Abanyefeso 3:14 - Bibiliya mu Kirundi coroshe

¹⁴ Ni kubera ivyo mpfukama imbere ya Data,

Bibliya Yera 1951 1967 (Burundi)

¹⁴ Ni co gituma mpfukamira Data wa twese,

Abanyefeso 3:14 Referans Kwoze

Filipi 2:10

kugira ngo mw’izina rya Yesu, amavi yose aze apfukame, ari ay’ivyo mw’ijuru, ay’ivyo kw’isi n’ay’ivy’i kuzimu,

Ivyakozwe 21:5

Ariko iyo ndwi iheze, duca turabandanya urugendo. Bene Data bose, bari kumwe n’abagore n’abana, baraduherekeza kuva mu gisagara gushika ku nkengera y’ikiyaga. Tuhashitse, turapfukama turasenga.

Abanyefeso 1:3

Imana, Se w’Umwami wacu Yesu Kristo iragahezagirwa, yo yaduhezagiriye ahantu ho mw’ijuru imihezagiro y’impwemu yo mu buryo bwose muri Kristo.

Ivyakozwe 20:36

Ahejeje kuvuga ivyo, aca apfukama hamwe na bo barasenga.

Luka 22:41

Aca yigira kure gato nk’aho umuntu yotera ibuye, arapfukama arasenga ati:

Ivyakozwe 9:40

Maze Petero arabataramura bose, aca arapfukama arasenga. Hanyuma ahindukirira ikiziga, avuga ati: “Tabita, vyuka!” Nuko tabita arakanura. Abonye Petero, aca aravyuka aricara.

Ivyakozwe 7:60

Aca agwa apfukamye, asemerera ati: “Mwami, ntubaharureko iki caha.” Ahejeje kuvuga ivyo, aca aracikana.

Abanyefeso 3:15

uwo imiryango yose yo mw’ijuru n’iyo mw’isi ikomokako.