Yohana 16:26 - Bibiliya mu Kirundi coroshe

²⁶ Muri ico gihe muzosaba mw’izina ryanje. Simvuze ko nzobavugira kuri Data.

Bibliya Yera 1951 1967 (Burundi)

²⁶ Kur’ uwo musi muzosaba mw izina ryanje, kandi simbabgira ngo nzobasabira Data.

Yohana 16:26 Referans Kwoze

Abaroma 8:34

None ni nde azobatsindisha? Nta n’umwe, kuko Kristo Yesu yadupfiriye, ikigeretseko yarazutse ku bwacu, ubu yicaye mu kibanza c’iteka i buryo bw’Imana kandi aradusengera.

Yohana 17:24

Data, ndashaka ko abo wampaye babana nanje aho ndi, kugira ngo babone ubwiza bwanje, bumwe wampa, kuko wankunze isi itararemwa.

Yohana 17:19

Ku bwabo ndiyeza, kugira ngo na bo bezwe mu kuri.

Yohana 17:9

Ndabasengeye; sinsengeye isi, ariko nsengeye abo wampaye, kuko ari abawe.

Yohana 16:23

Uwo musi, nta kibazo na kimwe muzosubira kumbaza. Ndababwire ukuri, ico muzosaba Data cose mw’izina ryanje azokibaha.

Yohana 14:16

Nanje nzosaba Data abahe uwundi Mwitsa azobana namwe ibihe vyose,

Yohana 14:20

Uwo musi niwashika, muzotahura ko ndi muri Data, kandi ko namwe muri muri jewe, nanje nkaba muri mwebwe.

Yohana 16:19

Nuko Yesu abonye ko bafise ico bashaka kumubaza, arababwira ati: “Muriko mubazanya ico nashatse kuvuga aho navuga nti: ‘Hasigaye igihe gito ntimusubire kumbona, ariko inyuma y’igihe gito muzosubira mumbone’?

Yohana 16:30

Turatahuye ko uzi vyose, kandi ko bidakenewe ko umuntu akubaza ibibazo. Ivyo bitumye twizera ko waje uva ku Mana.”