Yudeesa 1:16 - Anutuna Ufa

¹⁶ Mi fasiqausa maqee maqee aiqama ainainara naundaufa naundaufa qida maridaqa. Misa aiqama ainainara amiqira ainainara faqa sia maasa didifaqa mandainaina fee kai qidaqa. Misa nári mandoosanara nidirana aandi aususeeqa nariqa mi mau fidaqa. Misa firaaqoo nariara nariara nimooqimariasa maridaqa. Misa nári mandoosanara nidirannai ubeekarara faiqí akaqausa marasee nimooqaidaqa amiqi amiqidaqa misa maasa mandoosanamau fidaqa maasa duqu uqeereefaree qidaqa miqidaqa.

Yudeesa 1:16 Referans Kwoze

2 Peetooroo 2:18

Mi manda fasiqausa nári nifaaqa amooqimariana faqa furufari marianara faqa ufa qidaqa. Faiqí anaasee akaqausa nári mandoosanakiqari findifi aaqee kai aanai ubeekarariafaqa mi mandoosanna maree mariasa misa mareeqee nári ufaanaki mara naridaqa. Mi fasiqausa nári mandainainara nidiranannai ufaana fufuseeqa minaki mara naridaqa.

2 Peetooroo 2:10

Anutuna ufara fidiaqaammasee nári manda nipata manda nidiramau fimariasa misa narira oosanara faqa Anutufa firaaqoo iridanoo. Unnaqira amaana ufa uqannifiqee mariasa misa inniki paasoosida aanooqidaqa maridaqa. Innaarunai kaaqa qee mariasara faqa sia naaquqaifaqa rufiaidaqa mandufa kai qangiroouqa faqa nimidaqa.

Firipi 2:14

Innee maa maqa maaqanaki eendaandirausa faqa aaqee mariasa faqa qambaana mariafanoo Anutuna andeeqara faiqi namu qikairi siaisa anukarausa mariaqeera qidaqa innee aiqama ainainirana idaqa sia nikoo nikaa idaqa ninunuridaqa raiqaaqa, miqidaqa sia Anutuna andeeqara faiqi namu marifaranoo. Kaqi eedoo qimasee kadaapirirana maraaqa. Innee mi eendaandira fasiqa anaaseesaki maridaqa inni andeeqara nirana marirana fasau innaarunaki eendaki qeemarindee idaqa kaaqa qaida maridaqa naaru naaru marira fasaasa ufa qimannimiaqa. Innee miqida marifanoo asauku mundirafa qumuaninna faasaana qinee inniara qini saika anoonaiki ifoo qimasee asasianaura qini kadaapi faqa tooqaamu faqa sia fifau irairaainoo mariannoo anoonaikinaqa asasianaura.

1 Peetooroo 4:2

Nipatasaa nidafirana naruqooqari innee maa maqanasaa maridaqa inniqa nidira mandainaina fannoo sia inni mara quqaannoo, Anutuna irirafa kai inni mareeqee quqaani.

1 Timooti 6:5

Faiqí akaqausa aaqee mariasa nári nifaurunnoo unna qidaqa. Misa Anutuna ufamau fidaqa firaa munnimma aina maa maqanasaa marararee qimariasa. Miqi qimariasa anoona ufa siaisa, irirafa taikarausa mi ufana qidaqa.

1 Koorinti 10:10

Innee sia misa naanna reeqa Anutunara ninunuruaqa. Misa miqi marunara kuqira qangiroo fannoo aniree moomoo narinau.

Yudeesa 1:18

Misa maaqi qimasee inni qimannimiqau. Taikara aukuana anirainaqa faiqí moomoo kooroomafiqa nári mandoosanara nidiramau fidaqa inniara naanaidara qifaranoo.

2 Peetooroo 3:3

Innee maa indaaruqaa ainaina iriaqa, sia iriqa furufari foora. Taikara aukuana akaqausa nári mandainainara nidirana mara quqeemariasa miqimariasa kambiqafiqa inniara ataasa ataasaida maaqi qifaranoo.

1 Peetooroo 2:11

Oo qini qiqoondiuqa, qinee Peetooroosa qeeqa qimuqusa ookiqari naamua qidaqa. Innee Yisunara irimariasa maa maqa maaqanaki maridaqa aanaamuruara foora asaqiraafaira foora mariafanoo. Miqiqa maridaqa maaqoo faiqí faiqi manda nidimari ainainafa inniara qini maraaqee qinaqa sia eedoo qimasee mina maraaqa. Mi manda ainainausa inni maraquna arimarifa maridanoo innee moo maqannaasara foora mariafanoo sia maraaqa.

