1Tɨmote 2:6 - bjv Makɨtɨbɨ lə Luwə kɨ ta Nangɨnda

⁶ E kɨ re adɨ rɔne koy tɨ mba kadɨ gangɨ-n dɔ dɨje pətɨ. E kɨn ə e najɨ kɨ ma kɨ Jəju ma dɔ gangɨ lo tɨ kɨ Luwə ɔjɨ.

KƗLӘ-MƗNDƗ KƗ SƗGƗ

⁶ E kɨ re adɨ rɔne koy tɨ mba kadɨ gangɨ-n dɔ dɨje pətɨ. E kɨn ə e najɨ kɨ ma kɨ Jəju ma dɔ gangɨ lo tɨ kɨ Luwə ɔjɨ.

1Tɨmote 2:6 Referans Kwoze

Matɨye 20:28

E be tɔ ə, mi NGon dəw m-re mba kadɨ dɨje rai kɨlə adi mi al, nə kadɨ mi ə m-ra kɨlə m-adɨ-de nɨm, taa m-adɨ rɔm kadɨ m-taa-n kosɨ dɨje ngay m-ɨlə-de taa nɨm tɔ.»

1Pɨyər 3:18

Tadɔ Kɨrɨsɨ e wa ɨngə ko̰ nja kare ba kɨ no̰ tɨ mbata majal je lə dɨje. E kɨ e dəw kɨ dana, nə ɨngə ko̰ mbata lə nje ra nḛ kɨ dana al, mba kadɨ re səsi rɔ Luwə tɨ. Tɔli-e me darɔe tɨ, nə NDɨl kɨ kay njay təl tɔse ndəl adɨ ɨsɨ kɨ dɔne taa.

Galatɨ je 4:4

Nə lokɨ dɔ kagɨ lo kɨ Luwə ɔjɨ asɨ, Luwə ulə NGone adɨ re. NGon kɨ dəne oje gɨn ndu kun tɨ lə Jɨpɨ je.

Nḛ kɨ tḛḛ kɨ dɔe 1:5

taa kadɨ Jəju Kɨrɨsɨ kɨ e nje ma najɨ kɨ rɔjetɨ, kɨ e dəw kɨ dɔsa̰y kɨ ḭ dan njé koy je tɨ, kɨ e NGar lə ngar je kɨ dɔnangɨ tɨ ne kɨn nɨm, pətɨ kadi me-majɨ ləde kɨ lapɨya ləde e səsi naa tɨ. Jəju Kɨrɨsɨ ndɨgɨ-je, ə taa-je gɨn tɔgɨ tɨ lə majal kɨ məsɨne,

1 Ja̰ 4:10

E je ɓa jɨ ndɨgɨ Luwə al, nə e e ə ndɨgɨ-je, ə ɨlə NGone kɨ un rɔne ɨle kɔ kadɨ-kare tɨ mbata kugə-n dɔ majal je ləje.

Tɨtɨ 2:14

Kɨrɨsɨ kɨ un rɔne adɨ kɨ mbata ləje, mba kadɨ gangɨ-n dɔje ta nḛ ra tɨ kɨ majal pətɨ. Gangɨ dɔje kadɨ jɨ təli dɨje lie kɨ kay njay kɨ tɨngəi bɨl me nḛ ra je tɨ kɨ majɨ.

1 Korḛtɨ je 1:6

Najɨ kɨ ma kɨ dɔ Kɨrɨsɨ tɨ e kɨ ma kɨ tɔgɨ dansi tɨ,

1Tɨmote 6:15

Ɓaɓe Jəju Kɨrɨsɨ a re dɔ kagɨ lo tɨ kɨ Luwə ɔjɨ, Luwə kɨ nje majɨ-kur, kɨ e kɨ karne ba e ɓa rɔne, E NGar lə ngar je kɨ Ɓaɓe lə ɓaɓe je,

Epəjɨ je 5:2

Majɨ kadɨ ɨsi kɨ dɔsi taa me ndɨgɨ naa tɨ, təkɨ Kɨrɨsɨ ndɨgɨ je ə adɨ rɔne koy tɨ Luwə mbata lə je, tə kadɨ-kare ə se nḛ məsɨ kɨ ətɨ Luwə majɨ be.

