Yoohanee 9:34 - Anutuna Ufa

³⁴ Yuda maqannaa uriqararausa mina iriseeqa qimamiqa qiqau. Anee mandainainaki kambiqoonafa mandoosanaki findifuanafa doo see fifuannee qimaseeqa misa amaana maqakiqari aqiqoofanoo raudamaki finau, sia kafaa anianifeera doo ateekaqau.

Yoohanee 9:34 Referans Kwoze

Yoohanee 9:22

Yuda maqannaa uriqararausa Yisunara faasa maaqi qimariqau. Faiqí moo fannoo Yisunara Anutuna asauku mundira fee qinnana maasa amaana maqakiqari aqiqaananoo raudamaki aqoosai finoo sia kaifaa keeqaannoo.

Yoohanee 9:2

Yisuna faiqinamu mi afu qimbarana qafamasee Yisuna irammiriqa qiqau. Oo ufasaa rakisirafa maa fasiqafa yana mandainainasaa fee maaqinoo afu dimbanoo maridanoo fee. Narí akoona anoona mandainainasaa fee narindisaa fee miqinoo maridanoo fee.

Ruka 18:17

Innee maanara kai irisee sia aunuaqa yafee moo fannoo sia kaqikaa faiqi naanna ramasee Anutuna ququsa marainafa sia uqanna minaki keeqaannoo, faiqi aanaaqi naanna ramasee Anutuna ququsa marainausa misa kai minaki keeqeefaranoo.

Idi Ufa 51:5

Qini qinoofa qini maqa qisooqooqari numoo aanaaqi mariafanausa maridaqa. Qeeqa qinoona amuaquki mariafananoo aaqarana asumu qiniki marinau.

Oosana 19:9

Miqi qimasee qimannimisoofaqa misa aiqama maaqi qiqau. Anee moo maqannaafa maasaki ani marianafa. Yafee qifanee anee maasara qaoo qidanee. Anee nimaaraa. Sia nimaarainaqa sia ani aqoondiqara kai mandaikamma nimaqaanaura, ani faqa firaaqoo mandaikamma amaqaanaura. Miqi qimaseeqa misa Rootana afeeqa aquseeqa mina kooqi rufadaairara iqau.

Uqafiqoo Ufafa 13:17

Mi akarana sia marinausa sia ainaina nimisee mina akiaqara feefauru mareefaranoo, ainaina faqa sia amana munnimma aqusee mareefara. Mi akarana oosana kaasau aandau mina auqu nambaqa mariannoo.

3 Yoohanee 1:9

Qinee qusa akara riqa inni miqooqaraasa amaana maqaki keeqee mariasa nimiaqeera. Nimaqaunanoo Diootareefeesafa narí kai naríara uriqararausee qimarifa qini akarakinaa ufa sia irimarifa, kasooqaqee inniki qinee oonureeqa mina oosana inniki marina unna ufa mandufa maasara qimarina unnufa oosana oosana qimarina kooroo ianaura. Mifa sia minara kai idanoo Yisuna ufa qimannimiqanuasa miqoo oonuraafanoo sia misa dadaaqidanoo misa ititannimaqaidanoo. Miqooqaraasa amaana maqaki keeqee mariasa quandaki misa dadaaqiraree qiafanoo misara faqa quqasee doo fuaqee qidanoo.

1 Peetooroo 5:5

Miqi kai iqa innee kumaaraauqa faqa inneeqa faiqí firaasa nimeemaanai miqi kai masee ureeaqa mariaqa. Innee aiqamausa oorudupi oorudupimafinaqa qamunnara foora afisusee mariaqa. Tamummaqarausa akara minara maaqi qidanoo. Anutufa faiqí anaasee nári nuqu uqeeree mariasa rafaaqafidanoo fifimariasa adiafaairana faqa amiqirana faqa nimidanoo.

Eefeesusa 2:3

Maasa faqa aiqamausa aanaamuru Anutuna ufa rukiee mariasa naanna ramasee maasa qeeqa faiqí faiqi mandiriranamau fidaqa qeeqa qifaaqa irirana afaariqa kaqi qeeqa manda didiramau kai fiqiafana. Maasa Yuda maqannaasa aanaamuru naanna ramasee qeeqa qifaaqa afaaramasee mina akiaqara Anutuna aranaqaranaki firaridaqa.

Karatia 2:15

Qinee miqi qimasee Peetooroona aqisee maaqi qimasee aiqamausa qimannimiqa. Kuqaa maasa Yuda maqannaaki kambiqarausa maridaqa. Maasa sia aanaamuru mariasa, misa Anutuna ufara sia irirai mana mana imariasa.

Yoohanee 9:40

Farisai amaana ufa irimarusa miqoo marusa mina iriseeqa iramiriqa qiqau anee maasara faqee nifu dimbarausee qidanee.

Yoohanee 9:35

Misa afu qimbarana aqiqoonara Yisufa iriseenoo paqurimasee irammirinau. Anee faiqí nimaakuara Anutuna asauku mundira fee fee qidanee minasaa irirana rusidanee.

Yoohanee 8:41

Innee inneeqa nikoona uqanna oosana maraidaqa miqi mariafanoo. Misa mi ufana iriseeqa qiqau. Maasa sia qummuara faiqifau maridaqau. Maasa moodaa fasiqa faiqi Anutufa narí uqanna maasa qikoofa maridanoo.

Yoohanee 6:37

Qini qikoofa eedoo qira irirana niminausa misa qinee unnannai nári naundura ubeekama qimaqeefaranoo. Miqi mariasa qinee ianannai animariasa sia niqiqaanaqa fifaranoo.

Ruka 14:11

Nariqa kai qinee uriqararausee qimariasa Anutufa nisauriranaki quqaannoo, nariqa kai qinee ureeqararausee qimariasa Anutufa misa uriqararanaki quqaannoo.

Ruka 11:45

Yisufa miqi qufanoo Mooseena sandufa akoofasa moo fannoo qimaminoo qinau, Oo ufasaa rakisirafa anee mi ufanannai maasa faqa mandaikamma qimaqaananoo.

Ruka 6:22

Faiqí akaqausa faiqí nimaaku uqanna qinisaara inniara fidiaqaa iqa nifeeqeeqa aasaandaana ufa faqa oosana oosana manda ufauqa faqa inni qima nimifanoo Anutufa firaa asasirana inni nimiannoommi.

Aaquqira Ufa 29:1

Kaukaata qimari fasiqana moomoo kari andeeqaafanoo sia irimarifa qusasaa radamu saifanoo mina andeeqara aana sia mariannoo.

Aaquqira Ufa 26:12

Furufarira fasiqa kaqikaaqoo amanaikianoo. Nariara irirana faqaasee qimarifa sia amnaikiannoo. Furufarira fasiqa ooreeqarafa uqanna maridanoo.

Aaquqira Ufa 22:10

Andeeqara oosanara fidiaqaa imari fasiqana mara aqusainanoo aanooqirafa faqa rairai qirafa faqa taikaannoo.

Rafudoo Akarafa 2:14

Miqi qufanoo aru fasiqafa qinau. Yafee aniara Kinna maridana maasa ufa irisee andeeqaannee qifanee andeeqaidanee. Eenda anee Isipa maqannaa aruanafa kafaa maqee qini faqa darinnaree qufanoo Mosefa tautinau. Tautumandee qinau. Doo eenda arunnanara aiqama kooroomminoo maridanoo fee qimaseenoo rufianau.