Idi Ufa 15:4

Anutufa ameesuqu nimaqaqaisara andeeqarausa faqa misara fidiaqaa idaqa. Yaweena ufa mau fimariasara uriqararausee qidaqa. Moo fannoo narí amana aiqamasee moo ainaina auqararee qimasaifanoo mi faasaanna moo ummaara kambiqaifanoo afai riqiseenoo oonu mi ainainna auqeenoo narí qima afeekaikira ufa taikaidanoo.

1 Peetooroo 1:14

Innee Anutuna ufara eedoo kai qimasee qumaraaqa. Ooqai innee aamina maru kamusaqa maridaqa manda nidimaru ainainna sia maqee kamu kafaa mina mara ootupaaqa, innee aiqama marirana andeeqasee mariaqa, Anutufa inni naaree marifa kaaqa andeeqarafa maridanoo mifa indee kai iqa kaaqa andeeaqa mariaqa.

Karatia 5:16

Qinee Pauroosa minara inni qimannimidaqa. Sia innee inniqa maqasaa irirannai ubeekaaqa. Anutuna maraquna fannoo inni naakinoo marifa maqee maqee inni naaqooki amiqira oosana maraaqeera qimaseenoo mandoosanara aaquqidanoo. Innee mi ufamau fiqa sia uqanna inneeqa maqasaa iriranamau fifaranoo.

Yoohanee 6:61

Misa miqi qimasee noori runusee randoofanoo Yisufa narí kai iriseenoo qimanniminoo qinau. Innee qini amiqira afeeka ufara rufiasee qini minnisararee qidee.

Idi Ufa 17:10

Misa qimudaoo qirana siaisa, nári nimoo naamoo kai qimariasa maridaqa.

2 Timooti 4:3

Qusasaa sia anoona ufa naamuaqirana irifaranoo misa nári manda nidimari ainainna kai afaqee fidaqa nári naaqookinaa manda irirana naamuaqimariasa misauqa kai moomoo nifiqasee innee mi manda irirausa kai qimaqimiaqee qifaranoo.

1 Teesaroonika 4:5

Innee sia aamina maqannaasa sia Anutunara irimariasa naanna raaqa misa mandainaina fanandiranaki maridaqa innee sia misa naanna raaqa.

Karatia 5:24

Asauku mundirana Yisunaindi mariasa misa nariqa faiqí faiqi irirana marirana faqa nári maqasaa irirana faqa aunirira saqarisaa Yisuna namufaqa kuqa kai aru quqee mariasa maridaqa.

Yoohanee 6:41

Yuda maqannaasa uriqararausa mi fasiqa anaaseesaki mariasa misa Yisuna ufa irisee mifa nariara innaarunaindari qumuafanausa maridee qidanoo. Miqi qimasee dapi dapi ufa qimariqau.

Ruka 19:7

Yisufa mina maaqaki marufaqa faiqí anaasee aiqamausa noori runusee ninunuridaqa qiqau, maa fasiqafa manda oosana mareemari fasiqana maaqaki keeqafinoo adooaidanoo.

Ruka 15:2

Farisai amaana ufa qimarusa faqa Mooseena sandufa akoofasauqa faqa misa niqafamasee noori runusee muquriqa maridaqa naundaufa naundaufa qidaqa qiqau. Maa fasiqafa Yisufa maasa nifaqasoosa aniraafanoo misa faqa amiqi amiqi idanoo, sia miqikai idanoo misa faqa narana naidanoo miqidanoo.

Ruka 5:30

Neemarufanoo Farisai amaana ufa qimarusa faqa nári niqoonausa Mooseena sandufa akoofasauqa faqa Yisuna faiqi namu niqiqa qiqau, innee nanaree ummuara takisa munnimma maree mariasa faqa manda oosana maree mariasa faqa narana nammari naidee, nisauruaqa.

Aaquqira Ufa 28:21

Kootaki moo fasiqa dadaaqinara moo fasiqa mandaikamma amaqarafa manda oosana maridanoo. Akaqa siaasauqa noo rafaaqafia munnimma maraseeqa miqidaqa.

Idi Ufa 106:25

Nári uqiqaana maqakiaqa maridaqa ninunu ridaqa Yaaweena ufa rukiee mariqau.

Idi Ufa 73:8

Misa akaqausara naanaidara qidaqa mandainainara ufa qidaqa. Misa nári nimoo naamoo qidaqa akaqausa uriqaramafi rakisi nimaqaanauree qimasee tipundaaridaqa.