Yudeesa 1:1 - Anutuna Ufa

¹ Qinee Yudeesa maa pasana akara ridaqa. Qinee Yisuna ainainira faiqi Yameesana akaqa maridaqa. Qinee qeeqa qifasaanara Anutuna asauku mundirana Yisuna eedoo qimasee rumbara faiqiara foora ainaini marunna faiqisa maridaqa akara ridaqa.

Yudeesa 1:1 Referans Kwoze

1 Peetooroo 1:5

Mi ainainausa innindi maridanoo Anutuna afeeka fannoo inneeqa Yisuna mandaaqaranannai inni faqa mara afeedamma nimaqee mariasa mi ainainausa innindi maridanoo. Innee taikainna aukuana innaarunai findifi ooru firanara afeesara mariafanoo Anutuna afeeka fannoo innisaa rakisidanoo.

1 Teesaroonika 5:23

Anutufa maasa naundurai asooarana nimimarifa inni mariranaki naaquqara andeeqara oosana firaaqoo nimiani. Mifa kai inni aiqama marirana nipatasaa faqa nimana faqa maraquna faqa aaqarafa sia mariani anukarafa kai mari mari inanoo asauku mundirafa karaambaiqa Yisufa miqiqa marinnanaki qumuani.

2 Timooti 1:9

Anutufa maasa asumu mareenoo maasa daaramasee mai aniannee qimasee qini faiqí anaasee uqanna mariafaqee qidanoo. Sia maasa oosana moo ainaina amiqirana qafeenoofau maasa asumu mareenoofau. Narí irirana narí afaarirana minannai kai miqinoo. Ooqai maa maqa maaqana faqa innaaruna faqa sia maru aukuanna narí mi afaarirana maasara narí asauku mundirana Yisunasaa quqaqoofanoo maqee maa aukuanna maasa asumu maree marifa asauku mundirafa Yisufa maa maqanasaa kooroomafinoo mi afaarirana maasa faiqí faiqi qiminau. Asauku mundirafa Yisufa kuqirana aru taikaseenoo narí amiqira fasaasa ufannai kaqi marirana faqa naaru naaru marirana faqa koorooinoo marifaqa maridaqa.

Yoohanee 14:22

Yudasina amarafa Yisuna irammirinoo qinau, Oo Karaambaiqa naqimaseenanee anee maasa qifusaa kai kooroo innaree maa maqa maaqanasaaqaraa irirana faqaasa nifusaa kukeeqararee qidanee.

1 Peetooroo 2:9

Innee sia miqi mariasa mariafanoo. Innee Anutufa rusandeesamumasee maree marisa mariafanoo. Innee karaambaiqa Anutuna uriqararana aanaiqiki mariasa. Innee naaduma kaaqa andeeqara maqannaa mariafanoo. Innee Anutuna narí maqannaasa mariafanoo. Mifa inni asukunakinaana naaramasee mareeqee narí idaaqira kaaqa qara andeeqaranaki inni quqasaifaqa mariafanoo. Sia fifau minaki mara quqeenoo innee Anutuna idaaqira afeeka ainaina imarianara aiqamausa nifusaa koorooiaqee qimaseenoo inni mara narí kaaqa qara andeeqaranaki quqaidanoo.

Roomma 1:1

Qinee Pauroosa Anutuna asauku mundirana Yisufa mara firiqai faiqisa maridaqa mina ainaina dadaaqimaruna faiqisa maridaqa. Anutufa qini maqasaa fasiqa Anutufa faiqí aanaaseekinaana rusandeesamumasee narí amiqira fasaasa ufara qimannimiannee qimaqoosa maridaqa.

Yoohanee 17:15

Oo qipoo qinee aniara sia qini faiqinamu mareeqee moosaa quqaanneera qidaqa. Maaqoo maqasaa mariaqoo kai rakisianeera qimamidaqa, aakaaqaindaraa fasiqa fannoo misa qumaraandoora qimamidaqa.

2 Peetooroo 1:1

Qini Simoona moo duqu Peetooroosa qinee asauku mundirana Yisuna ainainira faiqi Yisufa maa maqanasaa diqiqamaqoo fasiqausa marunausa maa akarana inni rumannimaqaida. Maasa Anutufa maasa asumu maree marifa asauku mundirafa Yisufa narí andeeqaranannai amiqira oondara fooqaana narí saqarikirana maasa qiminau, inni faqa mi amiqira ainainna niminau.

1 Peetooroo 5:10

Innee maaqoo maqasaa maridaqa kaqikaaqoo nidafirafa mariannoo. Marifanoo kaqi afaarirana akoofa Anutufa inni naaraidanoo narí naaru naaru kaaqa areenarana asauku mundirana namufaqa narí namufaqa inni nimiannoo. Innee maaqoo marifanoo mifa kai inni anoonaikama nimaqaannoo mifa kai naunduraki mapukirana nimiseenoo afeeka faqa afeeka maaqa atuna fooqaana nimiannoo.

