1 Corinto 9:5 - Lalang Hu Dios

⁵ Daw harì ba diay mabaluy ha ilingan day sa tagbuhaten hu duma ha mga apustulis daw hi Pedro daw hu mga suled hi Jesus ta sa mga asawa dan tagduma-duma kandan hu paghipanawà dan?

1 Corinto 9:5 Referans Kwoze

Juan 1:42

Dayun dinuma din si Simon diyà ki Jesus. Su maahà hi Jesus si Simon inikagiyan din, “Sa ngaran nu iyan si Simon ha batà hi Juan, ba sa igngaran ku iman ikaw iyan en si Cefas” ha Pedro daan ha sa kahulugan din Batu.

Mateo 8:14

Su sumeled en si Jesus diyà ta balay hi Pedro naahà din sa ugang ha bahi hi Pedro ha harì en pakabangun ta agkagenaw.

Hebreo 13:4

Kinahanglan ha tahuran nuy sa pag-asawa nuy daw hurà makasalà inyu ta agsilutan gayed hu Dios haena sa tagbuhat hu malaw-ay daw sa tagpanapaw.

Galacia 1:19

Iyan dà daan naahà ku ha apustul si Santiago sa suled hi Jesus ha Ginuu.

1 Corinto 7:39

Sa bahi harì din gayed maendaan sa igmaama din ku bubuhay pa haena. Ba ku matay en haena mabaluy en ha magpaasawa hu bisan sin-u ha agkabayaan din, ba kinahanglan ha magpaasawa hu tumutuu.

1 Corinto 7:7

ta igpalabi ku ganì ngaay ha sa alan ha maama mailing kanak ha hurà en pangasawa. Ba sa kada sabuwa kanuy inilahan hu Dios hu hurà mag-iling ha kahimtang.

Mga Buhat 1:14

Sigi sidan tag-amul-amul hu pag-ampù duma hu mga bahi daw hi Maria sa inay hi Jesus daw sa duma pa ha suled hi Jesus.

Tito 1:6

sa pilien nu ha agalen kinahanglan ha hurà ikasaway kandin. Sabuwa dà sa igbahi batà din tumutuu ha harì maikagi hu mga etaw ha tagpateyeng sidan hu kalibutanen ha kalipayan daw kenà daan sidan masinupaken.

1 Timoteo 5:2

Iling daan sa mga laas ha bahi sambagi sidan isip ha inay nu. Daw sa mga batan-en pa dì sikaw ha bahi sambagi nu iling ha mga suled daw kinahanglan ha malimpyu sa henà-henà nu kandan.

1 Timoteo 3:2

Ba kinahanglan ha hurà ikasaway kandin daw sabuwa dà sa igbahi din, tagpugung gayed hu kaugalingen daw matinahuren, maalima hu mga langyaw daw matatau gayed hu pagtudlù,

1 Corinto 7:15

Ba ku sa asawa ha kenà tumutuu agkabayà ha makig-endaay mabaluy haena ta agkabayaan hu Dios ha malinawen sa pagdapità nuy alan

1 Corinto 1:12

Sa duma inyu tag-ikagi ha sumusunud hi Pablo daw sa duma na ki Apollo, amin daan tag-ikagi ha sumusunud hi Pedro daw sa duma na ki Cristo.

Roma 16:1

Igpakilala ku iman inyu si Phoebe sa suled taw ha bahi duun hu pagtuu daw sabuwa ha bulig duun hu tagkaamul-amul ha mga tumutuu diyà ta Cencrea.

Juan 2:12

Su maiwas en haena duminiyà si Jesus ta Capernaum duma ki Inay daw mga suled din daw hu mga tinun-an din, daw migtimà sidan diyà hu pila ha aldaw.

Lucas 6:15

si Mateo daw si Tomas, si Santiago sa batà hi Alfeo daw si Simon ha tagngaranan hu Patriyuta,

Marcos 6:3

Kenà ba batà hayana hu panday daw sa inay din iyan man si Maria, sa mga suled din iyan si Santiago daw si Jose, si Judas daw si Simon, daw dini dà daan tagtimà sa mga atebay din?” Tumenged taena hurà dan dawata sa intudlù din.

Marcos 1:30

Sa ugang ha bahi hi Simon harì en pakabangun ta agkagenaw daw tinultulan dan si Jesus taena.

Mateo 13:55

Kenà ba batà man hayana hu panday daw sa inay din iyan man si Maria, sa mga suled din iyan si Santiago daw si Jose, si Simon daw si Judas,

1 Timoteo 4:3

Sa tigtudlù dan iyan sa harì gayed mangasawa sa etaw daw amin daan kalan-enen ha harì agkakaen. Ba sa alan ha kalan-enen binuhat hu Dios daw sa mga tumutuu ha nakasabut hu kamatuuran makakaen taena duma hu pagpasalamat.

1 Corinto 7:8

Sinyu sa hurà din asawa daw sa mga balu, ikagiyen ku inyu ha maayad ngaay ku ilingan a inyu ha hurà en pangasawa.

Lucas 8:20

Amin etaw ha uminikagi diyà ki Jesus, “Si Inay nu daw sa mga suled nu diyà tagtiyadeg ta guwà ta agkabayà kun sidan pakig-ahà ikaw.”