1Tɨmote 2:1 - bjv Makɨtɨbɨ lə Luwə kɨ ta Nangɨnda

¹ Kəte no̰ nḛ je tɨ pətɨ, m-ndəjɨ kadɨ dɨje kɔyi nḛ Luwə, kadɨ əli sie ta, kadɨ no̰i dɔe tɨ, kadɨ rai-e oyo kɨ mbata lə dɨje pətɨ.

KƗLӘ-MƗNDƗ KƗ SƗGƗ

¹ Kəte no̰ nḛ je tɨ pətɨ, m-ndəjɨ kadɨ dɨje kɔyi nḛ Luwə, kadɨ əli sie ta, kadɨ no̰i dɔe tɨ, kadɨ rai-e oyo kɨ mbata lə dɨje pətɨ.

1Tɨmote 2:1 Referans Kwoze

2 Təsalonɨkɨ je 1:3

NGakom je, sɔbɨ kadɨ jɨ ra oyo Luwə kɨ dɔ kagɨ lo je pətɨ kɨ mbata ləsi. Nɨngə e go rəbe tɨ kadɨ jɨ ra be mbata kadɨ-me ləsi aw kəte kɨ tɔgɨne ngay, taa səi pətɨ, ndɨgɨ-naa kɨ dansi tɨ ka ḭ kɨ dɔ made tɨ dɔ made tɨ tɔ.

Jakɨ 5:16

Be ə, kadɨ ɨtɔri ndusi dɔ majal je tɨ ləsi kɨ rɔ naa tɨ. Nɨngə əli ta kɨ Luwə mbata lə naa, kadɨ ɨngəi rɔ nga dɔ rɔ to je tɨ ləsi. Kəl ta kɨ Luwə lə dəw kɨ dana, tɔge e ngay.

Epəjɨ je 5:20

Dɔ kagɨ lo je pətɨ, kadɨ ɨrai oyo Luwə kɨ Bawje me nḛ je tɨ pətɨ, me tɔ Ɓaɓe tɨ ləje Jəju Kɨrɨsɨ.

2Tɨmote 2:24

Təkɨ rɔjetɨ, dəw kɨ nje ra kɨlə ɓəə kadɨ Ɓaɓe, e dəw kɨ a gakɨ dɨje al. Nə e dəw kɨ a ɔjɨ ndɨgɨ-naa ləne kɨ rɔ dɨje tɨ pətɨ nɨm, dəw kɨ asɨ ndo nḛ dɨje nɨm. A e dəw kɨ a ɨsɨ dɔ ta tɨ tɔ.

1Tɨmote 2:4

Tadɔ Luwə ləje ge kadɨ dɨje pətɨ ɨngəi kajɨ ə tḛḛi me gər ta tɨ kɨ rɔjetɨ.

Pɨlɨpɨ je 1:3

Dɔ kagɨ lo je pətɨ kɨ mem ole dɔsi tɨ ɓa, m-ra oyo Luwə.

Ebɨrə je 6:11

Nə ndɨgɨ ləje e mba kadɨ dəw kɨ ra dansi tɨ uwə tɔgɨne ba, ə nayḭ kɨ lo ra majɨ tɨ təkɨ ɨsi rai kɨn bɨtɨ ndɔ kɨ dɔbəy tɨ. Nɨngə a ɨngəi nḛ je pətɨ kɨ ɨndəi mesi dɔ tɨ.

Tɨtɨ 3:2

Əl-de kadɨ əli ta kɨ majal dɔ dəw madɨ tɨ al, kadɨ əi njé ge kɔl al, kadɨ əi njé kɨlə nojɨ naa tɨ, kadɨ dɨje pətɨ gəri sɔl lɔm lɔm ləde tɔ.

Tɨtɨ 2:11

Luwə tɔjɨ me-majɨ ləne kɨ kadɨ gɨn dɨje pətɨ ɨngəi kajɨ kɨ taga wangɨ adɨ dɨje oi.

