1 Corinto 1:16 - Lalang Hu Dios

¹⁶ Amin pa diay daan nabautismuwan ku diyan ha iyan sa pamilya hi Estefanas, ba hurà kud en agkahenhenaan ha duma pa.

1 Corinto 1:16 Referans Kwoze

1 Corinto 16:15

Natun-an nuy en ha sa pamilya hi Estefanas iyan nauna ha nakatuu diyan ta prubinsya ta Acaya daw intugyan dan sa kaugalingen dan duun hu pagbulig hu mga tumutuu.

1 Corinto 16:17

Tungkay a nabayà-bayà su makadini si Estefanas, si Fortunato daw si Acaico ta binuhat dan dini sa harì nuy agkabuhat,

Mga Buhat 16:33

Su liwarà pa sa daleman binulung taena ha bantay sa mga adul hi Pablo daw hi Silas. Pagkaiwas taena binautismuwan su bantay daw sa pamilya din.

Mga Buhat 16:15

Aman binautismuwan haena duma hu pamilya din dayun huminangyù kanay ha tagyanaen, “Ku isipen nuy ha laus a ha tumutuu hu Ginuu diyà kaw magtimà ta balay ku.” Aman pineges kay gayed kandin.

Mga Buhat 11:14

ta itultul din ikaw sa paagi ha maluwas ka daw sa pamilya nu.’

1 Corinto 1:15

ta daw hurà inyu makaikagi ha nabautismuwan pinaagi hu ngaran ku.