Matayo 15:12 - Bibiliya mu Kirundi coroshe

¹² Hanyuma abigishwa biwe baza aho ari, baramubaza bati: “Mbega urazi ko Abafarisayo bababaye bumvise ivyo uhejeje kuvuga?”

Bibliya Yera 1951 1967 (Burundi)

¹² Bun’ abigishwa baramwēgēra, baramubarira, bat’ Urazi yukw Abafarisayo bumvise iryo jambo bakavunika umutima?

Matayo 15:12 Referans Kwoze

Yakobo 3:17

Ariko ubwenge buva mw’ijuru ubwa mbere na mbere buratunganye rwose; bukunda amahoro, ntibwishira imbere, buciye bugufi, bwuzuye imbabazi, bwama ivyamwa vyiza, ntibugira nkunzi, ntibugira uburyarya.

Galatiya 2:5

Ntitwigeze tubibemerera n’akanya isase, kugira ngo ukuri kw’Ubutumwa Bwiza kuzigamwe ku bwanyu.

2 Korinto 6:3

Twirinda kugira uwo tubera igitsitaza kugira ngo igikorwa cacu ntikigawe.

Matayo 17:27

Ariko, kugira ngo ntituboneke nabi imbere y’aba batoza iri kori, genda ku kiyaga utere igera urobe. Ifi ya mbere uza kuroba, uyasamike; maze urayisangamwo igiceri kinini c’ifeza coriha ikori ryawe n’iryanje, uheze ugitange.”

Matayo 11:6

Harahiriwe uwudatsitazwa n’ivyanje!”

Matayo 15:11

Icinjira mu kanwa k’umuntu, si co kimuhumanya. Ariko ikiva mu kanwa kiwe, ni co kimuhumanya.”

Matayo 15:13

Yesu arabishura ati: “Igiterwa cose Data wo mw’ijuru atateye kizorandurwa.