Ivyahishuwe 2:11 - Bibiliya mu Kirundi coroshe

¹¹ Uwufise amatwi niyumve ico Mpwemu abwira amashengero. Uwuzonesha ntazobabazwa na gato n’urupfu rwa kabiri.

Bibliya Yera 1951 1967 (Burundi)

¹¹ Ūri n’ugutwi ni yumve ico Mpwemu abgira amashengero. Ūnesha nta co urupfu rwa kabiri ruzomugira.

Ivyahishuwe 2:11 Referans Kwoze

Ivyahishuwe 20:6

Barahiriwe kandi ni abera abazoba muri iryo zuka rya mbere. Urupfu rwa kabiri nta bubasha ruzobagirako, ariko bazoba abaherezi b’Imana na Kristo, kandi bazoganzanya na we imyaka igihumbi.

Ivyahishuwe 21:8

Ariko abahemuka, abatizera, abakora ibiterasoni, abicanyi, abasambanyi, abapfumu, abasenga ibigirwamana n’ababeshi bose, ikibanza cabo ni ikiyaga caka umuriro, ari rwo rupfu rwa kabiri.”

Ivyahishuwe 20:14

Maze rupfu na kuzimu bitererwa muri ca kiyaga caka umuriro. Ico kiyaga caka umuriro ni co rupfu rwa kabiri.

Ivyahishuwe 2:7

Uwufise amatwi niyumve ico Mpwemu abwira amashengero. Uwuzonesha nzomuha kurya ku vyamwa vyo ku giti c’ubugingo, kiri muri paradizo y’Imana.

Ivyahishuwe 13:9

Uwufise amatwi yo kwumva niyumve.

Ivyahishuwe 2:17

Uwufise amatwi niyumve ico Mpwemu abwira amashengero. Uwuzonesha nzomuha kurya kuri manu yahishijwe. Nzomuha kandi ibuye ryera ryanditseko izina rishasha; ntawuzomenya iryo zina kiretse uwuzohabwa iryo buye.

Matayo 11:15

Uwufise amatwi yo kwumva niyumve.

Matayo 13:9

Uwufise amatwi yumva niyumve!”

Mariko 4:9

Hanyuma aca ababwira ati: “Uwufise amatwi yo kwumva niyumve!”

Luka 8:8

Ariko hari izaguye mw’ivu ryiza, zirakura kandi zirama, zimbuka incuro ijana.” Ahejeje kubacira uwo mugani, yongerako ati: “Uwufise amatwi yo kwumva niyumve.”

Ivyahishuwe 3:5

Uwuzonesha nzomwambika imyambaro yera. Sinzokwigera mpanagura izina ryiwe mu gitabu c’ubugingo, ahubwo nzorivuga imbere ya Data n’abamarayika biwe.

Ivyahishuwe 3:6

Uwufise amatwi niyumve ico Mpwemu abwira amashengero.

Ivyahishuwe 3:12

Uwuzonesha nzomugira inkingi mu rusengero rw’Imana yanje, kandi ntazokwigera ahava. Nzomwandikako izina ry’Imana yanje, hamwe n’iry’igisagara c’Imana yanje, ni co Yerusalemu nshasha, imanuka iva mw’ijuru ku Mana yanje; kandi nzomwandikako izina ryanje rishasha.

Ivyahishuwe 3:13

Uwufise amatwi niyumve ico Mpwemu abwira amashengero.

Ivyahishuwe 21:7

Uwuzonesha azotorana ibi vyose kandi nzomubera Imana, na we azombera umwana.

Mariko 7:16

Uwufise amatwi yumva niyumve.”]