Yohana 6:41 - Bibiliya mu Kirundi coroshe

⁴¹ Maze Abayuda batangura kumwidogera kuko avuze ati: “Ni jewe mukate wamanutse uva mw’ijuru.”

Bibliya Yera 1951 1967 (Burundi)

⁴¹ Bun’ Abayuda baramwidodombera, kuko yavuze, ati Ni jewe mutsima wamanutse uva mw ijuru.

Yohana 6:41 Referans Kwoze

Yohana 6:48

Ni jewe mukate w’ubugingo.

Yohana 6:33

Kuko umukate w’Imana ni uwumanuka uvuye mw’ijuru ugaha isi ubugingo.”

Yohana 7:12

Muri iryo sinzi ry’abantu bari aho, hari urusaku rwinshi bavugana ku vya Yesu. Bamwe bavuga bati: “Ni umuntu mwiza.” Abandi bakavuga bati: “Oya, ni umuntu azimiza abantu.”

Yohana 6:66

Kuva ico gihe benshi mu bigishwa biwe baca baragenda ntibasubira kumukurikira.

Yohana 6:60

Benshi bo mu bigishwa biwe bavyumvise baravuga bati: “Izi nyigisho ziragumye. Ni nde yozemera?”

Yuda 1:16

Abo bantu ni abanyamwikomo bama bidodombera abandi; bakurikira ivyipfuzo vyabo bibi; barishira hejuru kandi bakoresha amajambo meza babesha abandi mu kurondera inyungu.

Yohana 6:58

Uwu ni wo mukate wamanutse uva mw’ijuru; ntusa na ya manu ba sogokuruza banyu baririye mu bugaragwa ariko bagapfa. Uwurya uwu mukate azobaho ibihe bidashira.”

Yohana 6:43

Yesu arabishura ati: “Nimureke kwidoga hagati muri mwebwe.

Luka 19:7

Ababibonye bose batangura kwidodomba bati: “Agiye kurara mu nzu y’umunyavyaha!”

Luka 15:2

Maze Abafarisayo n’abigisha b’ivyagezwe batangura kwidodomba bati: “Uwu mugabo yicarana n’abanyavyaha, agasangira na bo!”

Luka 5:30

Ariko Abafarisayo n’abigisha b’ivyagezwe babaza abigishwa ba Yesu bamwidodombera bati: “Ni kuki mwicarana n’abatozakori n’abandi banyavyaha, mugasangira na bo?”

1 Korinto 10:10

Kandi ntimukidodombe nk’uko bamwe babigize, maze bakicwa n’umumarayika muranduzi.

Yohana 1:19

Iyi ni yo ntahe Yohana yashinze igihe abakuru b’Abayuda b’i Yerusalemu bamutumako abaherezi n’Abalewi ngo bamubaze uwo ari we.