Yakobo 5:4 - Bibiliya mu Kirundi coroshe

⁴ Ehe impembo z’abakozi bo mu mirima yanyu mwanse guhemba ziriko ziratakamba zibarega. Ugutaka kw’abimbuzi b’imirima yanyu kwashitse mu matwi y’Umwami Imana Mushoboravyose.

Bibliya Yera 1951 1967 (Burundi)

⁴ Eh’ ingero z’abashwabuzi bābashwaburiye imirima, izo mwabagunze, zirataka: amaborogo y’abābashwaburiye yinjiye mu matwi y’Uhoraho Nyen’ ingabo.

Yakobo 5:4 Referans Kwoze

Abaroma 9:29

Kandi ivyo Yesaya yari yarabivugishijwe imbere y’aho ati: “Iyo Uhoraho Mushoboravyose atadusigariza abadukomokako bakeya; tuba twararanduwe nk’ab’i Sodomu, tuba twaraherengetejwe nk’ab’i Gomora.”

Luka 18:7

Mbega Imana ntizotunganiriza abo yatoranije, bayitakambira ijoro n’umurango? Mbega mwibaza ko izobatevya?

Kolosayi 4:1

Ba shebuja, mugirire ibigororotse kandi bibereye abagurano banyu, kuko mubizi namwe ko mufise Shobuja Mukuru mw’ijuru.

Matayo 9:37

Aca abwira abigishwa biwe ati: “Ivyimburwa ni vyinshi, ariko abimbuzi ni bake.