1 Corinto 4:8 - Lalang Hu Dios

⁸ Sa henà-henà nuy gid iman maayad en sa kahimtang nuy ta bà su mga sapian daw mga harì kaw en. Mambung ngaay ku laus ha mga harì kaw en ta daw makabulig kay inyu hu pagharì nuy.

1 Corinto 4:8 Referans Kwoze

Impadayag 5:10

Nabuhat sidan ha tagharian nu daw mga sinaligan daan ha tag-alagad hu Dios daw ipagharì daan sidan diyà ta kalibutan.”

Galacia 6:3

Ku amin inyu taghenà-henà ha maayad en ba amin pa ikasaway kandin bà din dà nabidui sa kaugalingen din.

2 Corinto 13:9

Iyan igkabayà-bayà day ha bisan ku maluya kay ba malig-enan kaw. Aman tig-ampù day ha magmahimpit kaw gayed.

1 Corinto 5:6

Imbà kaw man galbuwen? Hurà nuy ba diay katun-i ha sa atiyuay dà ha igpatulin pakalekep en duun hu madakel ha harina?

1 Corinto 1:5

ta tumenged hu pakigsabuwa nuy ki Cristo Jesus pigpanalanginan kaw gayed labi en hu kaalam daw katatau hu pagtudlù.

Roma 12:3

Tumenged hu in-ila kanak ha katenged ag-ikagiyan ku inyu alan ha harì kaw maghenà-henà ha labaw kaw dì hu laus ha kahimtang nuy iman, ba kinahanglan ha mahustu sa henà-henà nuy mahitenged hu kaugalingen nuy sumalà hu katatau ha in-ila hu Dios duun hu kada sabuwa inyu.

Lucas 6:25

“Sinyu sa nangabuhì iman, kahid-u nuy gayed ta mauhul kaw dà asem. “Sinyu sa tagpatawahà iman, kahid-u nuy gayed ta maglugul kaw dà asem.

Impadayag 3:17

Kagi nu ha sapian kaw daw maayad en sa pagtimà nuy ta duduun en sa alan, ba hurà nuy katun-i ha iyan kaw pinakahaluhid-u daw tungkay makaluluuy, mga buta kaw daan daw lelebas pa gayed.

Filipos 2:12

Palangga ku ha mga suled, iling ha migmatinumanen kaw kanak su diyan a pa ta inyu su anay kinahanglan ha labaw pa gayed sa pagkamatinumanen nuy bisan ku hurà ad en iman diyan. Paniguruwi gayed sa kaluwasan nuy duma hu kahaldek daw paghukum hu Dios taman ha mauma sa aldaw ha matuman haini,

Filipos 1:27

Ba kinahanglan ha sa pamatasan nuy angayan gayed hu Maayad ha Tultulanen mahitenged ki Cristo ta daw ku makadiyan a daw ku harì, mapaliman ku ha malig-en gayed sa pagtuu nuy ta nasabuwa kaw ha madasigen duun hu paglaban hu Maayad ha Tultulanen

2 Corinto 11:1

Ima ku ngaay ha makasabut kaw gayed taini ha ag-ikagiyen ku inyu bisan ku bà su buang-buang a.

1 Corinto 4:18

Sa duma inyu tagpagalbu ta abi nuy ha harì a agdiyan ta inyu.

Mga Buhat 26:29

Ba si Pablo tuminubag, “Sa tig-ampù ku iman duun hu Dios iyan sa malugay daw ku madalì sikaw daw sa alan ha nakapaliman taini mailing kanak ha nakatuu ba harì mailing kanak ha naprisu.”

Mateo 5:1

Su maahà hi Jesus sa madakel ha mga etaw tuminakedeg haena duun hu bubungan daw pinuu. Nangaamul-amul diyà ta kandin sa mga sumusunud din