1Pɨyər 2:24

Kɨrɨsɨ kɨ ɔy majal je ləje rɔne tɨ dɔ kagɨ-dəsɨ tɨ mba kadɨ j-oy dɔ majal tɨ ə j-ɨsɨ kɨ dɔje taa mbata nḛ ra kɨ dana. E kɨ ta kul ndunə do je lie ə ɨngəi rɔ nga.

Tɨtɨ 1:3

Luwə ɔjɨ ta ləne adɨ dɨje gəri dɔ kagɨ lo tɨ kɨ e wa ɔjɨ. Ta kɨn, ɨyə̰ jim tɨ kadɨ m-ɨlə mbḛe kɨ go ndɨgɨ tɨ lie e kɨ e nje kajɨ-je.

2 Korḛtɨ je 5:21

Kɨrɨsɨ kɨ ra majal al, nə Luwə ɔy majal je ləje kɨ dɔe tɨ. Ɔy kɨ dɔe tɨ, mba kadɨ kɨ rəbɨ lie, Luwə tɨdə-n-je dɨje tɨ ləne.

Rom je 5:6

Kɨrɨsɨ re oy mbata tɨ lə njé ra majal je, lokɨ j-asɨ kadɨ jɨ ra nḛ madɨ kɨ dɔrɔje al. Nɨngə oy kɨ dɔ kagɨ lo kɨ Luwə wa ɔjɨ.

Poy Ta kɨ Majɨ kɨ ɔjɨ dɔ Jəju kɨ Ja̰ ndangɨ 10:15

Gəri mi təkɨ Bai gər-m ə mi m-gər-n Bai kɨn be tɔ. Be ə, m-adɨ rɔm mbata batɨ je ləm.

Poy Ta kɨ Majɨ kɨ ɔjɨ dɔ Jəju kɨ Ja̰ ndangɨ 6:51

Mi mapa kɨsɨ kəm ba kɨ ḭ dɔra̰ tɨ taa. Re dəw uso mapa kɨn ɓa, dəwe a oy al. Mapa kɨ m-a m-adɨ, e darɔm kɨ kadɨ dɨje ɨsii kəm ba.»

Markɨ 10:45

Tadɔ mi NGon dəw m-re mba kadɨ dɨje rai kɨlə adi mi al, nə kadɨ mi ə m-ra kɨlə m-adɨ-de nɨm, taa m-adɨ rɔm kadɨ m-taa-n kosɨ dɨje ngay m-ɨlə-de taa nɨm tɔ.»

Nḛ kɨ tḛḛ kɨ dɔe 5:9

NJé kɨsɨ kəm ba kɨ sɔ kɨ ngatɔgɨ je kɨ kutɨ joo gɨde sɔ, Osi pa kɨ sɨgɨ əli əi nə: «Ḭ asɨ kadɨ un makɨtɨbɨ, Ə ɨrə̰y nḛ kuwe je. Tadɔ dɨje tɔli-ni, ḭ ɨgangɨ dɔ gɨn kojɨ je kɨ dangɨ dangɨ, ndon ta je kɨ dangɨ dangɨ, dɨje kɨ dangɨ dangɨ, gɨn ɓe je kɨ dangɨ dangɨ kɨ məsi, adɨ Luwə.

Ebɨrə je 9:12

Kɨrɨsɨ ur me kəy tɨ kɨ ay njay njay ɨtə made je ka kɨn nja kare ba par. Ur me kəy tɨ ka kɨn kɨ məsɨ bal bɨyə̰ ə se kɨ məsɨ ngan mangɨ je al, nə kɨ məsɨne wa. E kɨ rəbɨ kɨn ə, Kɨrɨsɨ gangɨ-n dɔje nja kare ba par ratata dɔ majal je tɨ.

