam ka gayed pagbuhat taena bisan inu ha panahun. Sambagi haena sa agkasayep daw baldenga daan sa tagbuhat hu madaet. Dasiga sidan pinaagi hu pagpailub nu daw hu hustu ha pagtudlù.

Roma 14:1

Dawata nuy haena sa etaw ha maluya sa pagtuu din daw harì nuy agsawaya ku sa henà-henà din kenà iling hu inyu.

Mga Buhat 20:35

Duun hu alan ha binuhat ku impaahà ku inyu ha kinahanglan ha maniguru kuy magtrabahu ta daw mabuligan taw sa taglised, ta henhenaen taw sa inikagi hi Jesus ha Ginuu su magyanaen, ‘Malipayen gayed sa tag-ila dì hu ag-ilahan.’”

Colosas 1:28

Iyan si Cristo tigsangyaw day. Tagsambagan daw tagtudluan day sa alan ha mga etaw sumalà hu natun-an day ta daw makagulang sa kada sabuwa duun hu pagtuu ki Cristo.

Hebreo 13:3

Henhenaa nuy sa mga naprisu isip ha naprisu kaw daan duma kandan, daw saena ha pigpasipalahan isip ha pigpasipalahan kaw daan duma kandan.

1 Timoteo 6:11

Sikaw sa suluguen hu Dios, harì nu agbuhata sa iling taena. Paniguruwi gayed sa pagkamatareng daw sa pagtuman hu agkabayaan hu Dios, sa pagsalig nu kandin daw sa pagpalanggà nu hu mga duma nu. Magmainantusen ka hu bisan inu daw magmaluluy-en ka.

Efeso 4:2

Magpaubus kaw daw magmaluluy-en gayed daw pinaagi hu pagpailub mag-inantusà kaw tumenged hu pagpinalanggaay nuy.

1 Corinto 4:14

Mga suled, hurà ku haini isulat diyan ta inyu ta daw magayhaan kaw ba agsambagan ku inyu iling ha mga pinalanggà ku ha batà.

Mga Buhat 20:31

Aman magbantay kaw gayed daw timan-i nuy ha aldaw daw ku daleman duun hu tatulu ha tuig sinambagan ku inyu daw inagalaan ku gayed inyu.

Mateo 12:20

Harì din bà dà agbalia sa sedsed ha nabalukù daw harì din daan bà dà agpedengi sa sulù ha tagpedek-pedek en, ba agbuligan din haena sa maluya sa pagsalig din duun hu Dios ta daw harì sidan bà dà kalaag. Harì din haena ag-endaan pagbuhat hangtud ha sa pagkamatareng makalekep en duun hu bisan hindu.

Hebreo 12:12

Aman harì kaw tagluya-luya ba maniguru kaw gayed.

Tito 1:6

sa pilien nu ha agalen kinahanglan ha hurà ikasaway kandin. Sabuwa dà sa igbahi batà din tumutuu ha harì maikagi hu mga etaw ha tagpateyeng sidan hu kalibutanen ha kalipayan daw kenà daan sidan masinupaken.

1 Timoteo 3:3

kenà palainum hu binu, kenà mapasipalahen, kenà palasabà daw kenà din babayaen sa salapì. Ba kinahanglan ha maluluy-en

Efeso 4:32

Magmaluluy-en daw magpinasayluwà kaw iling ha pinasaylu kaw daan hu Dios tumenged ki Cristo.

Galacia 5:22

Ba agkakilala taw daan sa tagbayaan hu Balaan ha Ispiritu ta amin din pagpalanggà duun hu mga duma din daw dayun dà malipayen daw malinawen daan, mapailuben daw mahid-uwen, buutan daw matinumanen,

Roma 12:1

Mga suled, tumenged hu kahid-u kanuy hu Dios aghangyuen ku inyu ha itugyan nuy kandin sa kaugalingen nuy isip ha bubuhay ha halad ha hurà duun ikasaway ta iyan haini agkabayà-bayaan din daw iyan haini laus ha pagsimba kandin.

Mga Buhat 20:27

ta intudlù kud en inyu sa alan ha agkabayaan hu Dios.

Lucas 22:32

Ba inampuan ku ikaw, Pedro, ha sa pagsalig nu harì maawà. Ku maglig-en en sa pagtuu nu ipalig-en daan sa pagtuu hu mga duma nu.”

Tito 1:10

Madakel iman ha mga etaw sa masinupaken gayed daw aglimbungan dan sa duma pinaagi hu mga lalang dan ha hurà din pulus. Saen ha tagbuhat taini kadakelà kandan iyan sa mga Judio ha nakatuu en ba tagtudlù gihapun ha kinahanglan gayed sa pagsirkunsida.

1 Corinto 8:7

Ba amin mga tumutuu ha hurà pa makasabut taini. Saena sidan naanad en hu diyus-diyus aman bisan iman ku agkaen sidan hu mga inhalad taena abi dan ha nakasimba en daan sidan hu mga diyus-diyus. Saena nakapasamuk hu henà-henà dan ta nakasalà kun sidan pinaagi taena.

2 Tesalonica 3:15

Ba harì nuy haena ag-isipa ha kuntra ba baldenga isip ha suled nuy.