1 Corinto 4:15 - Lalang Hu Dios

¹⁵ Bisan ku madakel sa migtudlù inyu mahitenged ki Cristo ba sabuwa a daan ha agkailing hu amay nuy duun hu pagtuu ki Cristo Jesus tumenged ta migsangyaw a hu Maayad ha Tultulanen diyan ta inyu.

1 Corinto 4:15 Referans Kwoze

Galacia 4:19

Pinalanggà ku ha mga batà duun hu pagtuu, tag-antus a iman iling hu bahi ha tagbatà taman ha mailingan nuy en sa kinaiya hi Cristo.

1 Corinto 3:10

Inilahan a kandin hu katenged hu pagsugud taini ha balay daw amin lain ha iyan agdayun duun. Ba mag-andam gayed sa kada sabuwa ha mapandayaan din sa katukura taini.

1 Corinto 9:23

Tagbuhaten ku haini ta daw makalekep sa Maayad ha Tultulanen daw pinaagi taini makadawat a hu panalangin tumenged hu mga tuminuu.

1 Corinto 9:14

Iling daan sa Ginuu migsugù ha saena ha tagsangyaw hu Maayad ha Tultulanen tumimù gayed hu mga kinahanglanen din duun hu pigsangyawan din.

1 Pedro 1:23

ta in-isab kaw imbatà kenà pinaagi hu agpatay dà ha etaw ba pinaagi hu hurà din katapusan ha lalang hu Dios ha iyan tag-ila hu kinabuhì.

Santiago 1:18

Pinaagi hu kandin ha pagbayà nabuhat kuy ha mga batà din tumenged hu pagtuu taw hu kamatuuran ta daw iyan kuy kinatangkawan duun hu alan ha tinanghagà din.

Filemon 1:19

ta iyan a si Pablo sa migsulat taini ha magbayad hu mga utang din diyan ta ikaw. Ba henhenaa nu daan ha nakautang ka dini ta kanak ta pinaagi kanak amin nu kinabuhì ha hurà din katapusan.

Tito 1:4

Sinulatan ku ikaw, Tito sa batà ku duun hu pagtuu. Sa Dios ha Amay taw daw si Cristo Jesus ha Manluluwas taw mag-ila ikaw hu grasya daw kalinaw.

2 Timoteo 4:3

Ta makauma sa panahun ha sa mga etaw tumambag magpaliliman hu kamatuuran ba magpatudlù sidan hu lain ha manunudlù sumalà hu agkabayaan dan agpalilimani.

1 Corinto 9:18

Inu man diay sa suhul kanak? Saini iyan sa katenged ku hu pagsangyaw hu Maayad ha Tultulanen ha hurà din bayad bisan pa ku amin ku ngaay katenged ha igkauyag ku pinaagi taena.

1 Corinto 9:12

Ku amin katenged hu duma hu paghinam taini dì ba labaw pa man sa kanay ha katenged? Ba saini ha katenged hurà day buhata ta impalabi day ha mag-antus kay hu mga malegen ta daw hurà makaelang hu pagsangyaw day hu Maayad ha Tultulanen mahitenged ki Cristo.

1 Corinto 3:6

Iyan a namula daw si Apollo iyan mig-alima ba sa Dios iyan migpatubù.

Roma 15:20

Iyan ku katuyuan ha makasangyaw ku haena duun hu mga lugar ha hurà pa makakilala ki Cristo ta daw harì ku mapamabawan sa intudlù hu duma.

1 Corinto 1:30

Iman pinaagi hu Dios nasabuwa kuy ki Cristo Jesus, aman tumenged kandin amin taw kaalam daw inisip kuy hu Dios ha matareng daw mahimpit ha mga etaw din ha nalibri duun hu mga salà taw.

1 Corinto 3:8

Saena ha agpamula daw sa tag-alima mig-iling dà daw sa kada sabuwa kandan agsuhulan sumalà hu pagpaniguru dan.

1 Corinto 9:16

Hurà ku ipagalbu sa pagsangyaw hu Maayad ha Tultulanen ta iyan haena sugù hu Dios. Pinakahaluhid-u a gayed ku harì ku isangyaw sa Maayad ha Tultulanen.

1 Corinto 15:1

Iman mga suled, agkabayaan ku ha henhenaen nuy gayed sa Maayad ha Tultulanen ha insangyaw ku diyan ta inyu ha tinuuwan nuy daw iyan daan haena nakapalig-en hu pagtuu nuy.

2 Corinto 4:5

Ta kenà day iyan tigsangyaw sa kanay ha kaugalingen ba iyan si Cristo Jesus ha Ginuu taw daw pinaagi kandin nabuhat kay daan ha suluguen nuy.

Galacia 3:24

Aman sa Kasuguan iyan panulù taw payanaen duun hu pagpakauma hi Cristo ta daw ku makauma haena mabuhat kuy ha matareng pinaagi hu pagtuu taw kandin.

Galacia 3:25

Iman ta nakatuu kuy en ki Cristo kenà taw en iyan panulù sa Kasuguan.