1 Corinto 15:10 - Lalang Hu Dios

¹⁰ Ba pinaagi hu grasya hu Dios nabuhat a ha apustul daw sa grasya ha in-ila din kanak amin din gayed pulus. Ta bisan pa iman labaw sa nabuhat ku dì hu duma, ba kenà a iyan migbuhat taena ta pinaagi dà hu grasya hu Dios kanak.

1 Corinto 15:10 Referans Kwoze

Filipos 4:13

Agkahimu ku sa alan pinaagi ki Cristo ha tag-ila kanak hu bis-ay.

2 Corinto 3:5

Harì day maikagi ha iyan kay nakahimu hu buluhaten day ta sa igkahimu hu alan duun gayed agkapuun hu Dios,

Filipos 2:13

ta iyan sa Dios magbulig inyu ta daw mabayaan daw mabaluy nuy daan sa pagtuman hu agkabayaan din.

Galacia 2:8

ta pinaagi hu gahem hu Dios nabuhat si Pedro ha apustul duun hu mga Judio iling daan kanak ha nabuhat ha apustul duun hu kenà mga Judio.

Roma 12:3

Tumenged hu in-ila kanak ha katenged ag-ikagiyan ku inyu alan ha harì kaw maghenà-henà ha labaw kaw dì hu laus ha kahimtang nuy iman, ba kinahanglan ha mahustu sa henà-henà nuy mahitenged hu kaugalingen nuy sumalà hu katatau ha in-ila hu Dios duun hu kada sabuwa inyu.

2 Corinto 12:11

Iling a iman hu buang-buang tumenged ta pineges a inyu hu pagpasigalbu. Iyan kaw ngaay magdayè kanak ta bisan ku iyan a pinakaminus ba labaw a pa dì taena ha tagpasibù-sibù ha mga apustulis.

2 Corinto 6:1

Tumenged ta nakigsabuwa kay hu Dios hu buluhaten din aghangyuen day inyu ha harì nuy bà dà agkalkali sa grasya din inyu,

1 Corinto 4:7

Imbà nuy taghenhenaa ha labaw kaw dì hu duma? Harì ba bà dà daan in-ila inyu hu Dios sa didiyan en iman ta inyu? Ku natun-an nuy en ha bà kaw dà daan inilahi imbà kaw man tagpagalbu?

1 Corinto 15:2

Pinaagi taena maluwas kaw gayed ku mangeseg kaw duun taena ha intudlù ku inyu. Ba ku umendà kaw hurà gayed pulus hu pagtuu nuy.

Roma 11:1

Harì kaw taghenà-henà ha isalikway en hu Dios sa alan ha mga Judio, ta siak kaliwat a daan hi Israel tumenged ta iyan gin-apuan ku si Abraham daw iyan kapuun ku si Benjamin.

Mateo 10:20

ta sa ag-ikagiyen nuy kenà inyu ha lalang ba kandin en hu Balaan ha Ispiritu ha sinugù hu Dios ha Amay nuy.

1 Corinto 3:6

Iyan a namula daw si Apollo iyan mig-alima ba sa Dios iyan migpatubù.

1 Corinto 3:10

Inilahan a kandin hu katenged hu pagsugud taini ha balay daw amin lain ha iyan agdayun duun. Ba mag-andam gayed sa kada sabuwa ha mapandayaan din sa katukura taini.

1 Corinto 15:11

Sa tigtudlù ku daw sa tigtudlù hu mga duma ku mig-iling gayed daw iyan daan tinuuwan nuy.

1 Tesalonica 5:12

Mga suled, aghangyuen day inyu ha tahura nuy gayed haena sa pinilì hu Ginuu ha agalen nuy ha agpaniguru hu pagtudlù.

1 Timoteo 4:10

Iman agpaniguru ki gayed bisan ku amin mga alantusen, ta iyan ta taghinamen sa Dios ha iyan bubuhay daw Manluluwas hu kaet-etawan ha tumuu kandin.

Mateo 25:16

Su sinaligan ha inilahan hu lalima ha libu sagunà din dà haena impatigayun aman nakaganansiya hu lalima daan ha libu.