Yoohanee 5:37 - Anutuna Ufa

³⁷ Sia qinee auqee marunafa kai qini duqu uqeeraidanoo. Qini qikoofa qini diqiqamaqaifa mifa faqa qiniara ufa qidanoo dadaaqidanoo. Innee Yuda maqannaa uriqararausa ooqaindari sia mina ufa irimariafanoo. Innee sia mina afiri qafaanara sia uqanna mina iriranamau firanara irimariafanoo.

Yoohanee 5:37 Referans Kwoze

Yoohanee 8:18

Qinee qeeqaraa ufa qidaqa qini qikoofa qini diqiqoofa mifa faqa qini dadaaqifaqa anoona ufa tia qimannimidaqa.

Yoohanee 1:18

Sia moo fannoo Anutuna qafee marufa marinau. Narí amaaku moodaa narí akoona amuqusa uqanna mifa kai narí akoona faqa marida qafamaseenoo maa maqanasaa maasa qimannimirara quminau.

1 Timooti 1:17

Naaru naaru mari karaambaiqafa sia kuquaninafa maasa sia mina qafee marunafa moodaa Anutufa sia moo fannoo marifa uriqararana faqa areenarana faqa naaru naaru minaindi mariannoo.

1 Timooti 6:16

Anutufa mifa kai sia faiqí undee irafa aaduma marifa, mifa kai sia faiqí amana qafaaqaaira kaaqa qaranaki marifa, sia moo fannoo mina qafaida sia moo fannoo amana qafaannoo. Mina auqu uqeerarana faqa naaru naaru afeeka marirana faqa minaindi kai maridanoo. Kuqaa.

Mataioo 3:17

Quqamafufanoo innaarunaindaraa ufa maaqi qimaseenoo akooqoo Yisunara qinau. Maa fasiqafa kaaqa qini qimuqusira qimaaku marifaqa minara qini qimuqusa asooaifaqa susuidaqa.

1 Yoohanee 4:20

Moo fannoo qinee Anutunara uriqarara ainainara rida fee qimasee quandaki narí akaqaafasaara fidiaqaa inafa unna qirafa mariannoo. Mifa narí afu qafee marina narí akaqaafasaa ririmma sia amuqusidanoo minau Anutuna sia qafee marina naqimandee fifau amuqusiraree sia amana.

1 Yoohanee 4:12

Sia moo fannoo Anutuna qafoosa maridaqa maasa nariara nariara riranannai Anutufa maasaki maridanoo mina amuqusirana anoona doo maasaki anoonaikinoo maridanoo.

Yoohanee 14:9

Yisufa mina iriseenoo akooqoofanoo raiqaseenoo qinau. Firipi qinee kisaaqasaa inni faqa mariafanausa marunana anee sia irirana irimariananoo. Yafasiqa anaasee fee qini qiqafainafa doo qini qikoona qafaidanoo. Anee nanaree qiniara aneenna akoona uqaqifiqaannee q inanee.

Yoohanee 6:27

Innee sia dauni putaa ira naranara ainainiaqa. Naaru marirana nimira naranara minara ainainiaqa. Qinee maa naranna qinee faiqí nimaaku inni nimianaura. Qini qikoofa Anutufa qiniara aidimarifanoo narí aiqama ainaina qini daaku qimaqasaina inni amana mi naaru marira naranna nimianaura.

Mataioo 17:5

Peetooroofa kaqi qimarufanoo kaaqa qarana asuru fannoo aiqama rafaaqa finau. Ufa moo, asurukiqari Yisunara qimanniminau. Maafa qini qimaaku qini kaaqa minara qimuqusidanoo. Qini didirafa minasaa maridanoo, mina ufa iriaqa.

Rafudoo Akarafa 20:19

Miqi masee misa rufiasee Mooseena qimamiqa qiqau. Anutufa maasa qimaqiminaqa maasa irisee kuquanoora rufiaidaqa anee kai maasa qimaqiminaqa iria.

Yoohanee 15:24

Qinee misa nifusaa faiqí sia auqaaqaa ira ainaina auqaafannana sia maqasaa fasiqa moo fannoo mi ainainna auqoofanoo anoona kambiqanau. Qinee sia miqimaseeqa mi ainainna auqaananoofau misa numoo sia mariqini. Qinee oosana oosana ainaina auqaunaqa misa sia amiqimasee maaqanda qisakoosara irirai maaqandara fidiaqaamma qimaqaidaqa.

Mareekoo 1:11

Quqamafufanoo innaarunaindaraa ufa moo maaqi qimasee Yisunara qinau. Anee qiqaindi uqanna qimuqusira qimaaku marianafa qinee aniara amiqimasee qiqaara raidanoo.

Yoohanee 5:32

Anutufa qini dadaaqimarifa maridanoo mifa anoona ufa kai qiniara qimarifa maridanoo, sia qeeqa kai qianaura mifa dadaaqiannoo. Innee Yuda maqannaa rakisirausa ufa anoona iriannee qimasee faiqí niqiqaifaqa Yoohaneefa nammari nimimarifunnai ooquree iriqau.

1 Yoohanee 5:9

Maaqoo kootaki ufa qimariasa ufa iridaqa kuqaa fee qidaqa. Faiqí ufa marinanoo Anutuna ufa fannoo faiqí ufa uriqaranoo marinara mifa akooqooqaraana Yisunara qini qimaaku uqannee qimaqoofa marinara maasa minara kuqaa anoonee qimasee irianaura.