1 Tesalonica 4:7 - Lalang Hu Dios

⁷ Ta hurà kuy himuwa hu Dios ha tumutuu ta daw magbuhat kuy hu mahugaw ba sa tuyù din iyan sa mahimpit kuy gayed.

1 Tesalonica 4:7 Referans Kwoze

Efeso 1:4

Ta su hurà pa tanghagaa sa kalibutan daan kuy en pinilì hu Dios ha mga etaw din ta daw mahimpit kuy ha hurà din en makasaway kanuy.

2 Timoteo 1:9

ta sa Dios iyan migluwas kanit daw pinilì ki daan kandin ha suluguen din kenà tumenged hu mga binuhat ta ha maayad ba tumenged hu kandin ha katuyuan daw grasya. Su hurà pa tanghagaa sa kalibutan daan din en nahenà-henà ha iila din kanit sa grasya pinaagi ki Cristo Jesus.

2 Pedro 2:10

labi en haena sa babayaen hu pagbuhat hu kalaw-ayan daw agsupak daan hu amin din katenged. Sa mga biduen iman ha manunudlù mabalaw daw galbuwen daw bisan sa mga balinsuguen hu Dios agtameyesen dan.

Galacia 5:19

Agkakilala taw sa tagbayaan pa hu makasasalà ha kinaiya ta iyan tagbuhaten din sa malaw-ay daw sa mahugaw,

1 Tesalonica 2:3

Sa pagwali day hurà duun kapuun hu mga sayep daw madaet ha katuyuan kenà day daan iyan tuyù sa pagbidù hu bisan sin-u,

Hebreo 12:14

Buhata nuy sa mahimu nuy ta daw malinawen sa pagdapità nuy duun hu bisan sin-u daw mahimpit kaw, ta sa kenà mahimpit harì din gayed maahà sa Ginuu.

Efeso 4:19

Hurà dan en gayed kagayhà daw babayaen dan sa pagbuhat hu bisan inu ha mahugaw daw tag-iseg pa haena.

Efeso 4:1

Siak sa naprisu tumenged hu pagsunud ku hu Ginuu aghangyuen ku inyu ha tumenged ta pighimu kaw hu Dios ha tumutuu sa pamatasan nuy angayan gayed hu tumutuu.

Efeso 2:10

Pinaagi hu pagpakigsabuwa taw ki Cristo Jesus binag-u kuy kandin ta daw mabuhat taw sa mga maayad sumalà hu daan en ha katuyuan hu Dios para kanuy.

Roma 1:7

Sinulatan ku inyu sa diyan ta Roma ha mga pinalanggà hu Dios daw hinimu din ha mga etaw din. Sa Dios ha Amay taw daw si Cristo Jesus ha Ginuu mag-ila inyu hu grasya daw kalinaw.

1 Corinto 1:2

Sinulatan day inyu sa tagkaamul-amul ha mga tumutuu diyan ta Corinto ha mga etaw hu Dios pinaagi hu pakigsabuwa nuy ki Cristo Jesus daw duma hu alan ha mga etaw bisan hindu ha tagsimba daan hu Ginuu taw.