1 Pedro 5:3 - Lalang Hu Dios

³ kenà daan pagpalabaw hu mga kaugalingen nuy duun hu mga etaw ha insalig inyu ba kinahanglan ha maayad kaw ha sampitan diyà ta kandan.

1 Pedro 5:3 Referans Kwoze

2 Tesalonica 3:9

Bisan en ku amin day katenged hu pagpanayù diyan ta inyu ba naniguru kay hu pagtrabahu ta daw mailingan nuy sa pamatasan day.

Filipos 3:17

Mga suled, dayunen nuy sa pagpangiling-iling kanak daw timan-i haena sa mga etaw ha sa pamatasan dan iling kanay.

2 Corinto 1:24

Kenà day iyan tuyù sa pagpeges inyu duun hu pagtuu ta natun-an day ha malig-en kaw en duun hu pagtuu nuy, ba sa agkabayaan day iyan sa makabulig kay inyu ta daw mag-iseg sa kalipay nuy.

Tito 2:7

Kinahanglan iyan ka sampitan diyà ta kandan pinaagi hu pagbuhat nu hu maayad. Ku tagtudlù ka kinahanglan matul-id sa tigtudlù nu ha amin duun kaligdeng,

1 Timoteo 4:12

Bisan pa ku batan-en ka pa ba kinahanglan angayan ka gayed tahuran hu bisan sin-u. Mabuhat ka gayed ha sampitan hu mga tumutuu pinaagi hu pag-ikagi daw batasan ha maayad, duun hu pagpalanggà hu bisan sin-u, hu pagsalig ki Cristo Jesus daw hu pagkahimpit nu.

Mga Buhat 20:28

Aman magbantay kaw gayed duun hu pagtuu nuy daw alimahi sa mga tumutuu ha insalig inyu hu Balaan ha Ispiritu ta naangken sidan hu Dios pinaagi hu langesa hu Batà din.

Filipos 4:9

Buhata sa alan ha natun-an nuy duun hu napaliman daw naahà nuy dini ta kanak, daw sa Dios ha tag-ila hu kalinaw magduma inyu.

2 Corinto 4:5

Ta kenà day iyan tigsangyaw sa kanay ha kaugalingen ba iyan si Cristo Jesus ha Ginuu taw daw pinaagi kandin nabuhat kay daan ha suluguen nuy.

1 Corinto 11:11

Bisan pa taini sikuy sa mga tumutuu hu Ginuu magbinuligà kuy gayed sa maama daw sa bahi.

1 Pedro 2:9

Ba sinyu iyan kaw iman hinimu hu Dios ha tumutuu daw mga sinaligan ha tag-alagad hu Harì daw mga etaw kaw kandin ha mahimpit gayed ta daw madayè nuy sa Dios pinaagi hu pagpanunultul nuy taena ha belenganen ha binuhat din, ta iyan migpaguwà inyu duun hu kasukileman payanaen duun hu kapawaan diyà ta kandin.

1 Corinto 3:9

Siak daw si Apollo bà dà migbuligà duun hu buluhaten hu Dios daw sinyu agkailing kaw hu uma hu Dios ha pigtrabahuwan day. Agkailing kaw daan taena ha agbalayen hu Dios.

1 Corinto 3:5

Henhenaa nuy ha siak daw si Apollo bà kay dà mga suluguen hu Dios ha sinaligan din hu mga buluhaten daw pinaagi kanay nakatuu kaw daan.

Juan 13:15

Ta saena binuhat ku diyan ta inyu ta daw mailingan nuy.

1 Tesalonica 1:7

Tumenged taena iyan kaw iman nabuhat ha sampitan hu alan ha mga tumutuu diyan ta Macedonia daw diyà daan ta prubinsya ta Acaya.