Yoohanee 9:38 - Anutuna Ufa

³⁸ Mi fasiqafa mina iriseenoo qinau. Oo Karaambaiqa aniara kuqaa Anutuna amaaku fee qidaqa qeeqa qimuqusa irirana aniki rusidaqa qimuqusannoo ani amooqimamaqaidaqa. Miqi qimaseenoo mi fasiqafa Yisuna oorinni maqasaa kummaramafinoo amooqinau.

Yoohanee 9:38 Referans Kwoze

Mataioo 28:9

Yisufa aanai mi anaaseeqanda tautummannimaqasee kikiqinoo marida nimandanau. Miqi qimasee qimannimisoofaqa misa naaquqoofaqa mina aiku qumaree noorindari maqasaa faifufaqa qimudao̱o qidaqa amooqira ufa qimamiqau.

Mataioo 14:33

Sipaki kaqi marusa misa mina qafamaseeqa naaquqoofaqa Yisuna oorinni anireeqa noorindari mapamufufaqa Yisuna amooqiqa qiqau. Kuqaa anee Anutuna amaaku mariananoo qiqau.

Yoohanee 20:28

Toomasifa mina qafamaseenoo qinau. Qini karaambaiqa qini Anutufa.

Ruka 24:52

Miqoo marusa mina qafamasee Anutuna amooqimasee quandaki nimuqusaki asasirafa qumbiqafufaqa Yeerusareenni kafaa oonu maridaqa faasaambaasaana naaquqara amaana maqaki keeqafidaqa Anutunara dufi dufi qimamaqee mariqau.

Mataioo 28:17

Miqoo oorureeqa Yisuna qafeeqa reendeenamasee amooqira ufa qimamiqau. Moodaa moodaa qaara irirana iri mariqau. Mifee, yafee, afaanna fee.

Idi Ufa 45:11

Miqimarinanoo ani afaaqi karaambaiqa ani amiqira oori afiriara firaaqoo aidiannoo. Mifa ani karaambaiqa maridanoo anee minara kai qeerairidana mina ufa qaindusua.

Idi Ufa 2:12

Naindiri ree marinaqa mina oorinni niqoori saunu araaqa. Innee sia miqifanoo mifa aanoo qinaqa innee kuqifaranoo. Mifa itita qimaqaanifee qimasee mifinnai fimariasa asasi mariasa maridaqa.

Mataioo 8:2

Fimarufanoo faiqí moo fannoo karoora arimarufa Yisuna oorinni ani mapamufufanoo Yisuna qimaminau, oo maasa rakisirafa ani afeeka amana maridanoo qinee minara iridaqa. Aneenna irirafa eedoo qimaseenana qini karoora rukaqisaa.

Yoohanee 9:39

Yisufa mina qafamasee miqoo marusa qimanniminoo qinau. Qinee maa maqanasaaqarasaa rainannimaqarara qumuafanausa maridaqa. Qinee nifu dimbarausa maqaaneera qumuafanausa nifu maqarausa dimbaaneera qumuafanausa maridaqa.