Filemoni 1:20 - Bibiliya mu Kirundi coroshe

²⁰ Ndakwinginze rero mwene Data ungirire ubwo buntu ku bw’Umwami; uremeshe umutima wanje muri Kristo.

Bibliya Yera 1951 1967 (Burundi)

²⁰ Ego, mwene Data, nkubonemw’ ikimazi mu Mwami wacu: unduhure umutima muri Kristo.

Filemoni 1:20 Referans Kwoze

3 Yohana 1:4

Nta munezero woza undutira kwumva ko abana banje bagendera mu kuri.

Filemoni 1:7

Urukundo rwawe rwanteye umunezero mwinshi rwongera runtera intege, kuko waremesheje imitima y’abizera.

Filemoni 1:12

Ndamukurungikiye kandi umenye ko afise umutima nk’uwanje.

1 Yohana 3:17

Iyo umuntu afise ubutunzi bwo kw’isi, hanyuma akabona mwene Data wundi akenye, ariko ntamutere ikigongwe ngo amufashe, yoshobora kuvuga ko akunda Imana?

Abaheburayo 13:17

Mugamburukire abarongozi banyu kandi mukore ivyo babategeka, kuko barinda imitima yanyu, kandi bazobibazwa n’Imana. Muborohereze kugira ngo babikorane umunezero, ata mubabaro, kuko ivyo nta ciza vyobazanira.

Filipi 4:1

None rero, bene Data, abo nkunda kandi nipfuza cane kubona, mwebwe munezero wanje n’igitsibo canje, muhagarare mushikamye mu Mwami Yesu, bakunzi banje.

Filipi 1:8

Imana ni yo yomenya ingene ndabakunda n’ingene nipfuza kubabona n’umutima w’inkumbu ziva kuri Kristo Yesu.

2 Korinto 7:13

Ivyo rero vyaraduteye intege. Kandi icongeye ku kuntu mwaduteye intege, twaranezerewe cane no kubona ingene Tito yari anezerejwe n’ukuntu mwaruhuye umutima wiwe.

2 Korinto 2:2

Kuko nimba narabateye umubabaro, hari abandi bazontera umunezero atari mwebwe nababaje?

1 Korinto 16:18

Baranteye intege nk’uko babateye intege. Abantu nk’abo ni abo gushimira ku bw’ibikorwa vyiza bakora.