Yoohanee 7:37 - Anutuna Ufa

^37-38 Uqiqaana maqa qoomaqa taikara faasaana uriqarara faasaanee qiqau. Mi faasaanna Yisufa findifinoo faiqí anaasee firaa kari qimanniminau. Yafasiqa anaasee fee nammariara aididanoo fee qinee iannaqoo nammari uqanna ani naa Anutuna tamummaqara fasiqa moo ooqai maaqi qimasee akara rinau. Kaqi marirana nimira nammari misa nimuqusa ookiqari ururee fuannoo fee qinau. Yafasiqa anaasee fee qiniara kuqaa anoonee qinafa misa nimuqusa ookiqari mi nammarifa ururee fuannoo.

Yoohanee 7:37 Referans Kwoze

Yoohanee 4:14

Qinee nimianna nammarina namasainafa mina aunduraindari naaru marira nammari maqee maqee uridanoo naaru marirana amiannoo.

Yoohanee 6:35

Yisufa kaifaa qimanniminau. Qinee kaqi marira nimira narana marunausa maridaqa. Faiqí moo fannoo qinee marunannai anireenoo qini saqarikinafa mifa sia kafaa naranara foora aararaannoo sia kafaa nammariara foora aidiannoo.

Uqafiqoo Ufafa 22:17

Anutuna maraquna faqa sipsipa aanaaqi Yisuna anaaqa faqa aiqamausara mai aniaqee qidaqa. Aiqama maa ufana irimariasa innee faqa quandafi niqoonausa naaraaqa aniaqee qiaqa. Yisufa naaru marira nammari nimianee qidanoo. Aiqama nammariara nidimarisa doo aniree naaqa. Sia feefaurifaranoo, nidimarinausa kaqi naaqa.

Yoohanee 4:10

Akasaa Yuda maqannaafammia. Sia Yuda maqannaasa Samaria maqannaasa kaafa piritaki naidammia. Qinee Samaria maqannaa maridaqammu. Anee naqi fee qidanee nammariara qiniara innaaru qidanee. Yisufa minara iriseenoo maaqi qimasee narí qimaminau. Anee Anutuna nimira ainainara faqa qiniara faqa irimarinafa maridanau qiniara irainaqau naaru marira nammari ani amini.

Uqafiqoo Ufafa 21:6

Kafaa qimaqiminoo qinau. Doo aiqama ainaina taikeenoo. Qinee oosana araafanausa maridaqa taikaaninna aukuana faqaasa maridaqa. Nammariara nidimarisa fuka maqakiqari ururee mari nammarina, kaqi marira nammari asooarafa sia feefaurirafa kaqi nimianauranoo.

Idi Ufa 42:2

Qini nammariara foora kaqi marira Anutunara dididanoo. Yairee fee qinee oonuree minara innaaru qianaura.

Idi Ufa 63:1

Oo Anutu, anee qini Anutufa mariananoo. Qinee doori kandamasee aniara randaida innaaru qidaqa. Qinee aadana maqa maaqai marunanoo nammariara didiara foora aniara dididanoo. Miqikaimmasee qini maa qifaaqafa faqa aniara nammariara foora aididanoo.

Idi Ufa 143:6

Qinee innaarukiqari qeeqa qisauku anee iannannai uqeeraidaqa. Aadana maqara foora qini qimana fannoo aniara nammariara foora aididanoo.

Uqafiqoo Ufafa 22:1

Mi qangiroofa fuka Yeerusaree maqusa uqaqifiqaseenoo nammari miqoo maruna uqaqifiqanau. Mi nammarifa Anutuna faqa sipsipa aanaaqi Yisuna faqa maru qaarinakiqari qumuree fuka maqusa qambaana ooqu fimarinau. Mi nammarina auqu kaqi marira nammari fee qiqau. Amiqira nammari sia dumuna maqa maru nammarifa mi nammarifa mookoofa amanee kai randaida qumidanoo.

1 Koorinti 12:13

Miqikai masee maasa aiqama Yuda maqannaasa faqa aanaamuru moomoo maqannaa mariasa faqa karabusaki ainainimariasa faqa iduki mariasa faqa maasa aiqama moodaa maraqunannai nammari marasee moomoo atiuqa moodaana apataika kai iqa mariasa Yisuna apata mariafanoo Anutufa moodaa maraquna nammariara foora nimifaqa naunnanara miqidaqa.

Yoohanee 6:55

Qini qimaqi narana uqanna maridanoo qini fidika nammari uqanna maridanoo.

Mataioo 11:28

Aiqama kadaapiri mariasa faqa naudura qumaara firaana maree mariasa faqa, qinee unnannai aniraifaqa qinee naundura idooarana nimianauranoo.

1 Koorinti 10:21

Innee karaambaiqa aafaqa naidaqa Yisuna kaafakinaana nammari namasee sia amana quandakina afaanauqa kaafakinaa nammari neefaranoo, innee Yisuna aafaqa naidaqa karaambaiqa qaindasaaqaraa feemu namasee sia quandaki afaannauqa qaindasaaqaraa feemu neefaranoo.