Heeburu 3:1

Qini qikaqaafasaa innisaimbaqa Karaambaiqa aiku oosana marunausa maridaqa innee faqa qinee faqa Anutufa daarama quqasaifaqa ani mariasa maridaqa. Innee Yisuna qafaaqa qafaidaqa oonumafi iriaqa Anutufa aqiqamaqoofa maridanoo. Maasa qimarunna amaana ufana aanaiqikira uriqararafa marianifeera aqiqamaqoofa maridanoo.

Roomma 8:30

Anutufa narí maraqoosa naaramasoofaqa aniroofanoo mareeqeenoo narí mariranaki quqanau. Anutufa sia fifau naarama quqanau, naaramasee narí afusaa andeeqaranaki quqanau, minaki quqaseenoo innaarunai kaaqa areenarana faqa naida niminau.

Roomma 6:22

Doo maqee innee mandainainakiqari idukiqa mariafanoo Anutuna rumbaranaki keeqafi mariafanoo. Doo innee miqiunara inni marirafa aiqama doo minaindi kakai mafi mariinaqa taikara aukuana innaarunai marirana inni nimiannoo.

1 Peetooroo 1:2

Maasa qikoofa Anutufa maqee maa kari narí ianinnanara iriseenoo inni rusandeesamumaqoosa mariafanoo. Sia fifaufau rusandeesamuinau. Asauku mundirana Yisuna fidikannai findaukarausai kiaqeera faqa Yisuna ufara eedoo qimasee mi mau fuaqeera faqa Yisuna maraqunannai kaaqa andeeqara fasiqa anaasee kammafi mariaqeera inni rusandeesamumasee maranau. Anutuna afaarirafa faqa asooarana faqa inni naundurai qumbiqafinoo irairaamminoo mariani.

Yameesa 1:1

Anutuna aiku asauku maaqa maaqa daraaniqa mariasa qinee Yameesasa inni nimandaidaqa. Qinee Anutuna eedoo qira rumbara saikara foora marunna fasiqausa maridaqa. Asauku mundirana Yisuna maasa karaambaiqa mina faqa eedoo qira rumbara ainainira fasiqara foora maridaqa nimandaidaqa.

2 Timooti 4:18

Karaambaiqa fannoo oosana oosana mandainainakinaana qini mareeqeenoo narí innaaruna ququsaki amiqimasee quqaqisaannoo. Mina areenarafa naaru naaru mariani, kuqaa.

1 Teesaroonika 2:12

Maasa innee mandainaina maroofaqa reendeenamma nimaqeeaafanausa maridaqa. Anutufa inni naaraidanoo kasooqaqee innaarunai ooruree narí areenarana faqa narí ququsara faqa mina faqa marasee narí faqa mariaqee qidanoo. Maasa inniara minara iriseeqa innee maqee mariaqooqari Anutuna aidiramau kai fuaqa, minara fuki faaki qimariqiafana.

Eefeesusa 5:26

Fuka anaasee narí afaaqinnai fuanee qimaseenoo afaaqa anukamaseenoo amiqira siara qamunna afisumareenoo narí afaaqa akumbau fee namuana fee qikairi fee sia marifanoo andeeqa mareenoo narí afaaqinnai fidanoo. Asauku mundirafa narí ufara suqimariasa fuka anaaseera foora nammariara foora ruma nimaqaseenoo andeeqara amiqiranaki faqa nifaaqa idaaqiranaki faqa mareeqeenoo narinnai amiqiranaki quqaani fee qimaseenoo maasa narí ufannai nammariara foora ruma qimaqasaidanoo nariara kai mara quqeenoo, minara Yisufa narí ufara suqimariasara amuqusufanoo narí marirana misara kuqiranaki quqanau maqi qidaqa.

1 Koorinti 6:11

Koorinti maqannaasa innee akaqausa miqi marusa marufanoo inni mi manda ainainafa doo rukanoo maridanoo, nári nifaaqara Anutuna amidee qimariasa mariafanoo. Asauku mundirafa Yisufa maasa karaambaiqa minasaa rusiranannai faqa Anutuna naaquqara andeeqara maraqunannai faqa miqandannai innee Anutuna afusaa andeeqaranaki mariafanoo.

1 Koorinti 1:2

Innee Koorinti maqusai Anutuna ufara suqimariasa akara rumannimaqaidaqa Anutufa inniara narí aiku asauku mariaqeera utaaqamaqaisa mariafanoo, innee mina asauku mundirana Yisunasaa atooqaanara Anutunaindi kammiqa mariafanoo, Anutufa narí faiqi namu mariaqeera narí innai fuaqeera inni naareenoo, sia innee kai minaindi mariafanoo, aiqama maqanaa maasa karaambaiqa asauku mundirana Yisuna aaree mariasa misa faqa innee faqa minaindi mariafanoo. Yisufa misa faqa maasa faqa karaambaiqa maridanoo.

Roomma 16:18

Miqi mariasa sia maasa karaambaiqa asauku mundirana ainainau idau, misa nári nidimari mandainainara kai randaida iridaqa. Misa nári nimanira ufannai faqa nári nifaurunnai kai susumma nimaqaranannai faqa amiqira fasiqa anaasee iriranara uneemaana qidaqa.

