Yohana 17:9 - Bibiliya mu Kirundi coroshe

⁹ Ndabasengeye; sinsengeye isi, ariko nsengeye abo wampaye, kuko ari abawe.

Bibliya Yera 1951 1967 (Burundi)

⁹ Ndabasabira; sinsabira ab’ isi, ariko nsabira abo wampaye, kukw ar’ abawe;

Yohana 17:9 Referans Kwoze

Abaheburayo 9:24

Kuko Kristo atinjiye Ahera h’Ahera hubatswe n’amaboko y’abantu, na kare ihema ryubatswe n’abantu ryari ikigereranyo c’ihema nyakuri riri mw’ijuru. Ahubwo yinjiye mw’ijuru ubwaryo kugira ngo aduserukire imbere y’Imana.

Yohana 17:2

Wamuhaye ububasha ku bantu bose kugira ngo ahe ubugingo budashira abo wamuhaye bose.

Yohana 17:6

Narakumenyekanishije ku bo wampaye ubakuye mw’isi. Bari abawe urabampa, kandi bumviye ijambo ryawe.

Yohana 17:20

Sinsengeye aba gusa. Ariko ndasengeye n’abandi bose bazokwizera biciye ku butumwa bw’aba.

Luka 22:32

Ariko, wewe nagusengeye kugira ngo ntutakaze ukwizera, kandi niwamara kwihana ukangarukako uze ukomeze bene So.”

1 Yohana 5:19

Turazi ko turi abana b’Imana, kandi ko isi yose iri musi y’ububasha bwa wa mubi.

Yohana 14:16

Nanje nzosaba Data abahe uwundi Mwitsa azobana namwe ibihe vyose,

Ivyahishuwe 20:15

Umuntu wese atasanze izina ryiwe ryanditswe mu gitabu c’ubugingo, atererwa muri ico kiyaga caka umuriro.

Ivyahishuwe 13:8

Kandi ababa kw’isi bose basenga ico gikoko. Abo ni abatanditswe mu gitabu c’ubugingo c’Umwagazi w’Intama yishwe, kuva isi itararemwa.

Abaheburayo 7:25

Ni co gituma ashobora gukiza rwose abegera Imana bamwisunze, kuko abaho ibihe vyose abasengera ku Mana.

Ivyahishuwe 12:9

Ca gisato, ari co kiyoka ca kera citwa Umubi canke Satani, uwuzimiza isi yose, gikororerwa kw’isi n’abamarayika baco bose.

Luka 8:34

Abari baragiye izo ngurube babibonye baca bariruka, baja kubivuga mu gisagara no mu mihana.

Luka 23:34

Maze Yesu aravuga ati: “Data, bababarire, kuko ntibazi ico bariko barakora.” Maze bagabura impuzu za Yesu hakoreshejwe ubufindo.

Yohana 6:37

Ariko abo Data yampaye bose, bazoza aho ndi kandi sinzokwigera ndabirukana.

Yohana 6:39

Kandi ivyo uwantumye ashaka ni ibi: ko ntatakaza n’umwe mu bo yampaye, ariko ashaka ko nzobazura ku musi wa nyuma.