Yoohanee 8:51 - Anutuna Ufa

⁵¹ Yafasiqa anaasee fee qini dookinaa ufa irisee marainafa mifa sia kuquannoo naaru mariannoo.

Yoohanee 8:51 Referans Kwoze

Yoohanee 5:24

Yisufa Yuda maqannaa rakisirausa kaqi qimannimidanoo qinau. Qinee kuqaa anoona ufa inni qimannimidaqa faiqí moo fannoo qini ufa irisee qini diqiqamaqoona saqarikinafa mifa doo naaru mariranaki maridanoo. Miqinna fasiqafa sia Anutuna arirufaki mariannoo. Anutuna narirana doo maa maqee aiqaaqareenoo kaqi mariranaki doo keeqanoo maridanoo.

Yoohanee 15:20

Maa ufana qimannimunnana kaifaa iriaqa ainainira fasiqa sia narí rakisirana uriqararafa maridanoo. Misa qini inni rakisirana dariqa quandaki inni faqa qini ufa irimariasa faqa narifaranoo, misa qini ufa iriqa quandaki inni ufa faqa irifaranoo.

Yoohanee 6:50

Maa qinee kaqi marira feemuara foora maridee qimarunausa faiqí namasee sia kuqifandinna feemusa maridaqa.

Ruka 2:26

Anutuna naaquqara maraquna fannoo mina aakufufanoo qimaminau. Anee karaambaiqa Anutuna asauku mundirafa kambiqainana anee qafamaseenana kuqinnaranoo, sia kaqi kuqinnaranoo.

Heeburu 11:5

Faiqí moo auqu Eenookafa Anutuna saqarikiranannai kai sia kuqufufanoo kaqi marufanoo Anutufa mara muru narí unnai quqanau. Misa miqooqaraasa Eenookana iriara randoosia minnisaqau. Anutufa kaqimma afiqa quqanau. Anutuna akarakinaa ufa Eenookanara maaqi qinoo maridanoo. Eenookafa andeeqara fasiqa marunara qini qiqaara ree marifaqa asasidaqa.

Idi Ufa 89:48

Yafasiqa fee sia kuquannoo fee. Yafasiqa fee kaqi maridanoo narí afeekannai narí madikaki firanara qeerairiannoo fee. Sia moo fannoo miqirafa mariannoo.

Yoohanee 8:55

Innee ooqaindari sia mina auqu irimariafanoo. Qinee mina auqu iridaqa. Qinee minara sia iridau inni naanna reemarunausa unna ufa qimarunausee qini. Qinee qeeqa qikoonara iridaqa mina ufamau fimarunausa maridaqa.

Yoohanee 8:12

Moo kari Yisufa Yeerusaree amaana maqaki faiqí anaasee maaqi qimasee qimanniminau. Qinee maqasaaqaraasa qooma maridaqa. Yafasiqa aanaaseesa qini faqa finausa misa kaqi marira qooma mareefaranoo sia uqanna asukunaki fifaranoo.

Mataioo 16:28

Kuqaa anoona ufa qinee qimannimidaqa innikiqari faiqí qaaramoo sia kuqirai kaqi marifaqa qinee faiqí nimaaku qeeqa innaaruna ququsa uriqarara ququsa namufaqa inni nifusaa qumuanaura.

Yoohanee 8:52

Yuda maqannaa uriqararausa mi ufana iriseeqa qiqau. Doo maasa ani oosana iriseeqa anee kuqaa afaanna faqaafa mariananoo, Abarahaamafa maasa qikoofa doo ooqai kuqinau. Anutuna tamummaqara fasiqauqa doo kuqiqau. Anee naqi fee masee maa ufana qidanee qini ufa irimariasa sia kuqifaree qidanee.

Yoohanee 14:23

Yisufa iriseenoo qinau. Yafasiqa anaasee fee qiniara rimarinafa qini ufa maree mari fasiqa anaaseefa mifa qiniara rimarifa mariannoo. Miqinna fasiqa anaaseena qini qikoofa Anutufa minara faqa ruannoo. Mifa faqa qinee faqa mi fasiqa anaaseesa innannai oonuree umee mina faqa marianaura, miqimaseeqa maasa inni nifusaa kai koorooianaura. Maqasaaqaraa irirana faqaasa nifusaa kukeeqaanaura.

Yoohanee 17:6

Anee maa fasiqausa qini faiqi namu maqasaaqaraa sakinaana qimimarianaqa aniara kooroomannimiqa. Misa anindi maridaqa. Anee misa qimimarianafa mariananoo. Misa ani ufa irisee eedoo qimariasa maridaqa.

Heeburu 2:9

Maasa quandaki Yisuna kai qafaidaqa. Anutuna afaariranannai kai Yisufa naaru asumu marirana qimiraree qimaseenoo maasa faiqí faiqi kuqirana narí faqa maraani qimaseenoo qangiroo nimeemaanai qusakamuqoo qumu maridanoo kuqunnimaqanau. Maqee mifa kaaqa qara qafee faqaafa, kuqaa firaaqoo uriqararafa maridanoo. Mifa kuquna faqa aupuroona faqa mina akiaqara innaarunai firaafa maridanoo.