Yohana 9:38 - Bibiliya mu Kirundi coroshe

³⁸ Wa muntu aravuga ati: “Mwami, ndizeye.” Nuko aca aramwunamira.

Bibliya Yera 1951 1967 (Burundi)

³⁸ Na we ati Ndizeye, Mwami. Araheza aramupfukamira.

Yohana 9:38 Referans Kwoze

Matayo 28:9

Ubwo nyene, Yesu aca ahura na bo arabaramutsa. Na bo baramwegera bamufata ku birenge baramusenga.

Matayo 14:33

Abari mu bwato bose bamuha icubahiro, bavuga bati: “Ni ukuri uri Umwana w’Imana.”

Yohana 20:28

Toma aramubwira ati: “Mwami wanje, Mana yanje!”

Luka 24:52

Baca barapfukama baramusenga, hanyuma basubira i Yerusalemu buzuye umunezero mwinshi.

Matayo 28:17

Bamubonye, baramusenga, ariko bamwe muri bo barakekeranya.

Matayo 8:2

Maze haza umuntu arwaye imibembe, apfukama imbere yiwe, amubwira ati: “Mwami, ubishatse, woshobora kunkiza ngahumanuka.”

Yohana 9:39

Yesu aca aravuga ati: “Naje muri iyi si guca urubanza, kugira ngo impumyi zihumuke, maze abibaza ko babona na bo ndabereke ko ari impumyi.”