Yoohanee 8:58 - Anutuna Ufa

⁵⁸ Yisufa minara maaqi qimasee qimanniminoo qinau. Abarahaamafa sia kambiqoo aukuanna qinee maa marunausa mikamuqoo mariqiafana.

Yoohanee 8:58 Referans Kwoze

Rafudoo Akarafa 3:14

Qufanoo,Anutufa iriseenoo Mosena qimaminoo qinau. Qinee qeeqa kai marunna Anutusa qidaqa. Anee maaqi qimasee misa qimannimia. Nariara mifa qinee kaqi marunna Anutusee qimarifa mifa qini diqiqaifaqa innee iannai anidaqa.

Kooroosee 1:17

Asauku mundirafa sia maqee kaifau marida ooqai marufa maa maqanasaa ainaina sia maruqoo marufa marinau. Doo maqa faqa minasaa mari ainainausa faqa innaaruna faqa minakinaa ainainauqa faqa asauku mundiranaki kai ookaamambida maridanoo.

Yoohanee 17:5

Oo qipoo qini mareeqeenana aneenna marianaqoo mara quqaqisee qifaaqa areenarana qimia. Ooqai oosana aroo aukuanna maa maqa maaqafa sia marunaki qifaaqa areenarana qimunnana mina kai kafaa qimia.

Uqafiqoo Ufafa 1:8

Anutufa uriqararafa karaambaiqa ooqai marufa maqee faqa kaqi marifa naaru faqa kaqi marianinafa nariara maaqi qidanoo. Qinee oosana aroo aukuana mariafanausa naaru taikara aukuana faqa kaqi marianausa maridaqa.

Heeburu 13:8

Yisufa asauku mundirafa sia minaki oosana oosana irirafa marifa. Eenda faqa maqee faqa naaru naaru faqa amanamana kai andeeqara irira oosana marifa maridanoo. Innee faqa miqiaqa.

Yoohanee 17:24

Yisufa kaqi narí akoonara innaaru qidanoo qinau. Oo qipoo, maa qini faiqi namu anee qimunausa kasooqaqee qini faqa mariaqoo kai mariaqeera didifaqa innaaru qidaqa. Ooqai maa maqa maaqana sia maru aukuanna anee qiniara aidunara anee qifaaqa areenara eeraarirana qimunnana qini faiqi namu kasooqaqee mari iqa oorureeqa qafaaqeera innaaru qidaqa.

Uqafiqoo Ufafa 2:8

Miqi qimaseenoo Eefeesusa amaana maqa Paatoonara ufa qimaseenoo quandakufanoo Samirana amaana maqasa Paatoonara Yoohaneena qimaminau. Yoohanee anee Samirana amaana maqasaa rakisimari Paatoona maaqi qimasee akara rumamia. Ooqai indaaruqaafa faqa inaaqianaafa faqa ooqai kuqufa findifi kaqi marifa Yisufa maa ufana ani qimamidanoo.

Yoohanee 8:51

Yafasiqa anaasee fee qini dookinaa ufa irisee marainafa mifa sia kuquannoo naaru mariannoo.

Uqafiqoo Ufafa 1:11

Mi ufafa maaqi qimasee qimaqiminau. Yoohanee maqee uqafiqaanna ainaina anee papiqaki akara rumasee dinni qisauku taikasee dinni ani qaara marasee maqusanaasa nári amaana maqakiaqa keeqee mariasa akara rumannimaqaa. Eefeesusa maqusa amaana maqaki keeqee mariasa faqa Samirana maqusa amaana maqaki keeqee mariasa faqa Peerakamumma maqusa amaana maqaki keeqee mariasa faqa Tiatira maqusa amaana maqaki keeqee mariasa faqa Firadeerafia maqusa amaana maqaki keeqee mariasa faqa Raoodiseea maqusa amaana maqaki keeqee mariasa faqa miqimasee amaana maqanamuara akara rumannimia.

Yoohanee 8:34

Miqi qufanoo Yisufa kafaa qimanniminoo qinau. Qinee kuqaa anoona ufa inni qimannimidaqa. Faiqí moo fannoo mandoosana maree marifa mi manda oosanafa mina rumbaqaifa maridanoo.

Yoohanee 8:24

Qinee minara qunnana innee inneeqa mandainainaki kuqifaranoo. Innee sia qinee marunnanara anoonee qimariafanoo minara kuqaa innee inneeqa mandainainaki kuridifaranoo.

Yoohanee 8:28

Kasooqaqee innee qini faiqí nimaaku uqeereeqee aunirira saqarisaa quqaqisaseeqa mikamuqoo qinee mariaafannanara irifaranoo. Qini qikoofa qimaqimiqoo ufana kai inni qimannimidaqa. Mikari innee minara faqa amiqimasee irifaranoo.

Yoohanee 10:25

Yisufa maaqi qimasee qimanniminau. Doo qimannimuna siamma irimariafanoo. Qinee moomoo qeeqa qikoofinaindaraa ainaina auquseeqa minannoo inni uqannifiqaunausa maridaqa.