Yoohanee 6:38 - Anutuna Ufa

³⁸ Qinee qeeqa qikoona iriranamau innaarunaindari sia qinee qeeqa qumiqa, qipaqeena ufara mina ainainirara qumiqa minara qinee sia moona aqiqaananoo fuannoo.

Yoohanee 6:38 Referans Kwoze

Yoohanee 5:30

Yisufa kaqi qimannimidanoo qinau. Sia qeeqaraa moo ainainianaura. Anutufa dadaaqinaqa faiqí anaasee ufa irisee andeeqannisaanaura. Sia qeeqa iriranamau afeekaikamandee fidaqa. Qini qikoofa qini diqiqamaqaimau kai fidaqa.

Yoohanee 3:31

Mirindari qumifa mifa aiqamausa uriqararafa maridanoo. Maa maqanasaa qaraafa maa maqanasaa qaraanara kai qidanoo. Innaarunaidari qumifa mifa aiqamausa uriqararafa maridanoo.

Yoohanee 6:33

Anutufa nimunnaranna innaarunaindari qumu maridanoo maa maqanasaa mariasa naaruara marirana nimidanoo.

Heeburu 5:8

Yisufa nariara sia Anutuna amaaku fee qimasee mana maninau. Oosana oosana aupuraranannai Anutuna ufara aaqee kai eedoo qira oosana irinau.

Roomma 15:3

Asauku mundirafa ririmma, sia narí aidiramau finoo, narí akoona Anutuna aidiramau finoo tamummaqara fasiqa minara maaqi qimasee akara rinau. Faiqí anaasee Anutuna aqira ufa mandufa qimarifa qinisaa aqufinoo. Tamummaqara fasiqa mi ufana qimasee akara rinau.

Eefeesusa 4:9

Mi tamummaqara fasiqana ufa kooroo irafa Yisunara maaqimminoo maridanoo.

Mataioo 20:28

Innee qini daanna raaqa innee qini qiqafaaqa. Qinee faiqí nimaaku firaasa maridaqa, sia faiqí anaasee qini ainainamma qisaaqeerau qumidau. Qinee inni ureeqarausa inni ainainamma nimaqararee qimasee qumiqa. Qeeqa kuqiranannai moomoosa aaqarana akiaqara idukiraree qimasee minara faqa qumiqa. Minara innee narinni narinni qini daanna raaqa.

Yoohanee 3:17

Anutufa sia maa maqanasaaqaraa fasiqa anaasee narí ufa firaanaki mara aquanifeerau narí amaaku maa maqanasaa quqannisanau. Mifa faiqí anaasee nariranakinaana qumbaqeeqee naaru asumu mariranaki quqannisaanifeera Yisuna quqanau.

Yoohanee 5:19

Yisufa kafaa qimanniminau. Qinee kuqaa anoona ufa inni qimannimidaqa. Qinee sia moo ainaina qeeqaraa auqaidaqa qeeqa qikoona qafamasee mifa indeekai idaqa. Akoofa moo ainaina auqaifanoo amaaku miqikaimmidanoo.

Yoohanee 6:29

Yisufa iriseenoo maaqi qimasee qimanniminau. Innee maaqimasee Anutuna ainainamaisaaqa. Narí aqiqainna fasiqana mina saqarikiqa minasaa naundura rusiaqa. Anutuna ainainirafa miqimminoo maridanoo.

Yoohanee 6:42

Misa maaqi qiqau maafa Yisufa Yooseefaana amaaku maridanoo. Mina anausa akausara maasa iridaqa. Naqi fee qidanoo fee nariara innaarunaindaraasee qidanoo fee. Akooqooqaraafa maridanoo.

Yoohanee 6:57

Qini qikoofa Anutufa kaqi marira oosana faqaafa qini diqiqoofaqa maaqoo maridaqa minasaaqaraa marirana maraidaqa. Miqi kai inoo qini namasainafa qinisaaqaraa marirana maraannoo.