Yohana 6:24 - Bibiliya mu Kirundi coroshe

²⁴ Abantu bamaze kubona ko Yesu n’abigishwa biwe atari ho bari, baca binjira muri ubwo bwato baja i Kaperinawumu kumuronderayo.

Bibliya Yera 1951 1967 (Burundi)

²⁴ Nukw iryo shengero ribonye ko Yesu atari ho ari, n’abigishwa biwe na bo ar’ uko, rija mur’ ano mato na ryo, rijabuka i Kaperinawumu rirondera Yesu.

Yohana 6:24 Referans Kwoze

Yohana 6:17

Kubera bwari bwije kandi Yesu atari bwagaruke aho bari bari, burira ubwato kugira ngo bajabuke ikiyaga baje i Kaperinawumu.

Mariko 1:37

Bamubonye baramubwira bati: “Abantu bose bariko barakurondera.”

Yohana 20:15

Yesu aramubaza ati: “Mupfasoni, ni kuki uriko urarira? Urondera nde?” Mariya yiyumviriye ko ari umurimyi wo muri iryo tongo, aramubwira ati: “Mushingantahe, nimba ari wewe wamutwaye, mbwira aho wamushize nje kumutora.”

Yohana 7:11

Kuri uwo musi mukuru, abakuru b’Abayuda bariko bararondera Yesu, babaza bati: “Ari he?”

Yohana 6:59

Yesu yavuze ivyo ariko arigishiriza mw’isinagogi i Kaperinawumu.

Yohana 6:23

N’ubundi bwato bwinshi buvuye i Tiberiya, buraza bushika hamwe Umwami Yesu yahezagirira imikate abantu bakayifungura.

Luka 8:40

Yesu asubiye inyuma asanganirwa n’abantu isinzi bari bamurindiriye.

Mariko 6:53

Bamaze kujabuka, bashika hakurya ahitwa Genezareti, babohera ubwato i musozi.

Matayo 14:34

Bamaze kujabuka, bashika hakurya ahitwa Genezareti.

Yohana 6:26

Yesu arabishura ati: “Ndababwire ukuri, ntimuriko mundondera kubera mwatahuye ibitangaza mwabonye nkora, ahubwo mundondera kuko nabagaburiye imikate mugahaga.