1 Corinto 1:1 - Lalang Hu Dios

¹ Iyan a si Pablo sa pinilì hu Dios ha apustul hi Cristo Jesus sa migsulat taini duma ki Sostenes sa suled taw duun hu pagtuu.

1 Corinto 1:1 Referans Kwoze

Roma 1:1

Iyan a si Pablo sa migsulat taini. Suluguen a hi Cristo Jesus daw pinilì a hu Dios ha apustul hu pagsangyaw hu Maayad ha Tultulanen. Sa Maayad ha Tultulanen insaad hu Dios su anay duun hu insulat ha lalang din pinaagi hu mga prupita.

Efeso 1:1

Iyan a si Pablo sa pinilì hu Dios ha apustul hi Cristo Jesus sa migsulat taini. Sinulatan ku inyu sa mga etaw hu Dios diyan ta Efeso ha mga matinumanen ki Cristo Jesus.

2 Corinto 1:1

Iyan a si Pablo sa pinilì hu Dios ha apustul hi Cristo Jesus sa migsulat taini duma ki Timoteo sa suled taw duun hu pagtuu. Sinulatan day inyu sa tagkaamul-amul ha mga tumutuu diyan ta Corinto daw duun hu alan ha mga etaw hu Dios diyan ta prubinsya ta Acaya.

Colosas 1:1

Iyan a si Pablo sa pinilì hu Dios ha apustul hi Cristo Jesus sa migsulat taini duma ki Timoteo sa suled taw duun hu pagtuu.

Mga Buhat 18:17

Dayun dinakep dan si Sostenes sa agalen duun taena ha simbahan daw pagbunalai duun hu atubangan ku hukmanan. Ba si Galio hurà en maglabet-labet kandan.

2 Timoteo 1:1

Iyan a si Pablo sa migsulat taini. Apustul a hi Cristo Jesus ha pinilì hu Dios pagpanunultul mahitenged hu kinabuhì ha insaad din pinaagi ki Cristo Jesus.

1 Timoteo 2:7

Iyan haini hinengdan ha pinilì a kandin ha apustul duun hu kenà mga Judio ta daw makatuu sidan pinaagi hu pagsangyaw daw pagpanudlù ku hu kamatuuran. Laus gayed haini sa inikagi ku.

1 Timoteo 1:1

Iyan a si Pablo sa migsulat taini. Apustul a hi Cristo Jesus sinugù hu Dios ha Manluluwas taw daw hi Cristo Jesus sa tagsalapen taw iman.

Efeso 4:11

Sa katatau ha in-ila din iyan haini. Sa duma binuhat din ha apustulis daw sa duma pakasaysay hu igpaikagi hu Dios. Sa duma tagsangyaw hu Maayad ha Tultulanen, sa duma agalen hu mga tumutuu daw amin daan manunudlù.

Galacia 1:1

Iyan a si Pablo ha apustul sa migsulat taini duma hu alan ha mga suled taw duun hu pagtuu. Sa katenged ku hu pagkaapustul kenà pinaagi hu etaw ha pagpilì ta sa migpilì kanak iyan si Cristo Jesus daw sa Dios ha Amay taw ha iyan migbanhaw kandin. Sinulatan day inyu sa mga punduk hu tagkaamul-amul ha mga tumutuu diyan ta prubinsya ta Galacia.

Mga Buhat 22:21

“Ba minikagi sa Ginuu dini ta kanak, ‘Hipanaw ka ta agsuguen ku ikaw duun hu kenà mga Judio duun hu mga madiyù ha lugar.’”

Juan 15:16

Kenà kaw iyan migpilì kanak ba iyan a migpilì inyu ta daw mamunga kaw hu madakel daw sa bunga nuy harì maamin. Bisan inu sa panayuen nuy duun hu Dios ha Amay ku pinaagi kanak saena ig-ila din inyu.

2 Corinto 12:12

Su diyan a ta inyu naahà nuy sa timaan ha apustul a tumenged ta migpailub a daw impaahà ku inyu sa mga timaan daw belenganen.

2 Corinto 11:5

Saena ha mga tagpasibù-sibù ha iyan labaw ha mga apustulis natun-an ku ha labaw a pa dì kandan.

1 Corinto 15:9

ta iyan a kinahudiyanan duun hu mga apustulis daw kenà a man ganì angayan ha ngaranan ha apustul tumenged ta pigpasipalahan ku sa mga tumutuu ki Jesus.

1 Corinto 3:9

Siak daw si Apollo bà dà migbuligà duun hu buluhaten hu Dios daw sinyu agkailing kaw hu uma hu Dios ha pigtrabahuwan day. Agkailing kaw daan taena ha agbalayen hu Dios.

Roma 1:5

Pinaagi kandin in-ila kanay hu Dios sa katenged hu pagkaapustul ta daw madayè si Cristo Jesus. Binuhat din haena ta daw matudluan day sa kenà mga Judio duun hu bisan hindu dayun tumuu daw magmatinumanen sidan kandin.

Mga Buhat 1:2

payanaen en hu pagligtu din diyà ta langit. Seled hu kap-atan ha aldaw hu pagkabanhaw din madakel sa mga paagi ha impaahà din duun hu mga apustulis ha nabanhaw gayed daw tinudluan din daan sidan mahitenged hu pagharì hu Dios. Su hurà pa haena ligtu diyà ta langit, pinaagi hu Balaan ha Ispiritu tinudluan din su mga pinilì din ha mga apustulis hu igpabuhat din kandan.

Juan 20:21

Dayun inikagiyan sidan hi Jesus, “Magmalinawen kaw en. Iling ha sinugù a hu Dios ha Amay ku agsuguen ku daan inyu hu pagpanunultul mahitenged kanak.”

Lucas 6:13

Su maselem en inamul-amul din sa mga sumusunud din, dayun pinilì din sa sampulù daw daruwa daw pigngaranan din sidan ha mga apustulis.

Mga Buhat 1:15

Amin aldaw ha naamul-amul sa nanggatus daw kaluwaan ha tumutuu. Dayun huminitindeg si Pedro duun hu atubangan dan daw ikagi,

Roma 1:10

Daw hinangyù ku daan sa Dios ha ku iyan pagbayà din himuwen din sa paagi ha makadiyan a ta inyu

2 Corinto 8:5

Hurà day paghinama ha mahimu dan sa iling taena, ba sa una ha binuhat dan na intugyan dan sa kaugalingen dan duun hu Ginuu daw dini daan ta kanay ta iyan haena agkabayaan hu Dios.