1Tɨmote 5:5

NJe ngaw koy kɨ rɔjetɨ, e e kɨ dəw kɨ nje ra sie goto, kɨ ɨsɨ kɨ karne ba, ɨndə mene dɔ Luwə tɨ par. Dɔ kagɨ lo je pətɨ, kondɔ kɨ kada, ɨsɨ əl ta kɨ Luwə, dəje kadɨ ra sie.

1 Korḛtɨ je 15:3

Tadɔ nḛ ndo kɨ dɔsa̰y kɨ madɨ səsi e nḛ ndo kɨ mi wa ə m-taa. Adɨ e Kɨrɨsɨ kɨ oy mbata majal je ləje təkɨ makɨtɨbɨ lə Luwə əl-n.

Kɨlə lə NJé kaw kɨlə je 17:30

Luwə ɨyə̰ go nḛ kɨ dɨje rai kəte dɔ day tɨ, dɔ kagɨ lo tɨ kɨ gəri al ɓəy kɨn kɔ, nə kɨ ne kɨn, Luwə dəjɨ dɨje pətɨ, kɨ lo je pətɨ, kadɨ ɨyə̰i rəbɨ nḛ rade je kɨ majal kɔ.

1 Təsalonɨkɨ je 3:12

Nɨngə kadɨ Ɓaɓe ra adɨ ndɨgɨ-naa kɨ to dansi tɨ, kɨ ndɨgɨ kɨ ɨsɨ ɨndɨgi dɨje pətɨ kɨn aw kɨ kəte kəte, to tə ndɨgɨ kɨ je j-ɨsɨ jɨ ndɨgɨ səsi kɨn be tɔ.

Rom je 6:17

Jɨ ra oyo Luwə mbata kəte səi ɓəə lə majal, nə kɨ ngɔsɨne kɨn, ɨtəli rɔsi kɨ me kɨ kare go rəbɨ nḛ ndo tɨ kɨ majɨ kɨ ɨngəi.

Rom je 1:8

Nḛ kɨ dɔsa̰y, m-ra oyo Luwə ləm me tɔ Jəju Kɨrɨsɨ tɨ kɨ mbata tɨ ləsi pətɨ. Tadɔ dɨje əli ta kɨ dɔ kadɨ-me tɨ ləsi kɨ dɔ dunɨya̰ ba pətɨ.

2 Korḛtɨ je 8:6

E mbata kɨn ə, j-ulə-n dɨngəm me Tɨtɨ tɨ kadɨ təl aw tɔl ta kɨlə nḛ kaw kɨ mba ra majɨ kɨn, təkɨ ulə-n ngɨre dansi tɨ ngata kɨn.

Epəjɨ je 3:13

E be ə, m-dəjɨ səsi mba kadɨ adi mesi tujɨ mbata lə ko̰ je kɨ m-ɨsɨ m-ɨngə kɨ mbata ləsi kɨn al. Nə kadɨ e gɨn rɔnəl ləsi yo ta.

Epəjɨ je 6:18

Nḛ je kɨn pətɨ, ɨdəji Luwə me kəl si-e ta tɨ. Əli sie ta kɨ dɔ kagɨ lo je pətɨ kɨ ta kul Ndɨl kɨ ay njay. Ɨrai kɨ kɨsɨ dɔ nja tɨ, ə kadɨ ɨnayḭ kɨ lo ra-e tɨ par par. Əli ta kɨ Luwə kɨ mbata lə dɨje lə luwə pətɨ.

Pɨlɨpɨ je 4:6

Nɨngə, kadɨ adi mesi a sururu dɔ nḛ madɨ tɨ al. Me nḛ je tɨ pətɨ kɨ to rɔsi, majɨ kadɨ ɨndəi no̰ Luwə tɨ, əli sie ta, ɨno̰i dɔe tɨ, ə ɨrai-e oyo tɔ.