Yudeesa 1:10 - Anutuna Ufa

¹⁰ Maa inniki mandoosana uqeeree mariasa sia amiqira qangiroo aanna raidaqa niranaqarufa oonumafi irisee kaqi qidaqa. Nári sia qafee maria ainainnara qimasaidaqa niqidaqa. Misa kaasau aandau aanna raidaqa. Misa nári irirana irisee aandau oosanamau fidaqa. Mi mau fimariafanoo nári mandoosana fannoo nári naridanoo.

Yudeesa 1:10 Referans Kwoze

2 Peetooroo 2:12

Unna qira amaana ufa uqannifiqee mariasa nariqa kuara fuseena iriranamau fidaqa innaarunai mari ainainnara sia irimaria ainainnara mandufa qimasaida kaasau aandaura foora ufaanaki narifandinausa kambiqaida miqidaqa. Miqi mariasa Anutufa kaasau aandaura foora kaqi naruannoo.

Roomma 2:14

Misa Yuda maqannaasa Mooseena sandufa maree mariasa maridaqa aanaamuru mariasa Mooseena sandufa siaisa mariasa maridaqa misa nári iriranannai Mooseena sandufara sia irirai kaqi mi mau fidaqa, doo Anutuna ufamau fimariasa maridaqa. Mi oosanafa Anutuna sandufa naunduraki akara rinoo marifaqara foora kooroo ifaqa miqidaqa. Anaamuru mariasa Anutuna ufa sia irimariasa nariqa kai moo oosanara manda oosanee qimasee moo oosanara amiqira oosanee qimasee qimariafa mifa kai Anutuna sandufa ooqai kukeeqasee quqaqoofa naundurakiqari kooroo idanoo.

Firipi 3:19

Miqi mariasa maaqiqa fifi iqa idaki kai fifaranoo, nariqa aaqee maria nidirafa mifa misa Anutufara foora maridanoo, misa nisauri maria ainainnara kai amooqimasee noori uqeeraida nasuridaqa, misa maa maqanasaaqaraa ainainara kai iri mariasa maridaqa.