Yoohanee 6:42 - Anutuna Ufa

⁴² Misa maaqi qiqau maafa Yisufa Yooseefaana amaaku maridanoo. Mina anausa akausara maasa iridaqa. Naqi fee qidanoo fee nariara innaarunaindaraasee qidanoo fee. Akooqooqaraafa maridanoo.

Yoohanee 6:42 Referans Kwoze

Ruka 4:22

Misa mina adiafaaira ufausa iriseeqa tautumasee narí qimami narí qimami qiqau, maafa Yooseefaana amaaku kai maridanoo fee qimasee nikooqanau.

Mareekoo 6:3

Maasaki kamundaa mariifa mifa kai maridanoo, mina anoofa Mariafa maridanoo maaqooqaraa anaasee faiqi maridanoo, mina akaqaafasaauqa Yameesana amarafa faqa Yooseesa faqa Yudasina amarafa faqa Simoona amarafa faqa maaqooqaraasa marifanoo Yisufa misakinaafa maridanoo. Mina asooqmaaka faqa maaqookai maridaqa. Misa minara miqi qimasee nikoo fee qiqau.

1 Koorinti 15:47

Indaaruqaa Adamafa maqasaaqaraa kookoomannai auqirafa marinau. Inaaqianna Adamafa Yisufa innaarunaindari quminau.

Yoohanee 6:62

Qinee kafaa uqeeree qumuafannannai ooru fuanaqa innee mina qafamasee naqi fee ifaree. Mikari qini ufara kuqaa anoonee qimasee firaaqoo rufieefaranoo.

Yoohanee 6:38

Qinee qeeqa qikoona iriranamau innaarunaindari sia qinee qeeqa qumiqa, qipaqeena ufara mina ainainirara qumiqa minara qinee sia moona aqiqaananoo fuannoo.

Roomma 9:5

Misa ooqeenaasa faiqí nuqufaqaasa Abarahaamana faqa Isakeena faqa Yakooboona faqa misauqa faiqi namu niku nisauku mariasa, misa asauku mundirafa mi maqannaasaki qumu kambiqafufaqa moodaa maqannaa marusa maridaqa. Anutufa aiqamausara rakisidanoo, naaru naaru mina amooqiaqa. Kuqaa.

Yoohanee 1:45

Firipifa Natanaeeranara randasee paqurimaseenoo qimaminau. Mooseefa Anutuna sandufasaa faqa tamummaqara fasiqausa faqa kambiqaaninna fasiqanara ooqai akara rumaqoona maasa paquriqa. Mifa Yisufa Yooseefaana amaaku Nasareetee maqusaindaraafa maridanoo.

Yoohanee 6:43

Yisufa iriseenoo qinau sia innee narinni narinni qiniara manda ufa qiaqa.