1 Corinto 1:26 - Lalang Hu Dios

²⁶ Mga suled, henhenaa nuy ku inu kaw su makatuu kaw. Pipila dà inyu sa matatau gayed daw amin din katengdanan daw mga tinahud ha etaw.

1 Corinto 1:26 Referans Kwoze

Santiago 2:5

Pinalanggà ku ha mga suled, palilimani nuy haini. Kenà ba iyan pinilì hu Dios sa mga makaluluuy ha etaw dini ta kalibutan ta daw mabuhat sidan ha sapian duun hu pagtuu dan? Daw iyan daan sidan tagharian hu Dios sumalà hu mga saad din duun hu tagpalanggà kandin.

1 Corinto 2:8

Sa mga agalen duun taini ha panahun hurà gayed makasabut taena, ta ku natun-an dan pa harì dan ngaay ilansang sa Ginuu duun hu krus ha iyan labaw hu alan.

1 Corinto 1:20

Inu man sa pulus taena ha mga matatau daw taena ha mga manunudlù daw ku mga matatau hu pagsawalà? Hurà ba diay ipadayag en kanuy hu Dios ha sa kaalam hu etaw binuang dà?

Lucas 10:21

Duun taena ha panahun si Jesus nalipay gayed pinaagi hu Balaan ha Ispiritu daw mig-ampù, “Amay ku ha Magbabayà hu alan diyan ta langit daw dini ta kalibutan, adagi sa pagpasalamat ku ikaw ta sa inlilung duun hu mga matatau daw hu nangakatunghà ha mga etaw impadayag nud en duun hu mga etaw ha harì pa agkatuen iling hu mga batà. Aman Amay ku, tagpasalamat a gayed diyan ta ikaw hu kabuhata nu duun tumenged ta iyan haena agkabayà-bayaan nu.”

1 Corinto 2:13

Aman ku magtudlù kay duun hu mga etaw ha inulinan hu Balaan ha Ispiritu harì kay tag-ikagi hu kalibutanen dà ha kaalam ba pinaagi gayed hu Balaan ha Ispiritu.

2 Juan 1:1

Iyan a sabuwa ha agalen hu mga tumutuu sa migsulat taini. Sinulatan ku ikaw sa bahi ha pinilì hu Dios daw sa mga batà nu ha mga pinalanggà ku. Sa alan ha nakatuu hu kamatuuran tagpalanggà daan inyu

Filipos 4:22

Sa alan ha mga tumutuu dini labi en sa mga sakup hu panimalay hi Harì Cesar agpangamusta daan inyu.

Mga Buhat 17:34

Amin tuminuu ha mga etaw ha suminunud kandin, sa duma kandan iyan si Dionisio sa sabuwa duun taena ha agalen daw amin daan bahi ha tagngaranan ki Damaris daw amin pa duma.

Mga Buhat 13:12

Su maahà ku gubirnadur sa nahitabù nakatuu haena ta nabeleng gayed hu katudluanan mahitenged hu Ginuu.

Mga Buhat 13:7

saena sinaligan daan ku matatau ha gubirnadur diyà ha iyan si Sergio Paulo. Pinaelegan ku gubirnadur si Bernabe daw si Saulo ta agkabayà agpaliliman hu lalang hu Dios.

Roma 11:29

Ta harì gayed tagkahalin-halin sa henà-henà hu Dios mahitenged hu pinilì din ha mga etaw ha iyan agpanalanginan din.