Luka 6:30 - Bibiliya mu Kirundi coroshe

³⁰ Umuntu niyagusaba ikintu ukimuhe, uwukunyaze ivyawe ubimuhebere.

Bibliya Yera 1951 1967 (Burundi)

³⁰ Ūgusaba wese umuhe, ūnyaga ivyawe ntuz’ ubimwake ukundi.

Luka 6:30 Referans Kwoze

2 Korinto 8:9

Kuko muzi ubuntu bw’Umwami wacu Yesu Kristo, ko n’aho yari umutunzi wa vyose, yigize umukene ku bwanyu kugira ngo mu bukene bwiwe mube abatunzi.

Ivyakozwe 20:35

Muri vyose, naberetse akarorero keza ko dutegerezwa gukora cane kugira ngo dufashe abatishoboye, twibuka amajambo y’Umwami Yesu ubwiwe, we yavuze ati: ‘Hari umugisha mu gutanga kurusha mu guhabwa.’ ”

Matayo 6:12

Uduharire ivyaha vyacu, nk’uko natwe duharira abaducumuyeko.

Luka 18:22

Yesu yumvise iyo nyishu aca amubwira ati: “Hari ikintu kimwe ugihajije. Genda ugurishe ivyo utunze vyose, maze amahera ukuyemwo uyahe aboro; ni ho uzoronka ubutunzi mw’ijuru. Hanyuma uce uza unkurikire.”

Luka 12:33

Nimugurishe ivyo mutunze, mubihe aboro. Mwironderere imifuko ibika amahera itazoshira, n’ubutunzi budahera bwo mw’ijuru, aho abasuma badashika, n’imiswa itazobwonona.

Luka 11:41

Nuko rero nimuhe aboro ku vyo mufise, maze ibindi vyose kuri mwebwe bizoba bihumanuwe.

Luka 6:38

Mutange, namwe muzohabwa. Ingero nziza, itsindagiye, inyingishe kandi isesekaye ni yo muzogererwa. Mugerera abandi ari ko namwe muzogererwa.”

Matayo 18:35

Uko ni ko na Data wo mw’ijuru azobagirira nimutaharira bene So bivuye ku mutima.”

Abanyefeso 4:28

Uwiba ntakongere kwiba, ariko atangure gukora, akoreshe amaboko yiwe mu buryo bwiza kugira ngo aronke ikimutunga n’ico gufashisha umukene.

Matayo 5:39

Ariko jeho ndababwiye nti: ntimukihore ababagirira nabi. Umuntu niyagukubita ikofe mu musaya w’i buryo, umuhindukirize n’uw’i bubamfu.

Luka 6:29

Nihagira uwugukubita mu musaya umwe, umuhindukirize n’uwundi. Hagize uwugutwara umutamana, umuhebere n’ikanzu na yo.

Luka 6:31

Ivyo mugomba ko abantu babagirira, abe ari vyo mubagirira namwe.