Yohana 6:19 - Bibiliya mu Kirundi coroshe

¹⁹ Bamaze gusoza nk’ibirometero bitanu, babona Yesu agendagenda ku mazi yegera ubwato barimwo, maze bagira ubwoba.

Bibliya Yera 1951 1967 (Burundi)

¹⁹ Bamaze gusōza nka stadiyo mirongwibiri na zitanu canke mirongwitatu, babona Yesu agendesha amaguru hejuru ku kiyaga, arikw arēgēra ubgato, na bo baratinya.

Yohana 6:19 Referans Kwoze

Yohana 14:18

Sinzobasiga nk’impfuvyi; nzoza aho muri.

Ivyahishuwe 21:16

Igisagara cari kimeze nka kwadarato, uburebure n’ubwaguke vyarangana. Apimye igisagara asanga gifise nk’ibirometero ibihumbi bibiri n’amajana ane vy’ubwaguke, n’ibirometero ibihumbi bibiri n’amajana ane vy’uburebure.

Ivyahishuwe 14:20

Izo nzabibu ziganirwa mu bwato buri inyuma y’igisagara, amaraso yazo araduga gushika ku minwa y’amafarasi, yongera arasanzara gushika nko ku birometero amajana atatu.

Yohana 11:18

Betaniya hari hafi y’i Yerusalemu, nko ku birometero bitatu.

Luka 24:13

Kuri uwo musi nyene, abigishwa babiri ba Yesu bariko baja mu gisagara citwa Emawusi kiri nko ku birometero cumi na bibiri uvuye i Yerusalemu,

Luka 9:42

Bariko baramuzana, ya dayimoni imukubita hasi iramujegeza. Ariko Yesu akankamira iyo mpwemu ihumanye, akiza uwo muhungu, amusubiza se.

Yohana 6:18

Ico gihe, umuyaga wariko urahuhuta cane bituma haba imipfunda myinshi mu kiyaga.

Yohana 6:20

Yesu arababwira ati: “Ni jewe; ntimugire ubwoba.”