Yoohanee 8:44 - Anutuna Ufa

⁴⁴ Afaanna nikoofa Sadannafa maridanoo. Innee mina faiqi namu maridaqa mina aanna ree mariafanoo. Ooqaindari faiqí kuqannarimarufa maridanoo. Sia anoonufakifau mapukinoo maridanoofau. Anoona ufa sia uqanna minaki marifa maridanoo. Mifa unna ufa qinoo narí oosanamau kai fidanoo. Mifa unna ufa qimarifa maridanoo unna ufa qimariasa nikoofa maridanoo.

Yoohanee 8:44 Referans Kwoze

1 Yoohanee 3:12

Maasa sia Kaina aanna raa, mifa Sadannana faiqi maridanoo narí akaqa arinau. Kainafa nanaree narí akaqa arinoo fee inau. Narí auqoo ainaina mandaikufanoo, mina marirafa nirafa eendaandinoo marunara narí akaqa nirafa marirafa andeeqanoo marunara minasaara aanoomaseenoo arinau.

2 Koorinti 11:3

Ooqai sakani fannoo narí kaaqa irira unnufannai Eeuana akaru qundee kai inni irirafa faqa iandoora. Asauku mundiranasaa kai inni irirafa amiqimandee andeeqasee mundinoo mari inanoo kaqi runna fifoora minara qinee inniara rufiaidaqa.

Yoohanee 8:38

Qini qikoofa qini uqaqifiqoona kai inni qimannimidaqa. Innee mina minniseeqa inneeqa nikoona moo Sadannana ufa irimariafanoo.

Yoohanee 8:41

Innee inneeqa nikoona uqanna oosana maraidaqa miqi mariafanoo. Misa mi ufana iriseeqa qiqau. Maasa sia qummuara faiqifau maridaqau. Maasa moodaa fasiqa faiqi Anutufa narí uqanna maasa qikoofa maridanoo.

1 Yoohanee 3:15

Yafee faiqí moo fannoo narí akaqaafasaara fidiaqaa imarinafa mifa doo kuqa nárí marifa maridanoo. Innee maana iridaqa faiqí kuqa nárí mariasa sia naaru marirafa misaki maridanoo.

Mataioo 13:38

Ququsaki maa maqanasaa mariasa maridaqa. Amiqira qaqamma karaambaiqa aiku asauku mariasa maridaqa. Kukura manda faiqi mina aiku asauku mariasa maridaqa.

Yudeesa 1:6

Innee Anutuna qangiroouqara faqa sia fee iridee. Ooqai misa firaa uriqaranaki marufaqa mina minnisee nári qimaqoomau akaqausa fufanoo Anutufa sia nifauanau kaqi qumaraseenoo sainandannai ruumbeeqeenoo naaru rumbaranaki maqa ameemaanai asukunaki quqaqaifaqa maridaqa muanni Anutuna ufa irira faasaanara afeesida maridaqa. Mi faasaannasaa narira ufa qimannimiannoo minara afeesidaqa.

1 Yoohanee 2:4

Faiqí faqa anaasee faqa moo fannoo Anutuna aqoondi fee qimasee sia Anutuna ufamau finafa mifa unna qimarifa sia anoona ufa minaki marifa maridanoo.

Uqafiqoo Ufafa 21:8

Maparaa imariasa faqa ueeqee mariasa faqa kaaqa ufa rukiee mariasa faqa faiqí anaasee kuqa narimariasa faqa kaaqa faiqí aanaaseera rimariasa faqa aukainaina maraqa nuasa faqa tumunnai faiqí nimana auqusaida minara rufiasaida innaaru qimariasa faqa aiqama oosana oosana unna ufa qimariasa faqa mi mandoosanna maraqa nuasa misa maqusai ida farumaki marifaranoo. Miqoo ida firaafa fasafasainoo mandundi marifa mariannoo. Mi idana auqu inaaqiannaa kuqirafa maridanoo.

Oosana 3:15

Qinee qianaqa maa anaaseefa faqa anee faqa nariara nariara fidiaqaa ifaranoo. Inniqara faiqinamu naaruara namuqaa marifaranoo. Mi anaaseena asumu kiqari moodaa fannoo ani akiiqa radamuannoo. Anee mina asumu kinaana aiku ataa ukaqa aminnaranoo.

