Yoohanee 6:35 - Anutuna Ufa

³⁵ Yisufa kaifaa qimanniminau. Qinee kaqi marira nimira narana marunausa maridaqa. Faiqí moo fannoo qinee marunannai anireenoo qini saqarikinafa mifa sia kafaa naranara foora aararaannoo sia kafaa nammariara foora aidiannoo.

Yoohanee 6:35 Referans Kwoze

Uqafiqoo Ufafa 22:17

Anutuna maraquna faqa sipsipa aanaaqi Yisuna anaaqa faqa aiqamausara mai aniaqee qidaqa. Aiqama maa ufana irimariasa innee faqa quandafi niqoonausa naaraaqa aniaqee qiaqa. Yisufa naaru marira nammari nimianee qidanoo. Aiqama nammariara nidimarisa doo aniree naaqa. Sia feefaurifaranoo, nidimarinausa kaqi naaqa.

Yoohanee 6:41

Yuda maqannaasa uriqararausa mi fasiqa anaaseesaki mariasa misa Yisuna ufa irisee mifa nariara innaarunaindari qumuafanausa maridee qidanoo. Miqi qimasee dapi dapi ufa qimariqau.

Uqafiqoo Ufafa 7:16

Ititannimaqaidanoo sia kafaa misa naara raannoo, sia nammariara nidiannoo, sia suani ididirafa nifaaqai naruannoo.

Yoohanee 6:37

Qini qikoofa eedoo qira irirana niminausa misa qinee unnannai nári naundura ubeekama qimaqeefaranoo. Miqi mariasa qinee ianannai animariasa sia niqiqaanaqa fifaranoo.

Mataioo 11:28

Aiqama kadaapiri mariasa faqa naudura qumaara firaana maree mariasa faqa, qinee unnannai aniraifaqa qinee naundura idooarana nimianauranoo.

Ruka 6:25

Innee maqee nimuaqu imariasa inni aupurarafa firaafa mariannoo, inni aandaroo naruannoo, innee maqee naanaidara qimariasa inni aupurarafa firaafa mariannoo, innee noori runirafa faqa qikifaafau qirafa faqa mariannoo.

Yoohanee 6:65

Yisufa minara maa ufana atiki kafaa qimanniminau. Qinee minara faasai qunnana sia amana moo fannoo narí kai qinee ianannai aniannoo. Qini qikoofa dadaaqinanoo kai qinee ianannai aniannoo.

Yoohanee 5:40

Innee minara iridaqa sia qinee unnannai aniree naaru marirana maree mariafanoo.

Yoohanee 4:15

Mi anaaseefa mi ufana iriseenoo Yisuna qimaminoo qinau. Maa fasiqa maqee kai mi nammarina qimina namasaananoo taikafinaqa sia maqee maqee qumu nammari saka, ireeda maria.