Yohana 9:31 - Bibiliya mu Kirundi coroshe

³¹ Turazi ko Imana itumva ugusenga kw’abanyavyaha, ariko ko yumva ugusenga kw’umuntu ayubaha agakora ivyo ishaka.

Bibliya Yera 1951 1967 (Burundi)

³¹ Turazi kw Imana itumviriza abanyavyaha, arik’ ūyubaha, agakora ivyo igomba, uwo ni we yumviriza.

Yohana 9:31 Referans Kwoze

Yohana 15:16

Si mwebwe mwantoranije, ni jewe nabatoranije. Nabashizeho kugira ngo mugende mwame ivyamwa, kandi ivyamwa bihoraho, kugira ngo ico muzosaba Data cose mw’izina ryanje azokibahe.

Yohana 4:34

Yesu arababwira ati: “Ivyokurya vyanje ni ugukora ivyo uwantumye agomba, no guheraheza igikorwa ciwe.

Yohana 7:17

Umuntu wese ahisemwo gukora ivyo Imana ishaka azotahura nimba inyigisho zanje ziva ku Mana canke ko ari amajambo yanje gusa.

Abaheburayo 10:7

Nanje ndavuga nti: ‘Ndi hano, nje gukora ivyo ugomba, Mana, nk’uko umuzingo w’igitabu umvugako.’”

Yohana 9:30

Wa muntu yahoze ari impumyi arabishura ati: “Ivyo biratangaje cane! Ntimuzi iyo yaje ava, kandi yampumuye?

Yohana 9:32

Nta muntu n’umwe yari bwumve aho umuntu yakijije uwavutse ari impumyi.

Yohana 11:22

Ariko n’ubu ndazi ko ico usaba Imana cose ikiguha.”