Yoohanee 8:11 - Anutuna Ufa

¹¹ Mi anaaseefa qinau. Oo rakisira sia kuqira ufa moo fannoo qimimarifa maridanoo. Yisufa iriseenoo qinau. Doo qinee faqa sia kuqira ufa ani amianaura. Doo fua, sia kafaa manda oosana maraa.]

Yoohanee 8:11 Referans Kwoze

Yoohanee 3:17

Anutufa sia maa maqanasaaqaraa fasiqa anaasee narí ufa firaanaki mara aquanifeerau narí amaaku maa maqanasaa quqannisanau. Mifa faiqí anaasee nariranakinaana qumbaqeeqee naaru asumu mariranaki quqannisaanifeera Yisuna quqanau.

Yoohanee 5:14

Kasooqaqee marikinoo amaana maqaki mi fasiqana paqurimandee Yisufa maaqi qimaseenoo qimaminau. Doo fee maqee qafeenee Doo findifuananoo doo maqee aneenna mandainaina minnimasaa. Sia miqinanoo kafaa mandainaina firaafa uqanna anisaa aqufuannoo.

Yoohanee 8:15

Innee faiqí faiqi ufa irisee dapi iriranannai faiqí anaasee rainannimaqee mariafanoo. Sia qinee moo fasiqa aanaaseera rainannimaqee marunausa maridaqa.

Ruka 15:7

Innaarunai mariasa mi fasiqana aanna reefaranoo moomoo (99) andeeqara fasiqa anaaseera sia asasifaranoo moodaafa furufaridanoo mandainaina maranoo nini inafa quandaki Anutufinnai ubeekainnanara minara firaaqoo asasifaranoo.

Ruka 5:32

Qinee sia amiqimaria fasiqa aanaaseesara nariqa mandainaina minnisee Anutufinnai ubeekaaqeera qumu maridaqa, innee manda fasiqa anaasee fee qimasee nifaqee mariasa misara kai Anutufinnai ubeekaaqeera naarararee qimasee qinee qumuafanausa maridaqa.

Aaquqira Ufa 28:13

Faiqí anaasee moo fannoo narí aaqarana kukeeqee marifa sia amiqirana maraannoo. Kooroommasee minnisainnana Anutufa afauaannoo.

Roomma 2:4

Inniara Anutufa aneenna mandainainakiqari mifinnai ubeekeefandinnanara reendeenamasee rakisidanoo maridanoo. Innee minara Anutufa reendeenira oosana marainara innee minara furufarira oosana fee fee qimaseeqee kaqi mi mandoosannaki marida fee. Anutufa inniara reendeenira oosana fannoo sia furufarira oosanafau maridanoofau. Inneeqa mandainaina minnisee quandaki narinnai ubeekaaqee qimari oosanafa maridanoo innee sia fee minara iridaqee.

Ruka 13:3

Sia minarau kuqiaa, qinee minara inni qimannimidaqa, Innee faqa inneeqa manda oosana minnisee Anutufinnai ubeekaaqa, sia miqiqa innee faqa miqi kai iqa kuqifaranoo.

Ruka 15:10

Qinee qimannimidaqa, Anutuna qangiroouqa mi anaaseena aanna reefaranoo moodaafa mandainaina maranoo ni ni inafa quandaki Anutufinnai ubeekainaqa minara firaaqoo asasifaranoo.

Yoohanee 18:36

Yisufa qinau, qini ququsa sia maa maqa maaqanasaaqaraa ququsa maridanoo. Qini ququsa maa maqanasaa marinaqau qini faiqinamu rakifaqau qini mareeqeefau idukuqisani. Sia qini ququsa maa maqanasaaqaraafa maridanoo.

Ruka 15:32

Ani akaqa fannoo kuqi noora foora inoo mariifa kaqi maridanoo auiqanoo mariifa aniraifaqa minara maqee maasa qoomaqa sakasee asasidaqa naunanoo amanaikinoo. Yisufa miqi qimaseenoo kafaa maaqi qimasee qimanniminau. Doo maa ufana anoona faasai qunnana maaqimminoo maridanoo. Innaarunai mariasa mi kumaaraana akoona aanna reefaranoo. Moomoo andeeqara fasiqa aanaaseera sia asasifaranoo, moodaafa mandainaina maranoo ni ni inoo quandaki Anutufinnai ubeekainnanara asasifaranoo.

Ruka 13:5

Sia minarau kuqiaa, Qinee inni qimannimidaqa, innee sia inneeqa manda oosana minnisee Anutufinnai ubeekeeqa innee faqa miqi kai ifaranoo. (Anutufa sia manda oosana akiaqara aaqee uqanna naridanoo, kisaaqasaa naaraidanoo mai andeeqara aatata aniaqee qidanoo, sia irifanoo miqoo naruannoo.)

2 Peetooroo 3:15

Anutufa maasa qikaqaafasaa Pauroona narí irirana amufanoo maa akarana rumaqoomau qinee faqa mi mau kai fidaqa. Mifa maaqimandee akara rinau. Karaambaiqa sia dauni qumi marina sia fifau kisaaqasaa maridanoo, maasa nariranara akooqaifanoo maasa innaarunai asumu marirana maraaqeera kisaaqasaa nifeesidanoo. Pauroofa qinnaqoo miqoo kai inni irirafa miqoo kai fuani.

1 Koorinti 5:12

Yisuna ufa sia irimariasa aqoosai mariasa sia narira ufa qinee nimmianaura mi saikafa sia qini saika maridanoo. Anutufa kai misa narira ufa nimiannoo. Inneeqa kai inneeqa nikaqaafasaa kimariana Yisuna ufara suqimariasa aaqaifaqa ufa nimirafa innindi mariannoo. Ooqai tamummaqara fasiqa moo fannoo minara maaqi qimasee akara rinau. Inniqa suqiranakiqari mandoosana maree marina aaduma mara quqaaqee qidanoo. Qinee Pauroosa minara inniki mandoosana maree mari fasiqana aqiqaaqee qidaqa.