Luka 7:17 - Bibiliya mu Kirundi coroshe

¹⁷ Nuko inkuru ya Yesu ikwira i Yudaya hose no mu micungararo yaho.

Bibliya Yera 1951 1967 (Burundi)

¹⁷ Iyo nkuru yiwe ikwira i Yudaya hose no mu gihugu cose gihereranye na ho.

Luka 7:17 Referans Kwoze

Luka 7:14

Maze Yesu yegera isandugu yarimwo ikiziga, abari bayiteruye baca barahagarara. Hanyuma avuga ati: “Muhungu, ndakubwiye, haguruka!”

Mariko 6:14

Muri iyo misi, Umwami Herode Antipa yumva inkuru za Yesu kuko yari yamaze kumenyekana cane. Bamwe bavuga bati: “Yohana Umubatizi yazutse, ni co gituma afise ubushobozi bwo gukora ibitangaza.”

Mariko 1:28

Ubwo nyene inkuru ziwe zica ziramamara mu ntara yose ya Galilaya.

Matayo 9:31

Ariko bo, basohotse baca bakwiragiza inkuru ziwe muri iyo ntara yose.

Matayo 9:26

Inkuru y’ico gitangaza ica ikwira hose muri iyo ntara.

Matayo 4:24

Nuko inkuru ziwe zikwiragira hose, gushika no muri Siriya. Bamuzanira abarwayi bose: abafise ububabare butandukanye, ababoshwe n’abadayimoni, abarwaye intandara, hamwe n’abatikakaza kubera bababara mu mubiri; bose arabakiza.

Matayo 2:1

Yesu amaze kuvukira i Betelehemu mu ntara ya Yudaya, ku ngoma y’umwami Herode, abanyabwenge mu vy’inyenyeri bavuye mu buseruko baja i Yerusalemu.

Luka 4:14

Yesu aca asubira i Galilaya yuzuye ubushobozi bwa Mpwemu Yera, maze inkuru yiwe ikwira akarere kose kahegereye.