Eefeesusa 5:18

Innee nammari namasee furufarirana sia maraaqa mifa inni kuridimarifa maridanoo Anutuna maraquna fannoo kai inni naakufinoo naundurai qumbiqafinaqa mariaqa.

1 Koorinti 11:25

Misa mi feemuna namaseeqa kaifaa miqoo narana namasoofanoo Yisufa uainna maru kaafana nariqa maqee maqee neemaru nammarina qumareenoo maaqi qimasee qimanniminau. Maa kaafanaki mari uainna qini fidika kikuqusinoo maridanoo. Anutufa maqasaa fasiqa anaaseera qini faqa moodaanaki kira ufa marifanoo qini fidika fannoo mi ufana mapukira fidika maridanoo. Innee mina naqa fidaqa qiniara irisaidaqa naqa fuaqa. Yisuna ufa miqiminoo marifaqa qinee Pauroosa minara maaqi qianaura.

Yoohanee 14:6

Yisufa iriseenoo maaqi qimaseenoo qimaminoo qinau, qinee mi aanausa maridaqa. Qinee kuqaa anoona ufa maridaqa. Naaru naaru marirafa qiniki maridanoo qinee misa maridaqa. Sia moo fannoo kaqi qini qikoofinnai fidanoo qinimau kai fifaranoo.

Yoohanee 6:37

Qini qikoofa eedoo qira irirana niminausa misa qinee unnannai nári naundura ubeekama qimaqeefaranoo. Miqi mariasa qinee ianannai animariasa sia niqiqaanaqa fifaranoo.

Yoohanee 5:40

Innee minara iridaqa sia qinee unnannai aniree naaru marirana maree mariafanoo.

Yoohanee 1:23

Yoohaneefa misa ufa iriseenoo maaqi qimaseenoo qimanniminau. Anutuna tamummaqara fasiqa Eesaiaafa ooqai maaqi qimasee qiniara akara rinau. Qinee karaambaiqara nammeera qimasee qimannimira fasiqausa maridaqa. Kaasau maqa maaqakiqari maaqi qimasee nammeeraqidaqa. Innee karaambaiqa anianinna aanna andeeqaseeqa afisuaqa.

Yoohanee 7:28

Yisufa firaa amaana maqaki faiqí anaasee qimannimidanoo mi ufana iriseenoo maaqi qimasee firaaqoo qimanniminau. Kuqaa fee innee qiniara iridee. Qinee yaindaraasee marunaqee innee kuqaa qiniara irida fee. Sia qinee qeeqa kai animaridaqa qini diqiqaifa mifa kuqaa anoona maridanoo. Innee kuqaa minara sia irimariafanoo.

Aaquqira Ufa 8:3

Maaqusa kooqiki fee maqusa atinni fee kikiqinoo maridanoo maaqi qimasee nammeera qidanoo.

Mataioo 3:3

Yoohaneefa miqi qimasee qimannimimarufanoo ooqai Anutuna tamummaqara fasiqa Eesaia mifa qimaqoo ufafa anoona Yoohaneenaki kambiqanau. Mifa maaqi qimasee akara rinau. Faiqí moo fannoo faiqí sia marunnaindari aadana maqannaindari ufa fifi qimasee faiqí anaasee maaqi qimasee qimannimidanoo. Karaambaiqa anianifeera mina aana afisuaqa. Aana eendirana andeeqasaifanoo karaambaiqa fuani. Miqi qimasee akara rinau.

Aaquqira Ufa 9:3

Mifa narí ainainira maanaaqauqa niqiqoofaqa maqusasaa aaqanaikiraqoo ooruree nammeera qiaqeera niqiqoofaqa fiqau.

Aaquqira Ufa 8:1

Iriaqa, amiqira irirafa irirana faqaa aanaaseera foora nammeera qidanoo. Oonumafi irirafa dadaaqinoo firaaqoo naaraidanoo.

Aaquqira Ufa 1:20

Iriaqa, amiqira irirafa irirana faqaa anaas eera foora aana kindooraki faqa faiqí suqi mariaqoo maridanoo nammeera qidanoo.

Aaquqira Ufa 8:17

Qiniara rimariasara qinee faqa misara ridaqa. Nimudaanai qimasee qiniara randee mariasa misa qini paqurifaranoo.

Mataioo 5:6

Faiqí anaasee andeeqasee Anutuna iriranamau firaa iriranara aiqama irirana arusee uriqarara iriranee qimasee mi mau fimariasa misa uqanna anoona asasiranaki maridaqa. Anutufa misa dadaaqinaqa mi mau kai fifaranoo. Minara asasidaqa.

Yoohanee 4:11

Mi anaaseefa mi ufana iriseenoo kafaa qimaminoo qinau. Oo maa fasiqa ani nammarianandaana faqa nammari rarisara sanda faqa sia maridanoo. Maa madikafa meemai kisaaqasaa maridanoo. Anee qianandee yaindaraanee naaru marira nammari mareennaree.