Luka 5:9 - Bibiliya mu Kirundi coroshe

⁹ Ivyo Petero yabivuze kubera we n’abo bari kumwe bari batangajwe cane n’ubwinshi bw’ifi bari bahejeje kuroba.

Bibliya Yera 1951 1967 (Burundi)

⁹ Kukw atangaye, n’abāri kumwe na we bose, babonye ifi barovye.

Luka 5:9 Referans Kwoze

Luka 4:32

maze abantu batangazwa n’inyigisho ziwe, kuko zarimwo ububasha.

Mariko 9:6

(Yari yabuze ico avuga; kuko we na bagenziwe bari batekewe n’ubwoba.)

Luka 4:36

Abantu bose baratangara cane, babwirana bati: “Ijambo ry’uwu muntu rirakomeye! Rifise ububasha n’inkomezi, kuko n’impwemu mbi na zo arazitegeka zikamwumvira, zigasohoka!”

Luka 5:8

Simoni Petero abibonye, apfukama imbere ya Yesu, amubwira ati: “Mwami, igira kure yanje kuko ndi umunyavyaha!”

Luka 5:10

Bagenziwe, ari bo Yakobo na Yohana bene Zebedayo, bakorana na Simoni. Yesu abwira Simoni ati: “Ntutinye, kuko uhereye ubu, ugiye kuba umurovyi w’abantu.”

Luka 2:18

kandi abavyumva bose vyarabatangaza cane.