Yoohanee 5:30 - Anutuna Ufa

³⁰ Yisufa kaqi qimannimidanoo qinau. Sia qeeqaraa moo ainainianaura. Anutufa dadaaqinaqa faiqí anaasee ufa irisee andeeqannisaanaura. Sia qeeqa iriranamau afeekaikamandee fidaqa. Qini qikoofa qini diqiqamaqaimau kai fidaqa.

Yoohanee 5:30 Referans Kwoze

Yoohanee 6:38

Qinee qeeqa qikoona iriranamau innaarunaindari sia qinee qeeqa qumiqa, qipaqeena ufara mina ainainirara qumiqa minara qinee sia moona aqiqaananoo fuannoo.

Yoohanee 5:19

Yisufa kafaa qimanniminau. Qinee kuqaa anoona ufa inni qimannimidaqa. Qinee sia moo ainaina qeeqaraa auqaidaqa qeeqa qikoona qafamasee mifa indeekai idaqa. Akoofa moo ainaina auqaifanoo amaaku miqikaimmidanoo.

Yoohanee 14:10

Firipi anee sia fee qini ufara anoonee qidanee. Qinee qipaqeenaki faqa maridaqa mifa qiniki faqa maridanoo sia fee anee mi ufana iridanee. Yisufa kafaa narí faiqi namu aiqama qimanniminoo qinau. Qinee inni ufa qimannimimarunafa sia qeeqa daundurakinaana qimannimidaqa. Qini qikoofa qiniki marifa narí irirana iriseenoo qifaqa narí qimau kai fidaqa qimannimidaqa.

Mataioo 26:39

Miqi qimaseenoo mifa kaqikaa qoo nariara oonu oorindari mi saqamanaki maqasaa aqufufanoo innaaru qinoo qinau. Oo qini qikoofa amanee anee sia qini minniqisainaqee sia kuquanauree. Sia qeeqa didiranara iridaqa ani aidiranara dididanoo, anee qinaqa kuquanaura.

Yoohanee 8:28

Kasooqaqee innee qini faiqí nimaaku uqeereeqee aunirira saqarisaa quqaqisaseeqa mikamuqoo qinee mariaafannanara irifaranoo. Qini qikoofa qimaqimiqoo ufana kai inni qimannimidaqa. Mikari innee minara faqa amiqimasee irifaranoo.

Roomma 15:3

Asauku mundirafa ririmma, sia narí aidiramau finoo, narí akoona Anutuna aidiramau finoo tamummaqara fasiqa minara maaqi qimasee akara rinau. Faiqí anaasee Anutuna aqira ufa mandufa qimarifa qinisaa aqufinoo. Tamummaqara fasiqa mi ufana qimasee akara rinau.

Yoohanee 8:50

Qinee sia qeeqa duqu uqeeraranara randaidaqa. Moo fannoo qini duqu uqeerarafa maridanoo. Innee qini duqu maqasaa quqeemariafanoo Anutufa kai qini dadaaqinoo inni rafaaqa fuannoo.

Yoohanee 8:42

Yisufa misa ufa iriseenoo maaqi qimasee qimanniminau. Anutufa inni nikoofa marinaqau kuqaa innee qiniara rini. Qinee Anutufinaindari maaqoo qumumaridaqa. Qinee sia qeeqafau qumiqau mifa diqiqoofaqa qumiqiafana.

Yoohanee 17:4

Qinee maa maqanasaaqaraasa doo ani afaaqa areenarana uqannifiqeeqa. Anee ainainirana qimiannana doo qinee taikaseeqa.

Idi Ufa 96:13

Yaaweefa maqasaaqaraasa rakisi nimaqarara anireenoo andeeqaranannai faqa amana amana kai ira oosanannai faqa rakisi nimaqaannoo.

Yoohanee 18:11

Yisufa mina qafeenoo Peetooroona qimaminoo qinau. Saa, aneenna paipana narí aanaamuki upeekaa. Qini qikoofa manda nammari naannee qimaqoosa anee qiniara sia naannee fee qidanee. Qinee naanaura.

Oosana 18:25

Sia amana andeeqarausa faqa mandaikirausa faqa moodaanaki narinnaranoo. Mifa sia andeeqanoo maridanoo. Andeeqarausa faqa aaqee mariasa faqa sia amana moodaa oosana kai niminnaranoo. Aiqama maa maqanasaa mariasa siaasa marianafa andeeqara oosana kai maraa.

Roomma 2:5

Inni naaqooki ooni ititanoo marifaqara foora sia ufa irimariafanoo. Miqianara Anutuna andeeqara ufa faqa mandainaina akiaqara narira ufa faqa kooroo inna faasaana mikari inniqa mandainaina fannoo inniqa narira ufa firaaqoo uriqaramafuannoo.

Roomma 2:2

Faiqí anaasee mi manda oosanna maree marifanoo Anutufa kai misara narira ufa qiannoo. Anutufa sia aaqaidanoo andeeqaidanoo misa narira ufa ameemaanai quqannisaannoo.