1 Corinto 10:16 - Lalang Hu Dios

¹⁶ Ku tag-amul-amul kuy hu pagsaulug hu Panihapun hu Ginuu harì ba tagsabuwa kuy man hu pag-inum taena ha pigpasalamatan taw ha iyan timaan hu langesa hi Cristo ha impamalas hu mga salà taw? Daw saena ha supas pigsabuwahan taw hu pagkaen ha iyan timaan hu lawa hi Cristo ha minatay duun hu krus.

1 Corinto 10:16 Referans Kwoze

Mga Buhat 2:42

Sigi dà gayed mig-amul-amul sa mga tumutuu hu pagpaliliman taena ha intudlù kandan hu mga apustulis daw hu pagkaen, hu paghenà-henà taena ha kamatayen hi Jesus daw hu pag-ampù.

1 Juan 1:7

Ba ku sa tagbuhaten taw iyan sa mga buhat duun hu kapawaan ha duun daan sa Dios amin taw pakigdapità daw sigi kuy taglimpyuwi duun hu mga salà taw pinaagi hu langesa hi Jesus sa Batà din.

Hebreo 3:14

Ku padayunen nuy sa pagsalig ki Cristo hangtud en hu katapusan masabuwa kuy diyà ta kandin.

Mga Buhat 2:46

Aldaw-aldaw tag-amul-amul sidan diyà ta Timplu daw agduun daan sidan hu mga balay dan hu pagkaen ha tungkay gayed sidan malipayen

1 Corinto 1:9

Kasaligan gayed sa Dios ha iyan mighimu inyu ha tumutuu ta daw amin nuy pagdapità hu Batà din ha si Cristo Jesus ha Ginuu taw.

1 Juan 1:3

Aman sa naahà taw sa napaliman day diyà ta kandin iyan daan tigtultul day iman diyan ta inyu ta daw amin taw pakigdapità daw amin daw daan pakigdapità hu Dios ha Amay taw daw diyà ki Cristo Jesus sa Batà din.

Mga Buhat 20:7

Su sumalep en sa aldaw duun hu Sabadu naamul-amul kay sa alan ha mga tumutuu hu pagkaen daw hu paghenà-henà taena ha kamatayen hi Jesus. Si Pablo migwali taman hu liwarà sa daleman ta ku maselem agdayun dà haena aghipanaw.

1 Corinto 12:13

Ta sikuy, sa Judio daw sa kenà, sa ulipen daw sa kenà, alan kuy nabautismuwan pinaagi hu sabuwa dà ha Balaan ha Ispiritu, aman sabuwa kuy dà ha lawa daw inulinan kuy alan hu sabuwa dà ha Balaan ha Ispiritu.

Mga Buhat 20:11

Dayun luminatun dà si Pablo diyà ta sampaw daw kaen sidan. Nakiglalang pa kandan taman ha agkaaldaw en dayun human huminipanaw.

Lucas 22:17

Tuminimù si Jesus hu tasa daw ampui dayun inikagiyan din sidan, “Bahina nuy haini

1 Corinto 10:15

Henhenaa nuy haini sa inikagi ku ku laus ba daw ku kenà ta matatau kaw en maghenà-henà.