1 Juan 3:23 - Lalang Hu Dios

²³ Iyan haini sugù kanuy hu Dios sa tuuwan taw si Cristo Jesus ha Batà din daw magpinalanggaay kuy ta iyan daan haini sugù kanuy su anay hi Jesus.

1 Juan 3:23 Referans Kwoze

Juan 13:34

“Amin ku bag-u ha kasuguan inyu ha iyan sa magpinalanggaay kaw. Iling hu kanak ha pagpalanggà inyu kinahanglan ha magpinalanggaay kaw daan.

1 Pedro 1:22

Iman nahimpit kaw en pinaagi hu pagkamatinumanen nuy hu kamatuuran ta daw laus gayed sa pagpalanggà nuy duun hu mga duma nuy. Aman ipaiseg gayed sa pagpinalanggaay nuy

Juan 15:12

Iyan haini sugù ku inyu sa kinahanglan ha magpinalanggaay kaw iling hu pagpalanggà ku inyu.

Juan 6:29

Tuminubag si Jesus, “Sa agkabayaan hu Dios iyan sa tumuu kaw kanak sa sinugù din.”

1 Pedro 4:8

Labaw hu alan siguruwan nuy gayed sa pagpinalanggaay nuy, ta sa laus ha pagpalanggà pakatambun hu salà.

1 Juan 3:11

Iyan haini napaliman nuy su anay kaw makatuu sa kinahanglan ha magpinalanggaay kuy gayed.

1 Juan 4:21

Iyan haini sugù kanuy hu Dios ha bisan sin-u ha tagpalanggà hu Dios kinahanglan daan ha magpalanggà hu mga duma din.

1 Tesalonica 4:9

Mahitenged hu pagpinalanggaay nuy hurà en kinahanglan ha sulatan day pa inyu ta tinudluan kaw en hu Dios ha magpinalanggaay kaw gayed

Efeso 5:2

daw magpinalanggaay kaw gayed iling ha si Cristo pinalanggà kuy kandin daw migpakamatay para kanuy na sa kamatayen din iling hu mahumut ha inhalad duun hu Dios.

Marcos 9:7

Dayun amin gabun ha nakabungkus kandan daw amin lageng ha napuun duun ku gabun ha tagyanaen, “Iyan en haini Batà ku ha pinalanggà aman magpaliliman kaw kandin.”

Mateo 22:39

Sa ikaduwa ha labaw ha sugù iyan sa, ‘Palanggaa sa mga duma nuy iling hu pagpalanggà nuy hu kaugalingen nuy.’

Mga Buhat 16:31

Inikagiyan dan haena, “Tumuu ka ki Jesus ha Ginuu ta daw maluwas ka daw sa pamilya nu.”

Juan 17:3

Iyan haini paagi ha madawat dan sa kinabuhì ha hurà din katapusan, sa pagkilala dan ikaw sa laus daw sabubuwa dà ha Dios daw sa pagkilala dan daan kanak ha iyan a si Cristo Jesus sa sinugù nu.

Juan 14:1

“Harì kaw gayed masamuk ba salig kaw duun hu Dios daw salig kaw daan kanak.

1 Timoteo 1:15

Saini ha mga lalang kasaligan gayed daw kinahanglan tuuwan hu kaet-etawan ha si Cristo Jesus duminini ta kalibutan pagluwas hu mga makasasalà. Iyan a gayed labaw hu alan ha makasasalà,

Juan 1:12

Ba sa alan ha nakadawat kandin daw nakatuu daan inilahan din hu katenged ha mabuhat ha mga batà hu Dios.

Juan 2:23

Su diyà pa si Jesus ta Jerusalem su panahun hu pagsaulug hu Aldaw hu Paglabay madakel tungkay sa nakatuu kandin ta naahà dan sa mga belenganen ha binuhat din.

Juan 3:18

Bisan sin-u sa tumuu taena harì en mahukuman hu silut, ba saena ha harì tumuu daan en nahukuman ta hurà tuu hu bugtung ha Batà hu Dios.

1 Juan 2:7

Pinalanggà ku ha mga suled, saini ha insulat ku diyan ta inyu kenà bag-u ha sugù ta napaliman nuy en haini su anay kaw makatuu ki Jesus ha magpinalanggaay kuy gayed.

1 Juan 4:15

Bisan sin-u sa tag-ikagi ha si Jesus iyan gayed Batà hu Dios saena nakigsabuwa gayed hu Dios.

1 Juan 5:13

Sinyu sa mga tuminuu ki Cristo Jesus sa Batà hu Dios, sinulatan ku inyu ta daw matun-an nuy ha amin nuy en kinabuhì ha hurà din katapusan.