Roomma 9:24

Doo maasa daaree mariasa doo misa kai doo maa maridaqa sia Yuda maqannaasakiqari kaifau, aanaamurukiqari faqa Anutufa daaree marisa maridaqa.

Ruka 6:16

Keerioota maqusaindaraafa kasooqaqee Yisuna uqeeqaaninafa faqa mariqau.

Yoohanee 17:19

Qinee misaroo qiqa qeeqa qifaaqa ani amidaqa. Misa faqa nári marirana nirana kuqaa anindi fee qiaqeera miqidaqa anindi mariaqeera miqidaqa.

Yoohanee 17:17

Oo qipoo aneenna anoona ufannai misa mareeqee aneenaindikia. Ani ufa fannoo andeeqara ufa anoona maridanoo.

Yoohanee 15:16

Sia innee qini rusandeesamumandee qini qumaraafanoo. Qinee naaree inniara rusandeesamumandee inni qumareeqa. Inni marirafa nirafa qini daanna ramasee mariaqeera qinindikiaqeera qimasee inni mareeqa. Mi marira oosanafa sia putaa iannoo afeeka kai mariannoo. Innee minara irisee nana sarauimari ainainaree qini qikoofinnai innaaru qimasee qini duqusaa innaaru qimasaifanoo nimiannoo.

Yoohanee 12:26

Innee Kirisa maqannaasa qimannimia. Yafasiqa anaasee fee qini ainainira faiqikiraree qimaseenoo aufadeemarifa mifa narí maaqoo marirana quqasee qini faqa finafa qinee fuannannai mifa faqa miqoo oonu marida qini dadaaqiannoo. Yafasiqa anaasee fee qini duqu uqeeraannoo mina auqu faqa qini qikoofa uqeeraannoo.

Yoohanee 6:39

Mina ainaina auqarafa maaqinoo marina qini qiminau. Aiqama qini qikoofa qini qutaaqama qimaqaqaisa kai sia moo fannoo kaqinni fuannoo. Aiqama uqanna taikara faasaana qinee misa uqeereeqee qeeqa naaru mariranaki quqaanaura.

Mareekoo 3:18

Andurufa faqa Firipifa faqa Baratooroomeeufa faqa Mataioofa faqa Toomasifa faqa moo Yameesafa Arafaiusana amaaku maruna faqa Tadeeusafa faqa moo Simoonafa nári kaamannaikiaqeera qimarufa.

Mataioo 10:3

Moo fasiqa Firipifa faqa moo fasiqa Paatooroomaiufa faqa, moo fasiqa Toomasifa faqa moo fasiqa Mataioofa faqa mifa takisa maree marufa faqa moo fasiqa Yameesana amarafa mifa Arifaiusana amaaku faqa moo fasiqa Tadiusafa faqa, moo fasiqa Simoonafa sia indaaruqaa Simoonafa mina amarafa (mifa nári Isaraee maqannaa nári kaamanaikiaqeera qimaru fasiqafa) mifa faqa moo fasiqa Yudasifa faqa, mifa Keerioota maqusaindaraafa mifa kai Yisunara qumee queeqaaninafa maridanoo.

Mataioo 13:55

Maa fasiqafa kamundaa amaaku maridanoo. Mina anoofa Mariafa maasa faqa maaqooqaraafa maridanoo. Mina akaqaafasaa Yameesana amarafa faqa Yooseefaana narí akoona amarafa faqa, Simoonafa faqa, Yudasina amarafa faqa maasa faqa maridaqa.

Mareekoo 6:3

Maasaki kamundaa mariifa mifa kai maridanoo, mina anoofa Mariafa maridanoo maaqooqaraa anaasee faiqi maridanoo, mina akaqaafasaauqa Yameesana amarafa faqa Yooseesa faqa Yudasina amarafa faqa Simoona amarafa faqa maaqooqaraasa marifanoo Yisufa misakinaafa maridanoo. Mina asooqmaaka faqa maaqookai maridaqa. Misa minara miqi qimasee nikoo fee qiqau.

Roomma 1:6

Aiqama maqannaasara qidaqa inni Roomma maqannaasara faqa qidaqa Anutufa inniara narí asauku mundirana Yisunaindi kiaqeera qimaqoofa maridanoo.

Yudeesa 1:3

Oo qini qifaaqasaa qiqoondiuqa. Anutufa maasa innaaruna asumu marirana moodaa qimiqaifaqa minaki quqaqisainara akara ruani qimaseeqa minniseeqa moo ufa akara ruanaura. Anutufa moodaa kari nimu ufana maasa qimuna mi ufana rakira ufara foora afeekaikamasee uqeera aindusuaqa minara inni afeekaikamandee akara rumannimaqaidaqa.

Yudeesa 1:21

Maasa karaambaiqa Yisufa asauku mundirafa narí nifauarana firaanakiqari maasa sia daruannoo naaru naaru marirana maasa qimiannoo. Innee Yisuna qumiranara afeesidaqa Anutufa inniara nidimarinaki minaki kai mariaqa sia moosaa finana kuridia.