Yoohanee 8:40 - Anutuna Ufa

⁴⁰ Qinee qeeqa qikoonasaaqaraa ufa kai inni qimannimimarunaqa innee quandafiqa qini darirara qimariafanoo Abarahaamafa sia mi oosanna maranau.

Yoohanee 8:40 Referans Kwoze

Yoohanee 8:26

Qinee moomoo ainainara inniara qimannimianaura. Qini diqiqamaqoofa mifa anoona ufa kai qimarifa mifinaindaraana kai inni maa maqanasaa mariasa qimannimidaqa.

Karatia 4:29

Mi aukuanna Isakeena aukuana faiqí anaasee undee mandoofanoo kambiqoofa Isamaeerafa quandakinoo Anutuna maraqunannai kambiqoona Isakeena mandaikammamaqanau, doo maqee faqa mi oosanafa miqikaimminoo maridanoo. Mooseena sandufa ameemaanai mariasa inni aana ititaidaqa.

Karatia 4:16

Doo maqee Yisuna anoona ufa qimannimunnanannai fee qini namuqaa kamambi maridee. Oo sia miqifanoo andeeqaannoo.

Uqafiqoo Ufafa 12:17

Qaareena fannoo mina qafoofanoo firaaqoo uqanna aranaqoofanoo quandakinoo mi anaaseena ati aiku asauku marusa aiqama Anutuna aauqira sandufamau fimariasa Yisuna kooroo ira anoona ufamau fimariasa faqa naruanee qimasee fufa ooruku nammari afainni kikiqinoo marinau.

Uqafiqoo Ufafa 12:4

Mina ameesa fannoo innaarunaidaraa fasau moomoo nukudara foora rarisameeqeenoo maqai aqimarinau. Mi qaareenafa amuaqu uqaikira anaasee oorisaa kikinoo maridanoo faiqi maqasainanoo nambiqarara rakisidanoo.

Roomma 4:12

Sia fainanduqirausa faqa fainanduqirausa faqa nikoofaikinoo marinau. Fainanduqirausa Yuda maqannaasa sia minara irisee Anutuna andeeqaranaki keeqaidaqa, misa nári nikeeku nikaaku Abarahaamafa mariundee kai iqa sia nári fainanduqiranara iriseeqa nári irirana Anutuna ufasaa rusisoosa Anutuna andeeqaranaki keeqeefaranoo. Abarahaamafa sia fainanduqiraqoo narí irirana Anutuna ufasaa rusinau. Maqee fainanduqirafa mifa mariundeemmiaqa.

Yoohanee 8:56

Inni nikoofa Abarahaamafa ooqai kaqi maridanoo qinee maqee marunnanara kaaqa qafaaqaa imarufa marinau. Doo qiqafamaseenoo asasinau.

Idi Ufa 37:32

Manda oosana maree mariasa andeeqarausa nipuraida narirara nimaarusidaqa.

Idi Ufa 37:12

Manda oosana maraqanuasa andeeqarausa nariraree qimasee tipundaaridaqa. Miqidaqa misa andeeqarausara fidiaqaaira noori nifiri maraidaqa.

Yoohanee 7:1

Miqooqari Yisufa Kariree maqa maaqaki nimarinau. Sia Yudeeaa maqa maaqai finau. Yuda maqannaasa miqoo mina arira ufa qimarunara sia finau. (Ooqai Isaraee maqannaasa Isipa maqusaindari qaara fasiqa niku nisauku taikasee aukuana nifuru faiqaqa uqiqaana maaqaki fimarufanoo Anutufa innaarunai maridanoo narí afeekannai Isaraee maqannaasa maqasaaqaraasa qumee dadaaqidanoo aandau narana nimimarufaqa naqafimariqau. Kaasau maqa maaqai nini iusa oonu randee nári maqasaa Isaraee maqasaa animaridaqa aukuana aukuana Yeerusareenni suqufidaqa uqiqaanarasaida faiqeeunara iriseeqa minara afaarurumanaida nári naambeeqa nári naambeeqa uqiqaana maqa usakasaida dinni qisauku taikasee dinni ani qaara marasaida (7) faasaana minaki faiqaida qoomaqa sakasaida namasaida minara susu imariqau.)