Ivyakozwe 12:24 - Bibiliya mu Kirundi coroshe

²⁴ Nuko ijambo ry’Imana rishishikara kugwira no kwamamara.

Bibliya Yera 1951 1967 (Burundi)

²⁴ Arikw ijambo ry’Imana riragwira, riramamara.

Ivyakozwe 12:24 Referans Kwoze

Ivyakozwe 6:7

Nuko ijambo ry’Imana ribandanya kwamamara, igitigiri c’abigishwa i Yerusalemu kiragwira cane, kandi n’abaherezi benshi b’Abayuda barizera.

2 Tesalonike 3:1

Mu kurangiza, bene Data, mudusengere kugira ngo Ubutumwa Bwiza bw’Umwami bwamamare ningoga kandi ijambo ryiwe ryubahwe nk’uko ryubashwe muri mwebwe.

Ivyakozwe 19:20

Maze ijambo ry’Umwami Imana rikwiragira henshi kandi rigira ubushobozi.

Matayo 16:18

Nanje ndakubwiye ko uri Petero (bisigura ‘urutare’), kandi kuri urwo rutare, nzohubaka ishengero ryanje, kandi ko n’amarembo y’i kuzimu atazorinesha.

Kolosayi 1:6

Ubwo Butumwa Bwiza bwabashikiriye ni na bwo buriko burakwiragira kw’isi yose. Buriko burama ivyamwa bwongera bugwira, nk’uko vyagenze no muri mwebwe uhereye igihe mwabwumviye ubwa mbere, mugatahura ubuntu bw’Imana nk’uko bumeze vy’ukuri.

Ivyakozwe 11:21

Ikiganza c’Umwami Imana cari kuri bo, bituma abantu benshi bizera, bahindukirira Umwami Yesu.

Ivyakozwe 5:39

Ariko nimba biva ku Mana, ntimuzoshobora kubagwanya; ahubwo muzosanga muriko mugwanya Imana.”