2Tɨmote 1:8

Adɨ rɔi sɔli mba ma najɨ dɔ Ɓaɓe tɨ ləje al. Taa adɨ rɔi sɔli dɔm tɨ, mi kɨ mi kəy dangay tɨ mbata lie kɨn al tɔ. Nə kadɨ ɨngə ko̰ səm mbata Poy Ta kɨ Majɨ kɨ go tɔgɨ tɨ kɨ Luwə adi.

2 Təsalonɨkɨ je 1:10

lokɨ a re ndɔe tɨ kɨn kadɨ dɨje lie ɨləi tɔjɨ dɔe tɨ, kadɨ dɨje pətɨ kɨ a adi-e mede pɨti-e. NGa nɨngə, səi ka a səi dande tɨ no̰o̰ tɔ, mbata səi ɨtaai najɨ kɨ ma kɨ jɨ ma dansi tɨ.

Rom je 16:26

nə ɓasɨne gɨne tḛḛ taga wangɨ kɨn. Gɨne tḛḛ kɨ taga wangɨ kɨ rɔ dɨje tɨ kɨ əi Jɨpɨ je al, kɨ ta kul makɨtɨbɨ kɨ njé kəl ta kɨ ta Luwə tɨ ndangi. NDangi kɨ go ndu tɨ lə Luwə kɨ nje kɨsɨ bɨtɨ kɨ no̰ tɨ kadɨ dɨje kɨ əi Jɨpɨ je al adi ɨndəi mede dɔ ra majɨ tɨ lə Luwə, ə kadɨ təli rɔde go ndue tɨ.

Epəjɨ je 1:17

M-dəjɨ kadɨ Luwə lə Ɓaɓe lə je Jəju Kɨrɨsɨ, Baw kɨ nje tɔjɨ, adɨ səi kɨ ta kul NDɨl kɨ ay njay, tər, kɨ gər gɨn nḛ kɨ to lo ɓɔyɔ rɔ tɨ, mba kadɨ ɨgəri-e-n ay njay.

Epəjɨ je 1:7

Me Kɨrɨsɨ tɨ, kɨ ta kul məse kɨ a̰y dɔ kagɨ-dəsɨ tɨ, je kɨ taa kɨlə taa, nɨngə majal je ləje e kɨ kɨyə̰ go kɔ tɔ. Be ə, Luwə ɔjɨ-n-je me-majɨ ləne kɨ ngay.

Epəjɨ je 3:5

Təkɨ rɔjetɨ, nḛ je kɨ Luwə tḛḛ kɨ dɔe adɨ njé kaw kɨlə je, kɨ njé kəl ta kɨ tae tɨ kɨ ɨndə-de ta dangɨ tə njé ra kɨlə ləne, kɨ ta kul NDɨl kɨ ay njay kɨn, tḛḛ kɨ dɔe be adɨ kaje je kɨ kəte al.

Markɨ 1:15

«Dɔ kagɨ lo kɨ Luwə ɔjɨ, ka re nga, nɨngə ko̰ɓe lə Luwə ka, e ɓasi rɔsi tɨ tɔ. Ɨyə̰i go rəbɨ njɨyəsi je kɨ majal kɔ, ə adi mesi Poy Ta kɨ Majɨ.»

Galatɨ je 1:4

Jəju kɨ, e wa ɨlə rɔne kɔ gangɨ-n dɔje mba kadɨ Luwə ɨyə̰-n go majal je ləje kɔ, kadɨ tə taa-n-je gɨn tɔgɨ tɨ lə majal kɨ dɔnangɨ tɨ ne. Jəju Kɨrɨsɨ ra be mbata e go ndɨgɨ tɨ lə Bawje Luwə.