1 Peetooroo 5:8

Innee inneeqa nimanara irisee aufarida mariaqa inni namuqaa Sadannafa kaasau fainiara foora fiqu faiqu idanoo yanee nambiqaanau yanee nambiqaanau qidanoo.

Uqafiqoo Ufafa 9:11

Misa saideenna uriqararafa maqa ameemaanai madika rakisirafa uriqararafa maridanoo. Yuda maqannaasa ufakiqari moo nuqu Heeburu ufakiqari mina auqu Abadoonnee qimariqau. Kirisa ufakiqari Apoorioonee qimariqau. Mi auquna oosana aiqama ainaina kuridi marinee qimariqau.

Yoohanee 6:70

Yisufa iriseenoo kafaa qimanniminoo qinau qinee qeeqa kai qisaukuqara taikasee qikuqara marasee fasiqa naarauna qini faqa nimariafanoo. Moo fannoo inniki afaanna maridanoo.

Uqafiqoo Ufafa 2:10

Qini ufasaara kaqikaa qoo innee aupurarana mareefaranoo innee sia minara rufiaaqa. Innee iriaqa Sadannafa inni nimanamasee qafaaneera karabusaki akaqausa quqaannoo. Inni nidafirafa maa maqanasaa qusasaa mariannoo. Innee kaqi maraqa fifi inaqa kuqirana paqurinna aukuana qinee naaru marira qafee afisunnimaqaanaura.

2 Peetooroo 2:4

Ooqai innaarunaindaraa qangiroouqa akaqausa mandoosana marasoofanoo Anutufa sia nifauanau mareeqee idaki aquseenoo sainandannai rumbaqoosa ufa aukuanara afeesida kaqi maridaqa.

Uqafiqoo Ufafa 13:14

Mifa indaaruqaa kaasau aandau oorisaa faiqí sia auqaaqaa ira ainaina auqusoofanoo minannai maqasaaqaraasa aiqama nikaruqinau. Miqidanoo mifa aiqama maqasaaqaraasa qimanniminoo qinau, Innee afaaqa ateekasoofanoo kuqiraramandee findifuna amana auquaqa.

Uqafiqoo Ufafa 22:15

Mi maqusana aqoosai kaaqa ufa rukiee mariasa faqa aukainaina maraqa nuasa faqa faiqí anaasee nariara nariara fanandi mariasa faqa faiqí anaasee kuqa narí mariasa faqa saqarinnai faiqí nimana auqusaida innaaru qimariasa faqa unna oosana auqimariasa faqa unna ufa qimariasa faqa misa aiqama aqoosai marifaranoo.

Mataioo 12:34

Innee sakani faiqi miqirausa inni naundura mandamuqanoo maridanoo. Inni naundurai moomoo ainaina marinakiqari ufa uridanoo. Minara naqi fee mandee inni naundurakiqari amiqira ufa uruannoo fee. Sia amana miqirafa. Faiqí afauru fannoo narí amuqusaki mari ainainara kai ufa qidanoo.

Mataioo 13:15

Maa maqannaasa nimuqusa kudoosaapanoo maridanoo. Misa naaqoo auninoo maridanoo, misa nári nifu nári tautasee maridaqa. Misa nifunnai qafamasee irifoora misa naaqoonnai irifoora. Misa naundura iriaraasifoora. Misa quandafinaqa qinee ianannai anifaqa qinee misa amiqianoora. Tamummaqara fasiqa ufa miqimminoo maridanoo.

Yoohanee 7:17

Qini ufa Anutunaindi fee qinee qeeqa fee qidee. Faiqí moo fannoo Anutuna iriranamau firarimarifa qini ufara Anutufa fee qiannoo.

Yoohanee 8:55

Innee ooqaindari sia mina auqu irimariafanoo. Qinee mina auqu iridaqa. Qinee minara sia iridau inni naanna reemarunausa unna ufa qimarunausee qini. Qinee qeeqa qikoonara iridaqa mina ufamau fimarunausa maridaqa.

1 Yoohanee 1:8

Maasa náriara sia mandainaina marifaqee qidaqa narakaru narakaru qidaqa Anutuna anoona ufa sia maasaki maridanoo unna ufa kai maasaki maridanoo.

1 Yoohanee 2:21

Innee Yisuna anoona ufa sia irifaqau sia akara rini irimarianara akara rumannimaqaidaqa. Sia unna ufa moo fannoo anoona ufakiqari kambiqaidanoo. Innee minara faqa irimariasa mariafanoo.